本帖最後由 ghhf 於 2016-5-29 21:41 編輯
玩膽之樂 STAX 系統 Tube Rolling
呢兩日打唔成風出番太陽，又係小弟囇膽時候。唔好誤會，小弟今次唔係開箱，而係入箱，C兄要調番轉來睇 {:6_138:}
執下執下大半日，原來巳收集咗真係唔少6CG7膽，未聽就先興奮。襯新鮮記得做個盤點記錄做日後參考跟進。小弟唔會咁快幫STAX系統換膽住，所以清理好之後，連埋之前大手入既其他6CG7都要收埋作藏品一年半載，之後再慢慢試玩!
10× 灰肋屏銀盾側[]集 (RCA Clear Top)
4x 灰肋屏側[]集 (RCA Clear Top)
16× 3曡黑肋屏Ω頂集(RCA)
9x 黑肋屏銀盾Ω頂集
4x 灰短T屏銅柱O頂集(RCA)
4x 灰T屏黑盾O頂集(TS)
6x 黑T屏黑盾O頂集(MOT)
9x 灰短T屏銅柱O頂集(WH)
5x 灰T屏銅柱O頂集(ZENIT)
5x 灰短T屏銅柱O頂集(RAYTHEON)
5x 黑肋屏黑盾O頂集
6CG7藏膽去圖 {:6_122:}
ghhf 發表於 2016-5-29 13:52 static/image/common/back.gif
玩膽之樂 STAX 系統 Tube Rolling
呢兩日打唔成風出番太陽，又係小弟囇膽時候。唔好誤會，小弟今次唔係開 ...
師兄。我由page one 睇到現在。你完全可以開班教人。又或開店賣胆。努力。等你出報告。正!
嘩呀{:6_128:}
本帖最後由 ghhf 於 2016-5-29 21:21 編輯
chris1888 發表於 2016-5-29 16:21 static/image/common/back.gif
師兄。我由page one 睇到現在。你完全可以開班教人。又或開店賣胆。努力。等你出報告。正! ...
鴻圖大略 經典試聽大計
見到C兄咁講，小弟又有好多感想，不其然就執筆又寫咗一大段嘢。事實係，小弟一路收藏一路玩，一路玩又一路學，跟住一路聽又一路興奮，一興奮就想再收藏多d {:6_136:}
可惜膽海無崖，以小弟既能力，只係玩到鳯毛麟角。好彩小弟追求既"一體臨場"係一種"感受所在"既均衡感動境界，唔係窮追一種極致技術效果 ...... 或者小弟係退休之後，有多d時間搞下嘢，與同好C兄多d分享交流 {:6_142:}
老實講，小弟既"經典試聽大計"仲未正式開始，的確係一個超級漫長品聽大計。搞掂咗個"超級電池補完"，將小弟覺得係逆流系統本身產生既"煩燥"感都淨化埋，咁基建部分就差唔多了 {:6_146:}
再選定埋音源格式，WAV, FLAC或係直上DSD?! 咁小弟就踏入真正既品聽階段，而家只不過係籌備同"熱耳"，比小弟知道確定自己既目標，及準備好參考基線 {:6_165:}
C兄話由小弟私帖第一頁睇到呢個位，真係多謝C兄捧場! 小弟的確係為自己上緊一個死唔斷氣既真人show，而且話明係絶對主觀，唔好受小弟引誘。可能係咁所以有人睇，但少人出聲，不過亦表示小弟口水多過茶得來，又唔會枯燥無味，咁先㡳死 {:6_138:}
黑翼菜鳥 發表於 2016-5-29 16:24 static/image/common/back.gif
嘩呀
{:6_128:} {:6_128:} {:6_128:}
本帖最後由 ghhf 於 2016-5-30 09:21 編輯
講番STAX系统配DAC效果，Young DSD同Hugo係完全兩種格調，係咁高既背景技術質量支持下，其實巳經唔係高下之分。小弟雖然巳經比出概括性感受，不過要聽多一個星期先出詳評，因為要聽配Zendo線及銅線效果異同。而家越聽就越覺得小弟呢套STAX系統絶對係物有所值，總之就係無買錯嘢 {:6_165:}
另外，唔好以為小弟放棄咗推煲Wonder耳機，過多一兩星期完成STAX系統開箱品聽之後，STAX系統會暫時入番箱，小弟就會再次全力用WA22推煉Wonder耳機，直到佢變為真正神器 {:6_172:}
嘩! 送貨先知原來咁重成幾十磅! 呢件係咩嘢?! 星期六先有時間去攞，又有得開箱 {:6_128:}
本帖最後由 ghhf 於 2016-6-1 20:09 編輯
上節分享咗STAX系統效果，係短短二星期內就達到"一體臨場"感動要求，小弟同時發現STAX系統既線性特性，當配上唔同訊源DAC，就可以有明顯不同風格，可以話要斯文有斯文，要力量有力量，所以STAX系統基本上就係一個"無染"既後級組合(相對於WA22 "豪邁大氣")，洽洽就係讓小弟更容易體驗Young DSD及Hugo既各自獨特個性。好啦，高潮將近，C兄先唔好咁激動住，小弟再吹住一段水，比C兄頂住癮先，保持頭腦冷靜 {:6_134:}
STAX系统既"一體臨場"效果同WA22，WA6 SE既有咩分别? C兄必定知道小弟會答係"等價"，因為係小弟主觀既可尺度標準下，佢地都係技術性完滿(technically perfect)，係"一體臨場"既必要條件。由此可見進一步確定，成日掛係小弟嘴邊既所謂"一體臨場"係與系统平台無關(platform independent)。任何系統只要有適度調配彈性，小弟都有可能揾到"一體臨場"效果。大路既講法係，好似戀愛感覺，只要一旦愛上，就唔好問我背後既技術性因素，眼耳口鼻身栽比例組合? 不過係既有關亦無關，一個特定狹隘(甚至係被市場化，因為用咗某高質缐材膽管耳機部件?! 去韓國整容執正索咗?!)既自圓其説解釋 {:6_142:}
吹住咁多先，過多幾日就到高潮 ..... {:6_138:}
本帖最後由 ghhf 於 2016-7-16 12:43 編輯
HD600 開箱與品聽
利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!
今日入手HD600，小弟例排又唔講嘢住，HD600落係小弟呢種咁不擇手段既人手上，命運究竟會係點呢?! 留d空間比C兄聯想下先 {:6_122:}
https://post76.hk/data/attachment/forum/201606/18/165907r12rqujbuaw7woo8.jpg
https://post76.hk/data/attachment/forum/201606/18/165907fi9xeixjevtzm1dr.jpg
https://post76.hk/data/attachment/forum/201606/18/165907ttgj8v85zqoqcb31.jpg
自圓其説
小弟乘機又噴下口水先，HD600小弟之前完全未聽過，最近係論壇有C兄提起，引起小弟興趣。再係網上爬文，據聞HD600係最有自然效果既耳機，歷久應該係有一定客觀性，細察幾款前幾代經典耳機，HD600，HD650，DT880及DT990，亦有兄推介HD540G，小弟唔會懷疑佢地既性能，畢竟小弟選HD600同樣係基於佢一定既市場客觀性，不過好似玩膽咁，好嘢一個人係玩唔哂，有時更係可遇不可求。 最後決定入一隻HD600作為經典體驗 {:6_146:}
如果單論個別技術特性，HD600比現代旗艦耳機，唔使聽應該都係有一段距離，不過小弟一直追求既係一種"均衡感動"，仲要係完全主觀"感受所在"既效果，所以係有調配空間，有難度得來又好玩，只要HD600本身無咩重大偏執，HD600有客觀口碑，就更應該係值得期待 {:6_128:}
玩法係兩面相向(甚至係多方面既調和)，嚴格來講係玩組合效果，唔係單純個別比評技術性能(咁當然亦要先達到一定技術質量水平)。小弟都有聽過HD800同AKG812，要達到小弟既"均衡感動"，實際可能係同HD600既配套行另一方向，小弟傾向配比較"厚質暖"既膽管組合去調和HD800同AKG812既"高清冷"感，最後既組合效果都同樣係"均衡感動"，但又各有風格，過程同結果都同樣玩味無窮 {:6_142:}
講番HD600，如果真係成功上到個"均衡感動"組合，同HD600初聽效果比可能會有好大差别，甚至唔會再咁輕易認出係HD600既特性。小弟咁講係因為之前完成"一體臨場"既效果經驗，耳機原來明顯既"獨特個性"消失咗(或者更貼切係被調和咗，LCD-3組合可以有"高清甜"，HD800組合同様有"彈鬆容")，出來既係一個全新難以估測既組合效果，所以最終都係耳聽為實，因緣際會，期待"均衡感動"出現 {:6_128:}
煲煉策略
小弟會先用各位C兄熟悉既Hugo先推吓HD600，攞個初聽参考基準，跟住上WA22一路連續煲煉，直至揾到個HD600"感動"組合為止，雖然仲未開始品聽，小弟傾向覺得唔使換線，都有機會成功! 小弟特登揾HD600陪跑Wonder耳機，兩隻一齊用WA22推煉，同一個膽管組合輪流推兩隻耳機，仲會一路以HD800作為同門比較 {:6_146:}
HD600呢隻前幾代旗艦級耳機，可以去到咩程度? 匹敵HD800及其他小弟手上當代旗艦級耳機? 最終又可唔可以達到小弟要求既"一體臨場"效果?! 力推之下，睇下HD600係咪真係識飛 {:6_128:}
處女第一響
小弟入手HD600成個星期，因太忙仲未開始品聽，小弟雖然之前從未試聽過HD600，但係對佢係有一定既期望。係玩STAX靜電系統既體驗，特別係配上前幾代旗艦耳機SR-507都咁有擴展力表現，組合效果比起其他小弟當前旗艦耳機組合，效果毫無失色(有機會都要試下配009)，甚至整體效果要更勝一籌，並且極速達到感動級別效果，小弟期望HD600可能會比出類似SR-507既體驗，線性及可擴展力。{:6_146:}
其實小弟已擁有HD800，入隻前幾代既旗艦HD600，當然唔會只係想比對知道佢地分析力，動態，音場等等，個別技術性性能異同，呢d只係配菜! 小弟覺得HD600最終組合效果，應該可以同樣去到感動級别，咁理想既預期，當然唔可以空口講白話，吹水背後，都要有足夠實力支持，音源，DAC及AMP要有足夠質量及力量，同等重要既係系統可適配性，推起並調節HD600去到小弟要求既"感受所在"均衡感動! 小弟一再強調係"感受所在"既重要性，只係追求純粹既技術性均衡(認定某種特定技術效果既絶對性)，對小弟來講，其實係無咩意義，應該話係本末倒置，極其量只係一個參考線!{:6_142:}
小弟今次準備分不同階段來玩，係每一個階段，用同一組系統配置玩2星期，分别推HD600及HD800作為對照，同時亦會繼續推煉ED5-U。階段完結，就會分享3隻耳機效果及對比異同。第一個階段係以C兄熟悉既Hugo直推3隻耳機，先攞個基線耳感，跟住先上WA22玩Tube Rolling，然後又換上Young DSD，總之就一路煲煉，一路體驗，玩盡所有可能組合效果，目標就係"一體臨場"! {:6_165:}
今個星期六日就係HD600處女試音第一響，配上Hugo效果會係點呢?! Hugo"悠密甘甜"既經典韻律, 會唔會即刻就推到HD600如痴如醉，出個"一體臨場"?! 相對HD800及ED5-U又有幾大差別，過戲旗艦，同樣熱切期待! {:6_143:}
三雄爭霸 HD600 HD800 ED5-U
今日總算幫HD600開咗箱，即刻接咗上以Hugo 6.3輸出直推(經USB接Macbook作音源播放)。{:6_122:}
小弟循例係唔會咁快講聽感，處女第一響既感覺係 ......{:6_128:}{:6_128:}{:6_128:} 比住呢個表情頂往先。再補d圖刺激下C兄眼球，HD600，HD800兩兄弟內訌，仲要加埋個ED5-U第三者，真係三國争雄咁亂! {:6_138:}
https://post76.hk/data/attachment/forum/201606/18/165907rww83sg55y39w5ae.jpg
第一章 初會Hugo
今日小弟耳聽完第二節，HD600係第一節顯得比較拘緊，未放開，不過係第二節就好似急不及待咁，要向小弟表現個性。小弟仍未可以隨便下品評，就而家所聽效果，小弟只可以肯定咁話，HD600可以長壽熱賣，唔係浪得虚名，佢又多咗小弟一名肯定者。{:6_146:}
至於HD800及ED5-U，佢地收埋咗一排，呢兩節只能算係熱身。ED5-U仍然浮露出齒音及極端位爆散，但第二節之後已大幅收斂，小弟相信係Hugo既精密及動量力推下，應該會不斷改善演進。{:6_169:}
聽完兩節，其實小弟又巳經成個口都係口水，畢竟呢3隻耳機同場拍埋，係可以有好多嘢講。配上Hugo，佢地既格調係非常唔同，依小弟標準，HD600及HD800肯定唔係級别等差關係，而係代表緊兩個不同時代既經典風格。雖然係同一牌子，形號相近，小弟感到佢地入面有既係唔同既DNA，即係基本上都係水果，不過一個係橙，一個係蘋果，應該放下先入為主片面角度，小弟會將HD600看成為一隻有獨特個性耳機去品評(而唔係有幾多成效果既HD800)，小弟第一件要驗證確定既事巳達到。{:6_142:}
初感小弟比住咁多先，繼續聽番一個星期再講。{:6_128:}
http://post76.hk/data/attachment/forum/201606/19/132801u1or2oxy4jo7x7pp.jpg
HD600 越聽越有
今日星期日成日係屋企，貪心一連再聽咗兩節，來到第三及第四節，HD600就開始放料，極速展現空間感及音樂感，仲係有越聽越有既勢頭，係聽到小弟唔想放底耳機休息果隻。估唔到咁快就出事，似乎係Hugo呢個高整合小盒子，"悠密甘甜"極優質輸出推動下，HD600比出既優異效果。{:6_142:}
咁快有咁既效果，小弟的確難掩興奮心情，要即刻出多段文報告咗先，因為又一次證明小弟英明決擇，不但無買錯嘢，仲係物超所值。詳細品評當然唔係而家講，不過C兄又要準備好，小弟稍後就會口水大暴發! {:6_138:}
HD600 vs HD800
係而家呢個探索階段, 其實無咩係公唔公平既, 只有當下組合既直接體驗效果, 並不代表任何直接尺度對比標準. 即使Hugo匹配HD600, 並不代表唔匹配HD800, 事實上之前小弟亦體驗過Hugo配HD800既表現, 亦非常出色, 兩者不過係用緊不同風格演譯. {:6_146:}
係更普及既情況, 依小弟自己既品評標準“一體臨場”, 追求既係一種感性感動效果, 基本上係與系統無關(platform independent), 所以C兄講既”公平”係小弟呢個個案, 已經完全涵蓋咗, 係一個等價組合集合, 可以係包含HD600及HD800作為組合元素既任意組合, 只要滿足咁樣既感動條件. {:6_128:}
小弟並不能確定HD800配平衡線路AMP駁平衡耳機線, 係咪一個感動效果, 既使小弟有幸聽到, 係一個感動效果, 與HD600既感動效果, 仍然係橙同蘋果, 即使佢地都滿足係水果(感動)呢個條件. 或者HD800遇上Hugo TT真係好匹配, 同樣既情況, 並唔代表HD600就唔匹配, 更何況，如果匹配既意義係在於滿足感動條件，"匹配"係由小弟呢個聽者既絶對標準決定(唔係由技術標準決定), 最後都係耳聽為實先可以確定{:6_142:}
AKG K340 加入戰圈
小弟執咗隻AKG K340, 睇落好新淨吓, 耳套好似仲係完好無缺損, 爬文話AKG K340好似有兩個版, 其中一個係重低音版, 唔知小弟呢隻係咩版?! {:6_141:}
等一兩個星期送貨, 到手就加入戰圈, AKG K340拍住HD600呢對過戲經典, 一齊挑機現代旗艦HD800, ED5-U, 越來越有睇頭 …… {:6_128:}
一拖三 都掂
係品聽既同時，小弟好奇乘機試下Hugo既能力，平時唔會咁玩一拖三，雖然有可察覺分別，但效果仍然係可聽範圍，無出現明顯走樣失色，Hugo既能力算係有交待。{:6_146:}
講番三隻耳機，用Hugo輪流推咗一個星期，HD600同之前係第三同第四節既越聽越有比，去到第五節之後，似乎已經穩定咗，無咩重大變化。HD800方面，畢竟小弟已玩兩年，效果相當穩定非常唔錯。{:6_142:}
今節反而想比多d筆墨係ED5-U，行咗一個星期，雖然繼續展现佢一貫豐富層次及華麗場感，可惜齒脆音感仍然揮之不去，單以Hugo本身"悠密"同"動量"似乎並未能"完全推起"ED5-U，相比起來，其實係WA22配上Tung Sol整流膽時既效果，係小弟暫時聽到最滿意既。如果以為ED5-U係低抗高敏耳機，就易推得好，咁以小弟今次既體驗，可以用"中伏"兩個字來形容，ED5-U似乎係小弟現有耳機最難推得好既，不過小弟仍然維持煉成之日，ED5-U將會係"超級"耳機呢個預期(所謂難推，小弟相信同功率或音質無直接關係，而係同響應分佈效果既匹配度有關，咁當然呢度講既"齒脆"，"難推"，"中伏"，"超級"，完全係基於小弟主觀耳感)，相信要遲d再係WA22上先會有突破。{:6_121:}
聽多一個星期，小弟就會比出三隻耳機係Hugo直推下既效果異同。唉，差d唔記得仲要等埋AKG K340 ...... {:6_128:}
https://post76.hk/data/attachment/forum/201606/25/122349ekd9aa46k42td99a.jpg
曬得膽多 今次改曬耳機
小弟聽過HD600係Hugo既效果之後，對呢隻前度經典既感覺係非常獨特，引發小弟感悟，決定要對比埋其他耳機既效果，除咗原定既HD600，HD800，ED5-U，加埋LCD-3，T1同D7100，會一會Hugo。小弟曬得膽多，今次改曬耳機，一於全家福出動。另外有AKG K340來緊，小弟仲睇中咗另一隻神秘耳機 ..... {:6_121:}
https://post76.hk/data/attachment/forum/201606/25/174332uw45ynzo4knwe9ia.jpg
群星供照 大衆旗艦 HD600
好啦，襯星期六日放假，小弟出動哂所有耳機，一連再聽咗幾節LCD3，T1及D7100各耳機係Hugo上既表現，目的就係做對比，求證肯定小弟係HD600揾到既獨特效果。{:6_142:}
小弟已越來越覺得，HD600與Hugo似乎係最"匹配"，係既熟悉又不完全一樣既效果。老實講，以HD600既親民售價，有咁既效果(小弟相信之後上WA22玩埋換膽，會仲更驚喜)，小弟突然心生一個名號，HD600係一隻"大衆旗艦"! {:6_146:}
究竟HD600效果有咩咁特别，值得小弟冠以"大衆旗艦"呢個名號?! 甚至比HD800及其他耳機效果更得小弟歡心?! 其他耳機係Hugo上既表現又係點? {:6_141:}
小弟而家講住咁多先，聽埋呢幾日作完全肯定之後，下星期日就出報告，保證又係精彩一幕。{:6_128:}
HD600硬膠玩具
小弟又吹下水再講下HD600，就咁拍埋d現代旗艦，賣相真係完全無得睇。老實講，有d硬膠感，設計唔係cool同cyber果隻格，其實仲有d玩具feel。戴上頭亦唔算係最舒服果種，真係完全勝在夠輕。{:6_142:}
如果未聽過HD600，單以型號，賣相及市場售價作為衡量標準，就判定HD600不過係一隻已被現代旗艦HD800"全面技術性超越"既老嘢，點玩都出唔到火，以小弟品聽之後既體驗同標準(最少而家係Hugo上既效果)，可能係走咗寳，因為HD600既"硬膠玩具"外表，同佢既內涵性格，完全係唔匹配(小弟强烈建議有關官方重新包裝設計，話唔定可以殺出另一個高潮)，咁當然每個人把尺都唔同，小弟當係寶，其他人可以不肖一顧。{:6_146:}
HD600 一體臨場 - 諧和感動 悠柔共嗚
又係人弟噴口水既時候，係繼續之前，小弟要提醒C兄，請先提升戰鬥力! 唔好以為忍住條氣唔使變身，都可以對抗小弟毒咒，須知小弟絶對係有口味偏執，鍾情"鮮活大氣"，聽慣"豐鬆飽容"效果。小弟所有耳機除咗ED5-U，K340及將到手既KK之外，都巳聽過佢地各自既"一體臨場"組合感動效果，聽過好嘢再加埋偏執，要求自然就會唔同咗，小弟之後既描述只能代表一個"特定組合"效果，並不表示耳機及其他相關配備之間優劣品評。{:6_142:}
首先係各耳機係Hugo上既綜合效果評論，小弟唔打算長篇大論逐隻數，只用返自己既效果級别來作概括描述。小弟之前已有篇幅講咗ED5-U，係Hugo直推上似乎無咩作為，未能算合格，待遲d係WA22上再作突破。對於D7100及LCD3，係Hugo上既表現同小弟聽過佢地各自既"一體臨場"效果相比，雖然有一定彈性音樂感，但層次感不足，場感亦未有被推開推起既感覺，平平無奇，只能算係"舒服"。{:6_136:}
T1既效果中高檔質感線條及伸延性相當吸引，場感人聲有感染力，不過低重部分略嫌不足，所以整體上係介于"舒服"與"享受"之間。至於HD800配上Hugo，就係一個"享受"級既組合，效果係無可挑釁，係Hugo既"悠密甘甜"，HD800既"冷傲直白"，加埋得到既就係"精密緊緻"，呢種效果小弟認為係有一定既代表性，似乎係現代主流風格既基線。{:6_146:}
聽完其他耳機(K340同KK後補)，小弟確定HD600係Hugo上既獨有效果! 無錯! HD600比出既係一個"諧和感動 悠柔共嗚"既"一體臨場"感動效果。C兄先細味其中內涵，小弟唔詳評HD600效果住，今個星期改將HP-V1接上Hugo，再推HD600作為另一個參考效果，下星期日先一并交待精彩戲肉! {:6_128:}
http://post76.hk/data/attachment/forum/201607/03/101427fhgcgp3t8xedmwxf.jpg
HD600 對比 HD800
係未出詳評H600既戲肉部份之前，小弟想用些少篇幅比較下HD600同HD800既性格異同。正如小弟一開始所提到，一個係橙，一個係蘋果，用任何一邊作為標準，去量度另一邊都係不太合適，不過吹水始終都要有比較，咁小弟就用"相對"方式去評論一下。{:6_142:}
首先，HD600既聲底小弟覺得係係HD800，T1呢類"數碼"效果與LCD3，D7100呢類"模擬"效果之間。如果HD800係"冷傲直白"，咁HD600就係"諧和鬆容"，完全係兩種格調，佢地係"冷"與"暧"，"快"與"慢"，"緊"與"鬆"，"直"與"柔"..... 等等既相對對比。係呢種咁大對比既情況下，小弟唔會話入HD800唔使玩HD600，又或者話入HD600就唔使上HD800，兩者皆有自己既特質，所得效果係滿足唔同耳感需求。{:6_146:}
不過話又要説回來，即如追求無邊際空間場感，鉅細無遣分析力，極緻甜潤高調線條感，超重低音震撼力 ..... 等等，當耳機已達到一定既技術性能，再追求所謂"完全技術性超越"呢種概念，其實已經無太大意義(有C兄提出金句: 耳機到了一定水平，玩的是味道!)，不如將有限彈藥，投資係其他配套上! 好明顯，小弟呢段嘢，係耳機商最唔想聽到既講法。{:6_136:}
HD600 一體臨場 對照配置
對比過HD600及各耳機效果，又搵到第一個HD600"一體臨場"之後，小弟要再次强調HD600既耳感，係一個組合效果，小弟比多些少配置背景資料，以基本配置既"諧和感動 悠柔共嗚"，"一體臨場"對照其他4個配置(加入AK100, HP-V1既各種可能組合). C兄對之後小弟既描述，就可能有一個更實在既意會。{:6_142:}
小弟可以斷言，如果以AK100光纖接入Hugo，又會係另一種效果，何況每個人既耳感曲線更係獨一無二，對特定部份有不同敏感度及取向亦係理所當然，所以C兄如果覺得HD600同小弟描述既耳感效果不盡相同，其實唔係咩怪異事件。{:6_146:}
https://post76.hk/data/attachment/forum/201607/09/140822glciqtbz4vxa3ov4.jpg
基本配置: - 諧和感動 悠柔共嗚
音訊: MacBook Air, Audirvana, WAV 24/192
介面: 數據及電源獨立USB雙頭連接 + JitterBug
DAC/AMP : Hugo
HP: HD600 配原廠線
對照配置1:
音訊: AK100, WAV 24/192
介面: 光纖
DAC/AMP : Hugo
HP: HD600 配原廠線
對照配置2:
音訊: MacBook Air, Audirvana, WAV 24/192
介面: 數據及電源獨立USB雙頭連接 + JitterBug
DAC: Hugo
AMP: HP-V1 (3.5 -> RCA, Zendo)
HP: HD600 配原廠線
對照配置3:
音訊: AK100, WAV 24/192
介面: 光纖
DAC: Hugo
AMP: HP-V1 (3.5 -> RCA, Zendo)
HP: HD600 配原廠線
對照配置4:
音訊: AK100, WAV 24/192
AMP: HP-V1 (3.5 -> 3.5)
HP: HD600 配原廠線
小弟又吹住咁多先，戲肉在後頭! {:6_128:}
HD600 諧和共鳴
先來一個引言，話説小弟對HD600係Hugo上試聽效果(參考前文提及既基本組合)，感到非常驚喜，返復對比之後，最終確定係一個感動到小弟既"一體臨場"效果，"諧和感動 悠柔共嗚"。有關注小弟呢個私帖C兄就知，小弟出文都係有番咁上下深度，自知有所偏執，所以都盡量保持科學精神，唔會無的放矢! {:6_146:}
入番正題，咁HD600既效果如何可以打動到小弟? "諧和感動 悠柔共嗚"如何分解?! 一如以往，解讀方法首先就係要理解"悠柔共嗚"，然後"悠柔共嗚"如何成就"諧和感動"?! 好啦，小弟要來料! C兄準備好未? 坐穩d先好繼續睇落去，小心反櫈! {:6_138:}
HD600比小弟既第一個印象係"鬆容"，小弟即時就意會到HD600同HD800原來唔係親兄弟，由外到內，就算驗埋DNA，都唔會揾到有承傳關係! 所以係不存在從屬直接比較既條件! 全世界都比廠商以型號誤導咗! HD600初聽頭兩節比較生硬，未能發揮音樂感，第三及第四節，就表現出中低頻彈性，場感迅速擴展，變化之快，真係可以用越聽越有來形容! 來到第五及第六節，層次感及高端伸延力亦得到釋放，而且全頻均稱，富有音樂感。係呢個位，小弟已經覺得係技術上巳算係無可挑釁，逹到"享受"級别效果。{:6_142:}
踏入第七及第八節，就係決定性感動效果既展現! 一下子就迷倒小弟! 原來感到既"鬆容"及"彈性"，出現咗質既變化! 小弟決定要對比埋其他耳機，特别係小弟聽過LCD3既"一體臨場"果種瞬態"波動內勁"，及ED5-U既同步多層次響應。唔同其他耳機既彈性效果，HD600既效果巳經唔係彈性咁簡單，而係一種好獨特既"共鳴"，係開放式配以玩具膠質感既設計下有呢種效果，小弟的確感到驚奇! {:6_136:}
呢種"共鳴"使小弟聽到更多背景音律(注意: 小弟所指既係響應分配對比，唔係技術性分析力既明細度)，而且有一種連貫性迴響，擴展出一個"通透空間"既同時，又充滿連綿層次質感。好似係有一種協調效果(T1比出既就係一種協調效果)，其實唔係協調，因為協調仍然可以感受到其中既牽引作用力，HD600既"共嗚"係來得出奇地自然，感覺唔到有作用力在控制運轉，Hugo配上HD600，原有既"精密控制"，可以講係被完全化解咗! 更貼切既講法應該係被昇華咗! 由技術性走入感性, 有形力量到無形"諧和"境界! 呢個感性既"諧和"，就係成就"一體臨場"既其中一個必要條件! {:6_165:}
C兄請先回一回神，故事已講咗一半，應該大致可以理解到"諧和共鳴"，咁"悠柔感動"又應該如何拆解? 比多些少時間C兄思索，小弟下一節再分享另一半故事，同樣精彩! {:6_128:}
HD600 悠柔感動
終於來到HD600品聽下集大結局，上集講咗HD600係Hugo直推下既一種獨特"共嗚"效果，成就出"諧和"既感性層次。係繼續之前，又再次提醒C兄，以下對聽感描述係絶對主觀，可能已經唔係"聽感"，而係聆聽者重新建構出來既相對"時空"感受! C兄請再次檢查清楚坐穩未? 小弟要繼續來料! {:6_138:}
首先就係要回憶一下Hugo既風格，"悠密甘甜"，配上HD600之後，雖然"密意"被鬆容化，但仍然保留咗"甜意"。不過最殺死人既係，HD600既"共鳴"唔止咁簡單，加上Hugo既"悠意"，得到既係一份"悠柔"! 呢個"悠柔"就緊要囉，連埋"甜"意，就係非常强大，無可抗拒既感染力! 可以話係整個HD600配Hugo組合效果既感動核心所在! {:6_146:}
如果"諧和"係使小弟心靜無染，咁"悠柔"就係觸撫心靈，直透"感動"神韻既泉源! 完全傾出，盡訴情感! 係呢度C兄應該可以大概意到會整個"諧和感動 悠柔共鳴"效果! 為咗加强C兄印象，小弟以另一角度，再提一次組合效果對比，如果聽HD800既效果係"完美的音韻"，咁聽HD600既效果就係"感動的神韻"! {:6_165:}
同小弟一樣有番咁上下深度既C兄就知，小弟唔係做緊技術性層面既優劣比較，而係主觀，感性層面，感動級别對比。更精確既講法係，兩者既分别在於，雖然佢地都巳達到技術性完滿，但HD600既效果，同時能觸動小弟呢個咁獨特耳感既聆聽者，將技術性完滿，昇華到感性完滿! {:6_127:}
品聽小結
小弟想用些少篇幅，補充一下其他以AK100及HP-V1既對照配置效果。所有對照組合效果都相當飲得杯落，用 AK100以光纖代替USB作輸入之後，係欺文咗，以HP-V1作輸出就多一份豐鬆。{:6_175:}
其中特别想講下配置2，同樣係一個"一體臨場"組合，Hugo既"悠密甘甜"，配HD600之後，成為"悠柔共鳴"，再經過HP-V1，巳經完全變換成"鮮活大氣"，效果非常孰識，盲聽唔知好似係一個係WA22既膽管組合效果。C兄從中可以進一步了解變化過程。{:6_142:}
故事未完，其實只算熱身，下一步係點? 當然係上WA22玩換膽Tube Rolling遊戲先係戲肉所在，肯定係一個更精彩，充滿驚喜既世界，HD600真係可以去到幾盡?! {:6_128:}
{:6_178:}
