本帖最後由 ghhf 於 2016-4-30 14:45 編輯
班目一角 發表於 2016-4-30 10:08 static/image/common/back.gif
小弟都想加返部AMP/DAC/但系如果買果時要唔要睇AMP/DAC既數值果D咁例如輸出咁....又有咩好介紹.....我用緊 ...
小弟唔敢介紹, 因為所知有限. 不過小弟會好認真咁玩入手既産品同分享記録耳感效果, 亦會加入入手背景選擇原因等等 {:6_122:}
小弟既個案係感到AK100輸出效果未太理想, 又偏愛膽管風味, 所以加咗HP-V1做AMP. 至於入手Hugo, 前文亦自圓其説咗 {:6_134:}
C兄如果覺得有需要加AMP甚至改用另一個DAC, Hugo本身(DAC+AMP)的確係一個唔錯選擇.C兄可以繼續留意小弟分享, 睇下對描述效果有無興趣. 最後亦係最重要既一步, 就係”耳聽為實”, 其實個人對指標數字唔太在意, 基本上接得埋出到聲之後, 小弟只會信自己隻耳. C兄就親身帶機落鋪試到啱味為止 {:6_142:}
本帖最後由 ghhf 於 2016-5-1 11:32 編輯
sum_gor 發表於 2016-4-28 22:04 static/image/common/back.gif
Ching 唔好賣關子好喎
勞煩用Hugo+HPV1 包多幾個膠！
C兄咁有要求, 小弟要認真招呼, 先出小弟最強裝備圖頂住先, 遲些少補文 ...... {:6_128:}
本帖最後由 ghhf 於 2016-5-3 21:28 編輯
AK100 + Hugo + HP-V1 品聽報告
小弟係噴口水之前，循例又要搬返個擋箭牌出來使下 {:6_142:}
利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!
最主要唔係想自保，只係希望再一次提醒讀者，小弟所描述既都係相對既效果，C兄不能全盤接收，亦唔係任何産品推介，放毒還放毒，小弟唔想誤人荷包 {:6_134:}
回應sum_gor兄既提問，首先，小弟都係針對性先講下AK100配Hugo輸出感受。兩者以Hugo跟機光纖線連接，AK100只作為播放器，Hugo就同時係DAC及AMP輸出推動耳機。係今次試聽，小弟用咗T20入耳機及出名難推既HD800耳牛考驗下組合性能 {:6_146:}
呢個基本組合既效果係意料之外咁好(小弟而家出文實係咁寫，之前試聽唔正都唔會入手啦，所以係廢話)，之所以為好，係小弟感到Hugo比出一份"穩淨無染，温柔和順"既演釋。係"穩淨"既背後，小弟同時可以感受到既係，Hugo所展現既强大控制力(其實入手前試聽，亦巳經心中有數，而家講係抽番水，不過今次唔係廢話)，可以話係四平八穩，無可挑剔。初聽好似平平無奇，但聽落就想一直聽落去，效果非常舒服耐聽。請注意，以上描述係對小弟隻煲熟既HD800而言(原本以AK100配HP-V1推HD800既效果，明顯力不從心)。至於新入手既T20，係Hugo之下雖然表現要比係AK-100配HP-V1之下優勝，但三頻均衡仍未完全符合小弟"舒服"要求，需要繼續努力 {:6_136:}
有趣既係，呢個基本組合推HD800既效果，可以體會到Hugo生產過程，應該係做咗好多針對性優化。每次Hugo開機既音量預設位置(綠色)，亦剛剛就係小弟覺得最理想品聽HD800既音量水平。如果Hugo有對HD800優化輸出，係代表一個市場基線效果，咁小弟既耳感同呢個基線似乎無咩重大差别 {:6_121:}
用咗咁多口水打咗個底，而家先入返正題，講返C兄最關心既組合AK100 (播放器) + Hugo (DAC) + HP-V1 (AMP)。Hugo只作為DAC，AMP部份由HP-V1獨立負責，組合效果最明顯分别係，似曾相識! 背景能量氣氛，音場空氣包圍感，彈性，音樂感，韻味 ..... Hugo既強大控制力量，來到呢度就得到釋放，從"穩淨"轉化為"鬆甜"。簡單d講，就係多咗一份"鮮活"感(代價係密度略減)，效果係拍得住小弟桌面組合(小弟係下一節再詳評)，已經接近"享受"級別，小弟又點會唔心動呢 {:6_128:}
同樣以AK100輸入，HP-V1輸出，新組合效果正好對比Hugo作為DAC性能(相對AK100內置DAC)，已經係物有所值。另外要特别题出既係，C兄可能亦已經留意到，小弟用兩條大约1.5m長RCA線(一條銅，一條金銀)做過機缐連接Hugo同HP-V1。小弟唔係貪得意，一來係物盡其用(桌面而家用平衡，RCA線入咗櫃一段時間)，二來長線打個蛇餅，比用短線係音場空間，層次感穩定性，效果明顯更優勝，本身亦係作為組合調音既一個環節 {:6_134:}
好啦，來到呢個位，對C兄期待既效果報告，應該都算係有所回應。不過故事只係講咗一半，Hugo既實力當然唔止咁簡單，小弟其實巳經將Hugo接過上WA22(咁當然WA22要行番非平衡模式)，呢部份先係主菜，亦係小弟入手Hugo主因，效果係點，好戲仲係後頭 ......{:6_138:}
ghhf 發表於 2016-5-1 19:36 static/image/common/back.gif
AK100 + Hugo + HP-V1 品聽報告
小弟係噴口水之前，循例又要搬返個擋箭牌出來使下
精彩!! 耳聽為實LEE D唔洗多講,係common sense黎,只係相信大部份玩家都鍾意爬文吸毒{:1_351:}
有概念了...睇黎LEE部HPV1,有排玩,真係冇入錯,多口問句,有冇研究下其他便攜膽amp?
再請教...小弟諗緊成個圍住Hugo而建立的便攜出街配撘, 究竟播放器的更改對出黎的效果有幾大?例如AK100(player部份)+Hugo(DAC部份),改成其他player+Hugo,有冇ab包膠可參考?
小弟諗緊配Hugo的話,有冇入部AK240的必要性...請指點迷律!!感激
本帖最後由 ghhf 於 2016-5-2 11:01 編輯
sum_gor 發表於 2016-5-1 20:05 static/image/common/back.gif
精彩!! 耳聽為實LEE D唔洗多講,係common sense黎,只係相信大部份玩家都鍾意爬文吸毒
有概念了 ...
係小弟之前試聽組合, 樽頸位其實係係輸入既AK100, 及輸出既HP-V1. 當Hugo接上桌面系統以MacBook Air USB HD輸入及WA22輸出, 效果完全係另一個層次, 加上Hugo本身既強大適配性, C兄想以Hugo作為流動系統核心既想法係好合理, 事實上亦可能係當前最理想選擇(小弟自己都有咁想過) {:6_142:}
由於小弟既重點係係桌面系統, Hugo進一步既流動組合配置, 小弟只係新手. 其實好多入手Hugo既前輩C兄應該實行咗, 組合五花八門好有參考價值, C兄繼續爬文努力吸毒 {:6_138:}
行街組合: AK100 + Hugo + HP-V1 + ED5-U
三星匯聚 必有異像 Hugo + WA22 + ED5-U
唔講嘢住, 先出圖刺激C兄眼球 {:6_138:}
本帖最後由 ghhf 於 2016-5-2 18:02 編輯
而家小弟改用新入手Hugo(DAC) + WA22 (AMP)推煲Wonder耳機。針對Wonder耳機極端位效果未如理想，小弟特選咗呢組大動態，廣闊音場，及層次分明膽管組合(TS 5U4G, TS 5998, SY VT-231)，配合Hugo既"穩淨"高密度輸出，雙龍頭USB及Zendo金銀訊號線進一步提升細緻度，繼續力推Wonder耳機。之前被"煲爆"既Wonder耳機而家狀態如何? 其實已經浴火重生，小弟時機成熟就會出文再交待 {:6_122:}
本帖最後由 ghhf 於 2016-5-3 15:58 編輯
DAC決戰 Hugo vs Young DSD
Hugo作為DAC係小弟桌面系統既表現係點? 小弟又特别將Young DSD轉返行非平衡出RCA，與Hugo正面對決! 其他配置一樣，究竟鹿死誰手? {:6_128:}
本帖最後由 ghhf 於 2016-5-3 21:01 編輯
Wonder耳機 浴火重生，高密高壓，左右逢源
靜咗幾個星期係默默努力，上回講到Wonder耳機被"煲爆"之後，原來有序緊湊既音場層次效果，好似成個散哂咁，小弟堅持用原來組合TS 5U4G繼續以"高氣壓"推逼Wonder耳機。聽多幾節之後，果然又穩定番，同小弟預期一樣，應該只係期中一個進程階段，耳機唔係真係出現損壞 {:6_142:}
Wonder耳機係呢個咁曲折既煲煉過程之後，最明顯變化係音場空間感既擴展。開箱初聽時音場前傾小於180度，之後延展到大於180度，遇到TS 5U4G组合之後，就有大一圈既效果。係被"煲爆"穩定番之後，空間感就得到進一步拓展，同初聽比較，可以話最少大咗兩個圈，散亂空間重新凝聚出能量感及層次架構，真係可以用"浴火重生"來形容 {:6_146:}
咁小弟對"重生"之後既效果係咪好滿意? 答案係否定! 雖然音場得到進一步擴展，整體效果亦已穩定，再聽多幾節之後，係極端位不時感到收結鬆散，唔夠踏實既情況仍然揮之不去，似乎巳經遇到進一步提升效果既樽頸位，真係要認真面對挑戰，否則只會繼續停留係呢個階段，"感動"無期! {:6_136:}
準對Wonder耳機輸出收結鬆散情況，為咗突破樽頸，小弟換上一個更"高氣壓"膽管組合, 特選大動態，廣闊音場，及層次分明膽管(TS 5U4G, TS 5998, SY VT-231)，希望進一步逼出Wonder耳機濳能(又會唔會出現第二次煲爆?!)。係另一方面，小弟決定入手Chord Hugo，試聽Hugo發現佢既"穩浄"效果，背後有强大底氣高密度輸出(參看另文"Chord Hugo開箱與品聽")，Hugo(DAC) + WA22 (AMP)非常適合推煲Wonder耳機，並以最强裝備雙龍頭USB及Zendo金銀訊號線進一步提升細緻度 {:6_165:}
Hugo"高密"加上WA22膽管組合"高壓"之下，似乎真係有咗變化，印象令人興奮! 為咗得到更好效果，小弟仲會"左右逢源"，輪流以Young DSD及Hugo煲煉，實行DAC + Tube Rolling，不擇手段要玩盡Wonder耳機為止。至於實際效果，C兄繼續留意進度，絶無冷場 ..... {:6_128:}
http://post76.com/x2/data/attachment/forum/201605/02/110920juiqiiwetenjotm1.jpg
http://post76.com/x2/data/attachment/forum/201605/02/171745y50n84khj30d8w39.jpg
本帖最後由 ghhf 於 2016-5-3 14:24 編輯
有預感好事將近，留意全文: Wonder旗艦級耳機開箱與品聽 {:6_178:}
