用膽機推IEM底橾會否好勁{:6_121:}
本帖最後由 ghhf 於 2016-4-10 23:08 編輯
WA22 底噪雜音與背景氣氛
回應黑翼菜鳥C兄提出既問题，小弟特登再用RHA T20接WA22詳聼一次，底噪效果係同小弟其他大耳牛一様。無論係將WA22輸出音量調到最小，或將前級DAC輸出音量調到最小，但保持WA22音量位置，小弟都聽唔出有任何可感到噪音。事實上，之前既WA6 SE亦同樣寧靜，小弟覺得Woo系統係控制㡳噪方面功夫係無話可説 {:6_146:}
係運作上就有機會出现一d"雜音"，小弟襯呢個機會又分享一下自己既經歷同應對方法。首先，雖然小弟巳經行緊電池補完供電，WA22比WA6 SE敏感，對電器特別係風扇運作容易聽到"開關雜音"。呢個問題小弟準備遲下入d減震抗干擾環，套上d膽管身上，希望可以有好效果 {:6_141:}
另外就係同操作方面有關，有d膽係開機後十幾分鐘内，個别聲道都仲聽到有"雜音"，但並不常見，相信同個別膽管質量有關，小弟一般先開DAC，再開WA22，WA22本身已有十幾秒接訊延後，不過小弟一般會開機5分鐘後，先會播曲同調升輸出音量。係熄機方面，就咁突然熄WA22會出現一下好明顯"噗"，久而久之可能對耳機有不良影響，所以小弟習慣會先調到最小音量，試驗過既結果係，等2分鐘之後先熄電係最安全，完全無哂呢d雜音 {:6_142:}
最後想講下"背景"效果，小弟覺得WA22同WA6 SE所展現既係一種"非常寧靜"背景(寧靜到不能察覺到任何音形)，但寧靜唔代表"虚無死寂"(小弟聽到一d高階耳擴所展示既效果)。WA22同WA6 SE背景好似仍然充積住"接連能量"，就係呢份感應，使小弟覺得系統更有"自然生氣"，係一個"活交流"而並非一個"密封閉"系統 {:6_121:}
咁當然，可能有C兄會話，呢d咪就係膽管"噪訊"囉!(膽味?!) 對小弟而然，呢種背影唔係噪音，小弟會用聽不到的"䦕放氣氛"來形容，其實已經超出音形範疇，小弟無法用技術同理性再作進一步陳述形容，可能係個人意識深處既一種深刻演䆁效果，或者大部份喜歡膽管系統C兄，其實同小弟一樣，都係不自覺地被呢種魅力吸引住 {:6_128:}
小弟覺得呢一節"WA22 底噪雜音與背景氣氛"亦有參照價值, 已經加到WA22開箱小結, 真係越來越有巨作feel ..... {:6_122:}
WA22開箱小結全文:
http://post76.hk/forum.php?mod=redirect&goto=findpost&ptid=189701&pid=3694984&fromuid=87952
請問神秘耳機開估未?
本帖最後由 ghhf 於 2016-4-10 22:17 編輯
johnmo 發表於 2016-4-10 20:56 static/image/common/back.gif
請問神秘耳機開估未?
C兄果然係愛聲知音人，呢兩個星期小弟其實係後面一直有努力推動Wonder耳機，下星期會逐步展述回顧所得效果，應該係差唔多，就算未完全成功，都會係指日可待，讓小弟再整理一下, 鐵定下星期日開估 {:6_136:}
本帖最後由 ghhf 於 2016-4-12 16:14 編輯
玩膽之樂 超級配對
雖然今日天陰有雨，小弟一樣照曬膽，刺激下C兄眼球。小弟搞邊科，一次過又入咗咁多6fq7/6cg7? 咁當然係玩膽管配對遊戲啦! 小弟準備用Tube Tester TV-7希望揾到4粒一組配對膽，如果好彩可能可以揾到2至3組 {:6_128:}
雖然要用成個鐘清潔省擦哂所有膽腳位，省完配對之後，就會再幫佢地上一層含銀銲料，一想到可以提升最終輸出效果，就完全無煩悶感，而且好似另類休息，小弟係樂在其中 {:6_138:}
至於呢d膽6fq7/6cg7準備係咩地方用，有關注小弟呢個帖既C兄一定知道小弟既陰謀，就算而家估唔到，都好快會知，去圖 ..... {:6_165:}
本帖最後由 ghhf 於 2016-4-15 20:48 編輯
WA22 Tube Rolling - 6F8G
小弟又執到3粒KEN-RAD 6F8G訊號膽，賣家平讓因未有测試資料，但保證原封盒裝未經使用。小弟少見就搏一搏，到手果然係原封包裝，紙包亦有爛碎現象，膽身及腳位都有一層厚灰漬，証明係久經收藏之後再重見天日，似乎係二戰年代產品(D-Foil Getter)。膽管品相其實相當好，完全無可見外傷或使用痕跡，小弟清潔好之後再試膽，睇下3粒揾唔揾到2粒接近配到一對 {:6_142:}
6F8G效果相對6SN7係比較密實而有力量，小弟遲d另開一帖再詳評，去圖 ..... {:6_128:}
本帖最後由 ghhf 於 2016-4-15 22:05 編輯
睇來小弟相當幸運, 無心插柳, 新入3粒KEN-RAD 6F8G清潔後, 發現內部結構同之前既3粒RCA 6F8G係一樣既 {:6_121:}, 似乎係同一產品, 但以唔同牌子出廠, 有玩開膽C兄就知係常見現象 {:6_142:}, 咁即係話, 小弟而家總共有6粒同款6F8G, 要搵一組2粒配對機會大增, 睇下點, 遲d先再報告 {:6_128:}
本帖最後由 ghhf 於 2016-4-16 21:15 編輯
猜猜Wonder耳機我是誰? 開估倒數!
話說小弟繼續用西電421A及Globe 274A終極膽管組合推煲Wonder耳機，行咗一星期效果相當理想，之後襯用俄膽組合試新訊號膽6F8G, 又推咗一個星期，效果又出奇咁好。上星期就换以7236功率膽組合再力推Wonder耳機，亦係好有味道! 跟住會轉GEC, TELEF 6AS7等等，然後又由6080，5998開始，重頭再循環推煲一次 {:6_142:}
係而家呢個階段，係非常接近小弟既"享受"級别，雖然Wonder耳機巳經一早展現韻味及鬆容既音樂感，但高音未夠踏實，極端大動態效果欠缺一份爆炸性，整體表現亦未能去到奔放自如階段，所以仍待努力 {:6_146:}
小弟開箱初聽就話Wonder耳機係"超級"，其實小弟巳經掌握咗Wonder耳機既特性，其中一項就係可以從小弟不斷換膽管組合既效果睇到，Wonder耳機既强大適配性。不過係呢個階段，小弟唔會為寫而寫講得太詳盡，其他"超級"特性，係Wonder耳機煉成"一體臨場"效果之後再一并交待 {:6_128:}
雖然Wonder耳機仍未煉成，小弟都會係明日開估公布佢既真正身份。C兄睇完呢節，作最後努力，考下眼光，猜猜Wonder耳機佢是誰?{:6_141:}
本帖最後由 ghhf 於 2016-4-17 09:39 編輯
小弟用比較含蓄既方式公開Wonder耳機身份, 不過直到完成"一體臨場"效果, 開箱與品聽小結之前, 小弟暫時仍會用Wonder耳機稱呼佢 {:6_142:}
最後機會, C兄有心水未? 請到Wonder旗艦級耳機開箱與品聽一文睇結果 {:6_138:}
