本帖最後由 ghhf 於 2016-4-17 19:28 編輯
大一圈 濃一點
Wonder耳機真身巳公佈，雖然佢層次感豐富，空間場感有深度，但闊度包圍感略為不足(可能係未完全煲開，亦可能由於係密封式設計)。除咗以功率膽作組合主配，小弟同時亦試用不同整流膽，其中Tung Sol 5U4G(頂方集)整流膽加入組合之後，發覺現階段效果係最好，佢既大動態及强大空氣感逼力將Wonder耳機場感"推漲"得更理想，甚至比之前既西電終極組合要更勝一籌，係極端位力量感不足现象不再出現，高音收結亦相當踏實，簡單d講，就係再"大一圈，濃一點"，又向"一體臨場"目標踏進一大步, 真係值得小弟出一段文記錄下來 {:6_142:}
睇來今次推煲Wonder耳機的確要多些少時間(表面設計低抗高敏，事實係易推難精)，玩Tube Rolling規模應該係小弟之前史無前例，真係好期待煉成之日 {:6_128:}
http://post76.hk/data/attachment/forum/201604/17/143650bpk9r2s8z2ppzbub.jpg
本帖最後由 ghhf 於 2016-4-17 23:25 編輯
一體臨場 指日可待
上一節提到係推煉Wonder耳機過程中，揾到Tung Sol 5U4G整流膽配搭效果，其實意義重大，小弟乘機又噴多兩啖口水 {:6_142:}
呢個效果正正就係解決咗現有組合既問題，即係小弟呢個聆聽者獨一無二既耳感要求，所謂耳機超級性能，缺點及不足等等，其實佢地都係離不開，緣於小弟呢個獨特既主觀聆聽者先有意義，亦就係問題本身所在，係從無向轉到有方向性探索, 市場技術性指標均衡變成"感受所在"既真正均衡 {:6_134:}
同以往小弟煲煉其他耳機一樣，可以講已進入直路去到"享受"級别(接通從技術理性通往感動感性大門)。Wonder耳機既"一體臨場"效果係指日可待，而家要等待整個"超系統"從有限進入無限既"神奇"一刻 {:6_128:}
小弟以TS 5U4G/ TS 7236/ NU 6F8G組合作最後衝刺聽多幾節，或者仲會作些少微調，已非常接近臨界，極有可能就係第一個感動組合 {:6_165:} ...... 唔知小弟成段嘢講咩? 簡單一個字"索"! {:6_138:}
本帖最後由 ghhf 於 2016-4-23 19:57 編輯
炸散 反高潮 越來越有趣
話説小弟揾到用Tung-Sol 5U4G配組合推Wonder耳機，得到"深淨濃密"非常理想效果，滿以為只差一步，就可以去到"感動"境界，不過事情既發展又唔係咁簡單 {:6_136:}
用Tung-Sol 5U4G推咗2節之後，越聽越唔妥，原來既"深淨濃密"突然好似"炸開"，極端位效果鬆散咗，齒音又走噃出來，失去咗之前既濃密度，豐富緊湊層次音場空間，簡直就係成個"散哂"咁，感覺係由"深長"向"寛廣"轉變。短時間出現咁大既轉變，應該話係成個格調都唔同咗，小弟仲以為係其他部件出咗問題，似乎係Wonder耳機本身出現既變化 {:6_131:}
而家咁既效果其實唔係好入得耳，甚至唔可以叫"舒服"。睇來Wonder耳機真係唔係咁容易侍候，推煉有d難度，不過小弟鍾意噃，有挑戰就更合小弟風格，最緊要有更好既終極效果，繼續用TS 5U4G/ TS 7236/ NU 6F8G組合推多幾節，睇下點 {:6_146:}
ghhf 發表於 2016-4-9 21:03 static/image/common/back.gif
RHA T20 曰煲夜煲
再一次證明用桌面系統推耳機效果明顯好多(係普遍性? 定係有另外原因?)，俄功率及整流膽 ...
{:1_335:} {:1_335:}
dodo@903 發表於 2016-4-20 01:37 static/image/common/back.gif
C兄對T20好似仲係念念不忘，小弟星期六日就試下高低音filter，睇下效果係奌，再分享聽感 {:6_128:}
本帖最後由 ghhf 於 2016-4-21 12:15 編輯
輔助電源 1,000VA火牛打真軍
小弟又有新搞作, 入隻火牛想玩咩, 好明顯係同Head-Fi系统供電有關。呢隻500VA火牛可以出AC 36V(18V × 2), 整流後大約可以出DC 50V+, 10A，小弟準備玩濾波, 用減震鼠鎮壓火牛, 配個100,000微法拉大電容, 再接去逆流器上返AC 220V {:6_142:}.
以而家小弟成個Head-Fi系統應該用電唔超過200W, 500VA先打8折, 再打5折都足夠應付。考慮到將來系統既發展用電需求, 小弟原本想入隻1,000VA, 不過無合適輸出電壓，見到好嘢要當機立斷，一次過入兩隻，每隻牛先自己並聯次級兩组出AC 18V, 兩隻牛再串連，整流之後成為DC50V+，20A {:6_146:}
最後既情況有d似再生電AC→DC→AC, 小弟唔知最終效果會係點, 同現有電池補完差別有幾大, 不過勝在多變化, 可以玩多d調音效果, 就算最終效果唔理想, 兩隻500VA, 18V × 2火牛係正嘢有埋內置過熱斷路保護, 都係多用途, 唔會浪費 {:6_165:}
本帖最後由 dodo@903 於 2016-4-20 16:48 編輯
ghhf 發表於 2016-4-20 08:03 static/image/common/back.gif
C兄對T20好似仲係念念不忘，小弟星期六日就試下高低音filter，睇下效果係奌，再分享聽感 ...
可能要回一回氣先啦，因仲要入DAP{:6_198:}
我念她應該同安仔幾夾。
本帖最後由 ghhf 於 2016-4-23 20:49 編輯
極度煲煉 重新上路
事情係咁既，係Wonder耳機被TS 5U4G膽管組合"推爆"散咗之後，耳機效果方向有明顯轉變，現階段用"不穩定"來形容比較合適。既然不穏定，就用番同樣組合繼續推到穩番d再轉另一個组合。其實小弟入Wonder耳機之前已經知道佢唔易玩，選佢亦係想感受下其中變化，不過無料到咁突然同咁明顯 {:6_136:}
來到呢個位，小弟乘機為電池補完交替電池，深度放電，及再平衡充電(每3個月做一次)。做完電池交替，系統輸出效果係會有改變(雖然實際缐路不變, 新電池同重新連線亦要煲一段時間先穏定)，所以之前煲煉Wonder耳機所得耳感，已失去連續比較參考性。而家真係重新再上路，不過跟住係向緊另一個方向發展，似乎係一個更美好既效果 .....{:6_128:}
玩膽之樂 超級配對
天氣好些少, 小弟就曬膽. 小弟要玩嘢, 點會玩得咁簡單, 掃多幾十粒6CG7/6FQ7, 揾多幾組唔同既超級配對, 咁起碼會有3-4個唔同效果 ..... 萬事俱備, 只欠膽機未送貨 {:6_146:}
本帖最後由 ghhf 於 2016-7-26 14:51 編輯
Chord Hugo 開箱與品聽
利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!
咩事?! 背後當然係又有一個自圓其說既故事 ...... {:6_146:}
自圓其說
經過2年時間，事實證明Hugo經得起考驗，巳成為一時"經典"產品。佢既優良DAC效果及可同時推動3個大耳牛既輸出(同一音源下，容易比較不同耳機效果)，亦有獨立可接後級功放RCA輸出端子，細少盒子，有如此性能真係難以想像 {:6_121:}
小弟入手Hugo係體現小弟一貫最好玩原則，因為佢既齊備穩定功能，及整體性價比。同好多其他入手Hugo既C兄一樣，Hugo會同時成為小弟流動及桌面系統一部份，除咗與AK100以光纖連接作流動應用，亦會作為獨立多耳機輸出效果比較，同時係WA22及WA 6SE既DAC(比較Young DSD效果)。Hugo唔係新嘢，小弟係後來者，只係覺得係自己最合適時間出手 {:6_134:}
講咗咁多背景性能及應用，小弟係入手Hugo之前巳試聽過佢推幾款旗艦耳牛效果，大家最關心既耳感係點呢，等小弟聽番幾節先再報告，睇下同各位C兄感受有咩異同 {:6_128:}
流動炸彈
小弟入手Hugo第一個試既就係呢個流動組合(AK100 + Hugo + HP-V1 + T20)，AK100作播放器光纖輸出，Hugo作為DAC以RCA輸出，轉3.5入HP-V1作功率放大到T20耳機 {:6_142:}
聽番一個星期，煲下Hugo，然後先再試接桌面系統 {:6_177:}
有關HP-V1配IEM效果，就小弟而家既環境而言就係推T20既效果，為求認真，小弟特意品聽所有可能既流動組合，並簡潔品評比C兄對照。{:6_142:}
1. AK100 + T20
偏遠偏薄，極端位伸延不足，有喊叫感，甚至有齒音浮現，好明顯係推唔起，未能算合格效果。{:6_146:}
2. AK100 + HP-V1 + T20 (配3.5→3.5銅過機線)
呢個係當前小弟覺得最好效果組合，HP-V1將效果最少推出一圈，雖未至於有大氣感，分析力及層次感亦未盡理想，仍有鮮活及音樂感，鬆容舒服耐聽，係一個"舒服"與"享受"之間既效果。配用銀線，音形線條略嫌明硬，失去耐聽感。{:6_134:}
3. AK100 + Hugo + T20 (光纖連線)
Hugo作為DAC，分析力，音場緻密感，都得到明顯提升，馬上顯現Hugo既身價! 可惜Hugo"緻密"配上T20本身偏向"緊湊"格調，瞬間極端表現過尖過深，有音壓過大之嫌，呢種"又緊又密"效果，覺得太過進取造作，反而未能滿足基本"舒服"要求。{:6_136:}
4. AK100 + Hugo + HP-V1 +T20 (光纖及RCA→3.5連線)
HP-V1代替Hugo作為輸出，音壓過大表現有所收歛，即使再配以銅質過機線，雖然增加咗一份闊度，不時仍然感到一分緊逼張力，效果只能勉強算得上"舒服"。{:6_175:}
就而家小弟所得主觀效果，Hugo配T20並唔理想，期望T20隨住時間會有進一步演化。 C兄注意，小弟只有T20，所以代表性不足，更不能涵蓋其他衆多IEM配Hugo及HP-V1概組合效果! 不過小弟可以講，HP-V1係其中，係有"放鬆"及"拉近"作用。{:6_122:}
小弟乘機再補充多些少有關HP-V1性能，雖然佢只有3.5輸出，有趣既係，小弟覺得佢推大耳牛時既"放鬆"及"拉近"效果似乎係更明顯! 而且效果更取決於訊源及DAC，而非單純HP-V1本身輸出功率限制有決定性應響。同樣以HP-V1作輸出，推同一隻大耳牛，以AK100光纖入或用AK100作DAC，相對以Macbook USB輸入或Hugo作DAC，效果差别係可以用等級來分别，前者可能係"有心無力"，後者可以"鮮活大氣"! 請參看稍後"Hugo + HP-V1再戰耳機群雄"品評! {:6_128:}
http://post76.hk/data/attachment/forum/201604/28/122703g1satva9a9mvj7m7.jpg
http://post76.hk/data/attachment/forum/201604/27/101806ohjj80rybeupl84h.jpg
AK100 + Hugo + HP-V1 品聽報告
小弟係噴口水之前，循例又要搬返個擋箭牌出來使下, 最主要唔係想自保，只係希望再一次提醒讀者，小弟所描述既都係相對既效果，C兄不能全盤接收，亦唔係任何産品推介，放毒還放毒，小弟唔想誤人荷包 {:6_134:}
回應sum_gor兄既提問，首先，小弟都係針對性先講下AK100配Hugo輸出感受。兩者以Hugo跟機光纖線連接，AK100只作為播放器，Hugo就同時係DAC及AMP輸出推動耳機。係今次試聽，小弟用咗T20入耳機及出名難推既HD800耳牛考驗下組合性能 {:6_146:}
呢個基本組合既效果係意料之外咁好(小弟而家出文實係咁寫，之前試聽唔正都唔會入手啦，所以係廢話)，之所以為好，係小弟感到Hugo比出一份"穩淨無染，温柔和順"既演釋。係"穩淨"既背後，小弟同時可以感受到既係，Hugo所展現既强大控制力(其實入手前試聽，亦巳經心中有數，而家講係抽番水，不過今次唔係廢話)，可以話係四平八穩，無可挑剔。初聽好似平平無奇，但聽落就想一直聽落去，效果非常舒服耐聽。請注意，以上描述係對小弟隻煲熟既HD800而言(原本以AK100配HP-V1推HD800既效果，明顯力不從心)。至於新入手既T20，係Hugo之下雖然表現要比係AK-100配HP-V1之下優勝，但三頻均衡仍未完全符合小弟"舒服"要求，需要繼續努力 {:6_136:}
有趣既係，呢個基本組合推HD800既效果，可以體會到Hugo生產過程，應該係做咗好多針對性優化。每次Hugo開機既音量預設位置(綠色)，亦剛剛就係小弟覺得最理想品聽HD800既音量水平。如果Hugo有對HD800優化輸出，係代表一個市場基線效果，咁小弟既耳感同呢個基線似乎無咩重大差别 {:6_121:}
用咗咁多口水打咗個底，而家先入返正題，講返C兄最關心既組合AK100 (播放器) + Hugo (DAC) + HP-V1 (AMP)。Hugo只作為DAC，AMP部份由HP-V1獨立負責，組合效果最明顯分别係，似曾相識! 背景能量氣氛，音場空氣包圍感，彈性，音樂感，韻味 ..... Hugo既強大控制力量，來到呢度就得到釋放，從"穩淨"轉化為"鬆甜"。簡單d講，就係多咗一份"鮮活"感(代價係密度略減)，效果係拍得住小弟桌面組合(小弟係下一節再詳評)，已經接近"享受"級別，小弟又點會唔心動呢 {:6_128:}
同樣以AK100輸入，HP-V1輸出，新組合效果正好對比Hugo作為DAC性能(相對AK100內置DAC)，已經係物有所值。另外要特别题出既係，C兄可能亦已經留意到，小弟用兩條大约1.5m長RCA線(一條銅，一條金銀)做過機缐連接Hugo同HP-V1。小弟唔係貪得意，一來係物盡其用(桌面而家用平衡，RCA線入咗櫃一段時間)，二來長線打個蛇餅，比用短線係音場空間，層次感穩定性，效果明顯更優勝，本身亦係作為組合調音既一個環節 {:6_134:}
好啦，來到呢個位，對C兄期待既效果報告，應該都算係有所回應。不過故事只係講咗一半，Hugo既實力當然唔止咁簡單，小弟其實巳經將Hugo接過上WA22(咁當然WA22要行番非平衡模式)，呢部份先係主菜，亦係小弟入手Hugo主因，效果係點，好戲仲係後頭 ......{:6_138:}
http://post76.hk/data/attachment/forum/201605/01/103719vbx4msmo808yxbxq.jpg
http://post76.hk/data/attachment/forum/201605/01/103718djzshhhhehc44jah.jpg
http://post76.hk/data/attachment/forum/201605/01/103719cx737x77jx7sb71d.jpg
係小弟之前試聽組合, 樽頸位其實係係輸入既AK100, 及輸出既HP-V1. 當Hugo接上桌面系統以MacBook Air USB HD輸入及WA22輸出, 效果完全係另一個層次, 加上Hugo本身既強大適配性, 以Hugo作為流動系統核心既想法係好合理, 事實上亦可能係當前最理想選擇(小弟自己都有咁想過) {:6_142:}
由於小弟既重點係係桌面系統, Hugo進一步既流動組合配置, 小弟只係新手. 其實好多入手Hugo既前輩C兄應該實行咗, 組合五花八門好有參考價值, C兄繼續爬文努力吸毒 {:6_138:}
行街組合: AK100 + Hugo + HP-V1 + ED5-U
http://post76.hk/data/attachment/forum/201605/02/105956ub2iva99h37k1vjq.jpg
三星匯聚 Hugo + WA22 + ED5-U
而家小弟改用新入手Hugo(DAC) + WA22 (AMP)推煲Wonder耳機。針對Wonder耳機極端位效果未如理想，小弟特選咗呢組大動態，廣闊音場，及層次分明膽管組合(TS 5U4G, TS 5998, SY VT-231)，配合Hugo既"穩淨"高密度輸出，雙龍頭USB及Zendo金銀訊號線進一步提升細緻度，繼續力推Wonder耳機。之前被"煲爆"既Wonder耳機而家狀態如何? 其實已經浴火重生，小弟時機成熟就會出文再交待(參看另文: Wonder旗艦級耳機開箱與品聽) {:6_122:}
http://post76.hk/data/attachment/forum/201605/02/110920juiqiiwetenjotm1.jpg
http://post76.hk/data/attachment/forum/201605/02/110920t8k5h5h9rhh7r9u5.jpg
http://post76.hk/data/attachment/forum/201605/02/110920n1mz76cl74fcb9qb.jpg
http://post76.hk/data/attachment/forum/201605/02/171745y50n84khj30d8w39.jpg
DAC決戰 Hugo vs Young DSD
Hugo作為DAC係小弟桌面系統既表現係點? 小弟又特别將Young DSD轉返行非平衡出RCA，與Hugo正面對決! 其他配置一樣，究竟鹿死誰手? {:6_128:}
http://post76.hk/data/attachment/forum/201605/03/155747ye00ess3s5oppuer.jpg
