小弟有意入手一隻新耳機，希望係"經典"類型(受廣泛認同者)，有獨特風格，同小弟現有既LCD-3，HD800，T1及D7100特性不可太相近。
詢求各位C兄意見，請提供參考，謝謝。
ghhf 發表於 2016-3-2 11:34 static/image/common/back.gif
小弟有意入手一隻新耳機，希望係"經典"類型(受廣泛認同者)，有獨特風格，同小弟現有既LCD-3，HD800，T1及D7 ...
stax?
本帖最後由 ghhf 於 2016-3-3 15:04 編輯
loadinglove 發表於 2016-3-3 05:56 static/image/common/back.gif
stax?
Stax好似得靜電系统? 靜電系統係正嘢, 其實呢套SRS-4170萬零蚊幾㡳玩既。未入WOO系統玩換膽遊戲之前有考慮過，不過而家睇落無咩彈性，唔係好合小弟呢種咁爛玩性格用家。
http://www.custom-cable.co.uk/images/detailed/2/SRS-4170.jpg
T1同HD800新版小弟都唔考慮入手住，其實小弟都有d心水，不過又想聽下各位C兄提議。
本帖最後由 ghhf 於 2016-5-8 19:17 編輯
Wonder旗艦級耳機開箱與品聽
利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!
猜猜耳機我是誰 (已開估, Wonder耳機 = Ultrasone Edition 5 Unlimited)
話說小弟想入手一隻新旗艦級耳機, 詢求各位C兄意見, 不過反應唔係好理想, 睇既人多, 出聲人少 {:6_136:}
好彩小弟係好有主見之人, 其實一早心中有數, 今晚剛剛係相熟大舖, 以一個非常吸引特惠價, 入咗小弟第五隻旗艦級耳機. 小弟循例又用非常興奮期待咁既口吻極速開箱, 不過今次唔會一開始就公開新耳機身份, 小弟會馬上品聽, 煲機, 同小弟現有其他耳機比較, 又搵”一體臨場”組合, 一路比聽感, 睇下有無C兄可以單靠小弟既品聽耳感描述, 估到小弟新旗艦耳機既真正身份 {:6_138:}
第一個提示, 小弟選擇以HD800既"一體臨場"膽管組合: Tung Sol 6SN7(圓黑屏) + Tung Sol 6080WB(JAN碳屏) + National Union 5U4G(長片集), 先招呼新耳機. 各位C兄準備好, 正式玩猜猜耳機我是誰, 煲機工程啟動, 馬上試聽 ….. {:6_128:}
初聽Wonder耳機
好啦, 新耳機小弟先比一個代號叫"Wonder耳機", 今晚先品聽咗一節, 小弟巳經可以肯定, 呢隻將會係一隻超級耳機! 雖然初聴有金屬質齒尾散音, 2個鐘之後已經大幅收斂. 音樂感, 豐滿度係一流級數, 主體突出, 音場建構簡明逍灑自然, 已經聽出韻味. 最重要既特質係, 初聽就有幾乎係"無重量"既輕盈效果, 雖然技術音質整體協調仍未到位, 初聽表現仍小弟所有耳機中最優者, 極大期望 ..... {:6_128:}
第一日品聽
有留意小弟呢個帖C兄就知小弟既玩樂描述基本上就係真人騷，有碗話碗有碟話碟. 雖然覺得Wonder耳機初聽效果出色，潛力巨大，佢既聲㡳一開始就使我聯想到推煲T1時既感受，聽落之後，音形建構本質其實係有好大差别. 由於金屬齒散音仍然明顯，基本音質效果仍未符合要求，係現階段小弟並未能為新耳機評級，甚至唔算得上"舒服". 小弟巳經心中有數，大概掌握到佢既特性，等新耳機推煲多幾節，效果穩定d，小弟就會好似之前推煲其他耳機咁比出一個簡潔概括性小結去描述新耳機特性。
Wonder耳機係屬於易玩難精一類，亦係小弟選佢既其中一個原因，為咗加快效果，小弟又好似以前咁進行"日煲夜煲"計劃，日間外出都會帶住Wonder耳機，用流動系統AK100 + HP-V1推煲佢，呢首中樂配雄亮男音，Wonder耳機既演繹風格别樹一格，一聽難忘。
今日用流動系統AK100 + HP-V1試推Wonder耳機幾個鐘, 聽落係有d力不從心咁 {:6_146:}, 相信用WA22推煲開之後(交叉換膽車輪方法, 一路推煲, 一路體驗持性變化, 一路搵最優效果膽管組合), 再係返流動系統行效果會比較理想, 過程充滿驚喜, 樂趣無窮 {:6_128:}
今晩再改用T1既"一體臨場"膽管組合: Sylvana VT-231 + Tung Sol 6080WB(JAN碳屏) + Mullard GZ34(金屬底座)推煲一節, 一如小弟所料, 呢個組合效果係更理想. 齒音再降低到唔太明顯程度, 音形磨合越見到位, 中低音微動響應亦越來越明朗, 三頻均稱, 已可以去到"舒服"階段. 第一日既推煲效果進步唔少, 相信錬成之曰, 必然係超級耳機, 小弟點解咁講, 係適當時機就會分解其中原因 {:6_165:}
第二日品聽
來到第二日, 用T1既"一體臨場"膽管組合繼續聽多二節, 只可以講, 越聽越正, 獨特既場感效果正在不斷演進中,正在接近"享受"階段, 照咁發展落去, 呢個原來係T1既組合極可能同時亦就係Wonder耳機既其中一個"一體臨場"膽管組合 {:6_146:}
話雖如此, 小弟點會比佢咁易停,C兄知道小弟一定會不擇手段, 逼玩盡哂耳機性能出來. 其實而家只算係文火熱身, 下一步就係出動LCD-3既組合, 以5998/421A既大動態場域力量去刺激Wonder耳機, 相信好快又會有另一番新景象, 各位C兄繼續留意 {:6_122:}
一如小弟所料，係WA22用T1組合推完2節之後，再試流動組合效果，果然有明顯分别。音形之間變化交接流暢，而且中低音開始富有彈性，效果拍得住LCD-3，場感悠順均淨，比T1及HD800係流動系統上表現更好。呢種先行桌面系统再接流動系統玩法，似乎係一個捷徑，如果只用流動系統推可能未必有明顯效果，而且需要時間長好多 {:6_146:}
好啦，第二日品聽以再試流動組合推Wonder耳機作為結束，跟住幾日小弟又會用番WA22換上5998/421A功率膽力推Wonder耳機，睇下效果又會去到咩水平。來到呢個位，順便做埋個判定，先唔好講性價比，小弟可以肯定無入錯貨，Wonder耳機的確別樹一格，為小弟既Head-Fi組合增添更多豐富色彩 {:6_165:}
第四日品聽
小弟呢幾日將Wonder耳機以LCD-3膽管組合推煲(Sylvana VT-231 + Tung Sol 5998/ WE 421A + USAF 596)，聽咗幾節，效果係幾有趣。雖然小弟用"推煲"，"煲鍊"字眼，其實都係屬於自然演化既一類，不過自然得來又想充份體驗耳機同膽管特性，所以小弟心態同出發點可能同C兄不盡相同 {:6_142:}
首先，相對HD800及T1組合，LCD-3組合提供咗大動態及闊廣音場效果，Wonder耳機似乎未能即時適應，之前收斂咗既齒音，係d極端位又明顯爆散番出來，而且整體上覺得暗淡咗，效果唔係好入得耳，又跌出小弟既"舒服"級別，小弟亦唔敢開太大音量，第一節基本上係比Wonder耳機係大動態環境熱下身先 {:6_134:}
來到第2及第3節，齒音又續步收番，暗淡感亦在改善，LCD-3組合配Wonder耳機係一個高清明朗組合，亦有機會發展為"一體臨場"效果。聽完第3節之後，就更加肯定Wonder耳機既超級性能，小弟咁講唔係想神化耳機，遲些少係品聽小結再展述，畢竟被推去到"一體臨場"效果時，小弟就唔會有所謂"超級"概念，因為到時Wonder耳機同其他耳機一樣，亦會被融合係整個一體效果之中，再不會被識别出來 {:6_146:}
小弟會用呢個組合聽多幾節，效果穩定之後，又會再換膽以另一種音調風格去推Wonder耳機，小弟將會不時繼續更新進度 {:6_165:}
第八日品聽
再用LCD-3組合聽多咗幾節，似乎變化趨穏定，不過效果始終比較單薄感，係部份極端位仍然感覺到微細散鬆齒音。小弟換咗整流膽做GEC 5U4G(杯集)及訊號膽Tung Sol 6SN7，繼續配合5998/421A聽多幾節，組合效果有番多d質感 {:6_146:}
來到呢個位，應該係一個小穏固期，耳機特性亦進一步展現出來，小弟分享多些少感受到既技術性效果，首先Wonder耳機既分析力比起HD800及T1有過之而無不及，聽到更多以前無注意到微少細節。分離度及層次感更係無出其右，小弟第一次感受到咁清晰無拖泥带水既分隔帶多層次感。音場闊度感由初聽略倾前少於180度，開闊到大於180度，有非常深度，但包圍感仍略嫌不足。至於背景，就係小弟聽過最靜者，唔係靜，應該係一種好似黑洞"純黑"感覺 {:6_136:}
今節小弟比咗好多提示，好多C兄應該已經對Wonder耳機既真正身份心中有數，雖然係呼之欲出，小弟都仲係想保留番些少神秘感，到揾到第一個"一體臨場"組合先正式公佈，C兄繼續留意進度 {:6_122:}
第十六日品聽
呢個星期聽多咗幾節，仍係穩定期，中低音彈性美妙，效果越見有質感，難得係有質而不沉不重，盡顯其極速響應特性。以5998同421A配搭不同訊號及整流膽，似乎巳經變化唔大(雖然咁講, 呢個組合更能特顯5998同421A性能效果分別，421A真係要高出一班，遲d再詳解)，可以算得上"舒服"，但係極端高音位仍然有閃爍齒音可以察覺到，好似喉㡳仲有半啖痰未清咁，亦未夠奔放自如, 所以未能再上層樓 {:6_146:}
小弟下星期會換上7236，相對6080同様係高輸者 , 不過音調效果同5998/ 421A好唔同，音域場感不及5998/ 421A，但密質及音樂感要勝一籌，配搭不同訊號及整流膽，又推煲返一個星期後再報告 {:6_122:}
再遇 終極組合
帖不驚人誓不休，小弟做咩又出幅咁激超重量級圖? 因為Wonder耳機巳取代咗LCD-3, 成為新既"終極組合" {:6_128:}
小弟而家凖備再次出動珍藏燈膽頭Globe WE 274A，用呢套膽會一會Wonder耳機偷聽一節, 究竟最貴部件再一次集合一齊, 效果係咪就最正呢? 同配LCD-3時既效果又有幾大分別呢 {:6_141:}
http://post76.com/x2/data/attachment/forum/201603/20/185600brnbu3o38aa1o3cg.jpg
小弟平時其實少用Globe WE 274A係驚有閃失，有$都買唔返，不過Wonder耳機絶對值得出動Globe招呼佢 {:6_128:}
小弟呢兩日一口氣聽咗"終極組合"2節，效果係暫時所有組合最好者，先唔好講係咪"一體臨場"效果，單以純綷既技術性音質，應該係無咩對手，多得西電Globe"均凈致密，鬆容柔穩"，盡顯王者氣度，配上同係西電既421A比出高動態大音場，獨有濃艷音色交織穿透豐富層次，加上Tung Sol JAN版VT-231/ 6SN7既平衡高清，的確係不同凡響，尾齒散音絶跡，真係最後一個bit都清清楚楚，唔知咁係咪就係C兄所指，推得盡既標準? {:6_146:}
真係唔比唔知自己勁，同時再番聽LCD-3配"終極組合"，效果已經比初聽大有進步，而且幾近"一體臨場"效果，大概呢幾個月WA22一路有行顺，小弟又加咗調音晶石，木粒及木架得到既結果。LCD-3既效果奔放自如，若行雲流水，連綿不絶，完全係無沉重，只有質既體驗。Wonder耳機係呢個階段，係個別技術性能可能有優勢，但同LCD-3既高度統一"享受"級效果相比，明顯仲有一段距離 {:6_136:}
小弟會用"終極組合"再推T1及HD800，體驗一下效果異同，"終極組合"會唔會同時係一個百搭既"典範"組合?! {:6_165:}
猜猜Wonder耳機我是誰? 開估倒數!
話說小弟繼續用西電421A及Globe 274A終極膽管組合推煲Wonder耳機，行咗一星期效果相當理想，之後襯用俄膽組合試新訊號膽6F8G, 又推咗一個星期，效果又出奇咁好。上星期就换以7236功率膽組合再力推Wonder耳機，亦係好有味道! 跟住會轉GEC, TELEF 6AS7等等，然後又由6080，5998開始，重頭再循環推煲一次 {:6_142:}
係而家呢個階段，係非常接近小弟既"享受"級别，雖然Wonder耳機巳經一早展現韻味及鬆容既音樂感，但高音未夠踏實，極端大動態效果欠缺一份爆炸性，整體表現亦未能去到奔放自如階段，所以仍待努力 {:6_146:}
小弟開箱初聽就話Wonder耳機係"超級"，其實小弟巳經掌握咗Wonder耳機既特性，其中一項就係可以從小弟不斷換膽管組合既效果睇到，Wonder耳機既强大適配性。不過係呢個階段，小弟唔會為寫而寫講得太詳盡，其他"超級"特性，係Wonder耳機煉成"一體臨場"效果之後再一并交待 {:6_128:}
雖然Wonder耳機仍未煉成，小弟都會係明日開估公布佢既真正身份。C兄睇完呢節，作最後努力，考下眼光，猜猜Wonder耳機佢是誰?{:6_141:}
大一圈 濃一點
Wonder耳機真身巳公佈，雖然佢層次感豐富，空間場感有深度，但闊度包圍感略為不足(可能係未完全煲開，亦可能由於係密封式設計)。除咗以功率膽作組合主配，小弟同時亦試用不同整流膽，其中Tung Sol 5U4G(頂方集)整流膽加入組合之後，發覺現階段效果係最好，佢既大動態及强大空氣感逼力將Wonder耳機場感"推漲"得更理想，甚至比之前既西電終極組合要更勝一籌，係極端位力量感不足现象不再出現，高音收結亦相當踏實，簡單d講，就係再"大一圈，濃一點"，真係值得小弟出一段文記錄下來 {:6_142:}
睇來今次推煲Wonder耳機的確要多些少時間(表面設計低抗高敏，事實係易推難精)，玩Tube Rolling規模應該係小弟之前史無前例，真係好期待煉成之日 {:6_128:}
一體臨場 指日可待
上一節提到係推煉Wonder耳機過程中，揾到Tung Sol 5U4G整流膽配搭效果，其實意義重大，小弟乘機又噴多兩啖口水 {:6_142:}
呢個效果正正就係解決咗現有組合既問題，即係小弟呢個聆聽者獨一無二既耳感要求，所謂耳機超級性能，缺點及不足等等，其實佢地都係離不開，緣於小弟呢個獨特既主觀聆聽者先有意義，亦就係問題本身所在，係從無向轉到有方向性探索, 市場技術性指標均衡變成"感受所在"既真正均衡 {:6_134:}
同以往小弟煲煉其他耳機一樣，可以講已進入直路去到"享受"級别(接通從技術理性通往感動感性大門)。Wonder耳機既"一體臨場"效果係指日可待，而家要等待整個"超系統"從有限進入無限既"神奇"一刻 {:6_128:}
小弟以TS 5U4G/ TS 7236/ NU 6F8G組合作最後衝刺聽多幾節，或者仲會作些少微調，已非常接近臨界，極有可能就係第一個感動組合 {:6_165:} ...... 唔知小弟成段嘢講咩? 簡單一個字"索"! {:6_138:}
炸散 反高潮 越來越有趣
話説小弟揾到用Tung-Sol 5U4G配組合推Wonder耳機，得到"深淨濃密"非常理想效果，滿以為只差一步，就可以去到"感動"境界，不過事情既發展又唔係咁簡單 {:6_136:}
用Tung-Sol 5U4G推咗2節之後，越聽越唔妥，原來既"深淨濃密"突然好似"炸開"，極端位效果鬆散咗，齒音又走噃出來，失去咗之前既濃密度，豐富緊湊層次音場空間，簡直就係成個"散哂"咁，感覺係由"深長"向"寛廣"轉變。短時間出現咁大既轉變，應該話係成個格調都唔同咗，小弟仲以為係其他部件出咗問題，似乎係Wonder耳機本身出現既變化 {:6_131:}
而家咁既效果其實唔係好入得耳，甚至唔可以叫"舒服"。睇來Wonder耳機真係唔係咁容易侍候，推煉有d難度，不過小弟鍾意噃，有挑戰就更合小弟風格，最緊要有更好既終極效果，繼續用TS 5U4G/ TS 7236/ NU 6F8G組合推多幾節，睇下點 {:6_146:}
極度煲煉 重新上路
事情係咁既，係Wonder耳機被TS 5U4G膽管組合"推爆"散咗之後，耳機效果方向有明顯轉變，現階段用"不穩定"來形容比較合適。既然不穏定，就用番同樣組合繼續推到穩番d再轉另一個组合。其實小弟入Wonder耳機之前已經知道佢唔易玩，選佢亦係想感受下其中變化，不過無料到咁突然同咁明顯 {:6_136:}
來到呢個位，小弟乘機為電池補完交替電池，深度放電，及再平衡充電(每3個月做一次)。做完電池交替，系統輸出效果係會有改變(雖然實際缐路不變, 新電池同重新連線亦要煲一段時間先穏定)，所以之前煲煉Wonder耳機所得耳感，已失去連續比較參考性。而家真係重新再上路，不過跟住係向緊另一個方向發展，似乎係一個更美好既效果 .....{:6_128:}
浴火重生，高密高壓，左右逢源
靜咗幾個星期係默默努力，上回講到Wonder耳機被"煲爆"之後，原來有序緊湊既音場層次效果，好似成個散哂咁，小弟堅持用原來組合TS 5U4G繼續以"高氣壓"推逼Wonder耳機。聽多幾節之後，果然又穩定番，同小弟預期一樣，應該只係期中一個進程階段，耳機唔係真係出現損壞 {:6_142:}
Wonder耳機係呢個咁曲折既煲煉過程之後，最明顯變化係音場空間感既擴展。開箱初聽時音場前傾小於180度，之後延展到大於180度，遇到TS 5U4G组合之後，就有大一圈既效果。係被"煲爆"穩定番之後，空間感就得到進一步拓展，同初聽比較，可以話最少大咗兩個圈，散亂空間重新凝聚出能量感及層次架構，真係可以用"浴火重生"來形容 {:6_146:}
咁小弟對"重生"之後既效果係咪好滿意? 答案係否定! 雖然音場得到進一步擴展，整體效果亦已穩定，再聽多幾節之後，係極端位不時感到收結鬆散，唔夠踏實既情況仍然揮之不去，似乎巳經遇到進一步提升效果既樽頸位，真係要認真面對挑戰，否則只會繼續停留係呢個階段，"感動"無期! {:6_136:}
準對Wonder耳機輸出收結鬆散情況，為咗突破樽頸，小弟換上一個更"高氣壓"膽管組合, 特選大動態，廣闊音場，及層次分明膽管(TS 5U4G, TS 5998, SY VT-231)，希望進一步逼出Wonder耳機濳能(又會唔會出現第二次煲爆?!)。係另一方面，小弟決定入手Chord Hugo，試聽Hugo發現佢既"穩浄"效果，背後有强大底氣高密度輸出(參看另文: Chord Hugo 開箱與品聽)，Hugo(DAC) + WA22 (AMP)非常適合推煲Wonder耳機 {:6_165:}, 並以最强裝備雙龍頭USB及Zendo金銀訊號線進一步提升細緻度 {:6_165:}
Hugo"高密"加上WA22膽管組合"高壓"之下，似乎真係有咗變化，印象令人興奮! 為咗得到更好效果，小弟仲會"左右逢源"，輪流以Young DSD及Hugo煲煉，實行DAC + Tube Rolling，不擇手段要玩盡Wonder耳機為止。至於實際效果，C兄繼續留意進度，絶無冷場 ..... {:6_128:}
http://post76.com/x2/data/attachment/forum/201605/02/110920juiqiiwetenjotm1.jpg
http://post76.com/x2/data/attachment/forum/201605/02/171745y50n84khj30d8w39.jpg
鋼鐵組合 極度試煉
話説小弟入到一對Sylvania 6SN7W金屬座訊號膽，於是揾埋另外兩個金屬座版Tung Sol7236及Mullard GZ34，集齊一個鋼鐵陣容，配合Hugo及WA22，再力推Wonder耳機，不成功誓不休{:6_169:}
等小弟繼續品聽多一星期，再報告進展，而家只可以講，Wonder耳機既煲煉巳經進入一個新階段，而且向緊更好既方向發展 {:6_165:}
http://post76.hk/data/attachment/forum/201605/08/185035qf3nscffe3sseyff.jpg
http://post76.hk/data/attachment/forum/201605/08/185035mulpclkr6zdzczcr.jpg
利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!
本帖最後由 ghhf 於 2016-3-4 21:07 編輯
淺嚐HiFiMAN HE-1000
小弟今晚係大舖入手新耳機時, 同時品聽咗一陣HiFiman HE1000, 小弟覺得 ...... {:6_146:}
Pioneer's First High End Headphone SE Master 1 ?
本帖最後由 ghhf 於 2016-3-6 09:24 編輯
帖文已整合到:
http://post76.hk/forum.php?mod=redirect&goto=findpost&ptid=189701&pid=3763572&fromuid=87952
本帖最後由 ghhf 於 2016-3-5 09:31 編輯
petkwan32 發表於 2016-3-4 22:55 static/image/common/back.gif
Pioneer's First High End Headphone SE Master 1 ?
小弟好少玩最新産品，繼續努力 {:6_128:}
ultrasone?
