本帖最後由 黑翼菜鳥 於 2016-2-10 12:15 編輯
吾買對421A玩下?
SORRY,回頭一看原來買左
本帖最後由 ghhf 於 2016-2-11 08:13 編輯
新春拾到寶 - 粒粒木
話説小弟自懂性知道咩叫電以來，就同老地方結下不解緣，咁多年來蹓躂期間，真係留底咗數唔到咁多腳毛。新春期間一如以往，去行咗一轉，大部份正鋪都未開市，不過反而仲熱鬧過閒日，無他，馬路行人路全部都係臨時攤位，舊具殘件，BCD貨(A貨都少見)堆塞滿街。其實小弟對九成九以上擺賣品都無興趣，不過間中係可以發現到筍嘢，今次行咗半個鐘，就停咗係其中一個地攤，因為比一堆木粒吸引住 {:6_178:}
小弟雖然係潮人，鍾意銀閃金屬質感，但同時亦係愛木石之人，見到呢堆木粒色澤朿红內斂，纹理豐富自然，上手沉穩，擊之即知其硬實質密，而且大小均稱，自然心生喜愛。木堆共有14粒，有8粒係邊長2公分立方體，另外6粒短一d，大约1.5公分高。木粒有自然木纹坑，亦有被使用過表面損傷痕跡，其中一粒一角缺失去咗一片，舊品但肯定唔係塑膠流嘢。小弟心裏有數，曾經係影音展見過類似調音減震產品，仲好似無咁精緻，當時亦無特別想入手，而家有缘再見，即管開口問個價 {:6_188:}
小弟例排同攤主來回講價，攤主仲唔覺意咁洩漏咗佢自已些少猛料嘢，小弟唔係善男信女，都估唔到攤主原來係咁有內涵既，同佢其貌不揚既收買佬造型絶對係格格不入，果然係大隱於市，真人不露相。佢今次係刻意露底，都係想提升説服力造成生意，小弟見同佢咁有緣就一次過要哂14粒，最終以5舊水成交 {:6_134:}
咁小弟當然有自己既算盤，二手貨損傷度算係輕度(只係其中一粒缺角比較明顯)，最緊要係正料，小弟可以接受。而且小弟睇得出佢地係原配一套，8(4×2)粒大係頂喇叭，6(3×2)粒應該係頂住AMP，DAC同唱盤之類。木粒經過簡單清潔排好之後，配上Head Fi系统既金屬質感，就咁睇都已經係非常飲得杯落既玩味精美擺設，對愛靚木小弟來講，5舊水巳經係物有所值，無得輸。其實小弟對木粒既減震效果期望唔大，有留意呢個帖C兄就知小弟係用實木傢俱，放Head Fi系統既係非常重身既花莉實木茶几，減震效果應該巳經係好唔錯，所以再加減震木粒效果都未必明顯 {:6_146:}
雖然期望唔大，但小弟都好心急想知道耳聼為實既最終效果。係實際設置方面，6粒短身木粒分别頂DAC同小地盒，另外8粒分别頂住WA22同逆流器。小弟而家開始試聽，聽番幾日星期六日放假有多d時間再分享聽感。小弟係閒人，可以為一堆木粒寫一大段文，跟得住既C兄都應該係有閒情之人，稍後請再留意木頭係唔係都會比人驚喜，對"一體臨場"又有幾大影響 {:6_128:}
本帖最後由 ghhf 於 2016-2-10 19:58 編輯
黑翼菜鳥 發表於 2016-2-10 12:08 static/image/common/back.gif
吾買對421A玩下?
SORRY,回頭一看原來買左
小弟點會唔入西電膽, 未入WA22前巳偷步入咗421A, 有時要睇時機, 遲些少先再詳評西電膽既"終極組合", 保證精彩 {:6_128:}
本帖最後由 ghhf 於 2016-2-10 22:12 編輯
實在太好啦, 繼HD800及T1之後, 係WA22上搵LCD-3既"一體臨場"組合難度更大, 幾經考驗波折, 今晚終於出現咗, 要即時報喜! 絕對同加咗木粒有關, 一如所料, 係小弟既環境, 木粒效果唔及減震鼠咁快咁明顯, 但越聽越出味, 結果又不盡相同, 聽咗2節大約6個鐘, 小弟巳經可以大概確定木粒特性作用. 再聽多幾日先公佈第三組LCD-3既"一體臨場"組合, 及木粒實際效果 {:6_122:}
本帖最後由 ghhf 於 2016-2-14 22:49 編輯
先公布咗第三個"一體臨場"組合, 其實之前已經介紹過去, 係LCD-3(Ref 16) + Sylvana VT-231 + Tung Sol 5998/ WE 421A + USAF 596, 不過今次加咗木粒效果就唔同咗, 相對於減震鼠, 木粒效果係比較慢熱. 小弟未有時間出文, 醒幅圖比C兄品味下先, 遲些少再比評文同木粒關係.
本帖最後由 ghhf 於 2016-2-16 16:05 編輯
好啦，經過幾日試聴，而家小弟嚐試品評比出木粒效果。話説小弟加咗木粒之後，發現對Head Fi系统最終輸出有一定既微調作用，本來之前kkc兄介紹既組合只係去到"享受"，由於木粒作用，就升格到"感動"級別 {:6_142:}
有關注呢個帖C兄都知道，小弟對WA22既"開揚"㡳子配LCD-3既"暖厚"特性一直有微言，為調配"一體臨場"組合增加咗難度。雖然kkc兄既組合巳經比出非常高質效果，可惜係小弟既環境，組合成像感確實進取，一直吸引住小弟注意，因此並未能真正進入神韻化境 {:6_146:}
咁木粒如何作用使呢個组合發生"昇華"效果呢? 如果減震鼠效果係"穏定致密"，咁木粒既效果就係"爽朗輕盈"，小弟耳感感受到既係越聼越"輕"，正好為组合減去"重量"感。不過效果慢熱，似乎要一段時間"磨合"，去到一個程度，組合就展現出韻味，達到小弟要求既"一體臨場"。係呢個狀態，暗沉厚等等，全部都無哂，巳經再感受唔到LCD-3既個性。減震鼠同木粒佢地既相互配搭可以為系統作出一定調節，由其係已經有一定質量效果既臨界狀態時，更可能使整體系統耳感效果發生奇異變化 {:6_128:}
呢個LCD-3既"一體臨場"組合仲會比較埋Tung Sol 5998同WE 421A, 雖然佢地同時達到"感動"效果，不過演繹就有所差異 ..... 好啦，都係留番遲d係"一體臨場"再詳細評述，請C兄繼續留意 {:6_122:}
本帖最後由 ghhf 於 2016-3-6 09:35 編輯
玩味 調音工程
話說小弟幾經波折先係WA22上揾到配合LCD-3既"一體臨場"組合，不過仍處於臨界效果並未算穩定。小弟靜咗一個星期係作進一步試驗，似乎係逆流器上仍有調整空間。最後既佈局就如圖所示，效果的確更理想。小弟另外加咗晶石藏品放逆流上器，減震鼠反而係放係旁邊，呢個佈局唔係隨意擺設好睇咁簡單，晶石並列或直排，減震鼠放週邊不同位置都對最終效果有影響。由此可見，系統對環境條件變化係相當敏感(臨界效果附近變化比較明顯)，新佈局除咗減震，亦有更好既屏蔽抗干擾效果 {:6_142:}
咁新佈局係耳感效果方面有咩實際改進? 首先係穏定性，之前木粒加減震鼠仍然要開機後一個鐘之後先感到韻味，而家開機十幾分鐘後就已經到位，係一個正式穩定"一體臨場"，除咗"致密"同"輕盈"，難得既係更多咗一份"恬靜"，結合埋一齊既效果真係非常甜美。有玩LCD-3耳機既C兄就知，LCD-3被推出到同HD800, T1組合"等價"效果(幾乎再分唔出個别耳機特性)，係一個幾咁令人興奮既情節。小弟又吊下C兄口味，留番係介紹第三個"一體臨場"組合再交待，去圖 {:6_138:}
小弟玩調音, 其實只係剛剛開始, 小弟一部份晶石藏品, 遲d仲會上埋BGW {:6_142:}
http://post76.hk/data/attachment/forum/201603/05/131832v1lvp9xhih5wp5ax.jpg
本帖最後由 ghhf 於 2016-2-21 20:39 編輯
又有好消息, 似乎之前既調音工程唔單純只適用於個別組合, 唔應該叫調音, 其實係一個整體性既系統音質提升, 系統謹有既"燥熱"感已除, 今日以新佈局番聽另一個"臨界"組合, 而家又升格成為"感動"效果, 已確定第四個"一體臨場"組合係LCD-3(Ref 16) +Ken-Rad VT-231 + Tung-Sol 7236 + USAF 596, 遲下再公布細節 ......{:6_128:}
本帖最後由 ghhf 於 2016-2-28 12:03 編輯
唔好誤會, 呢件唔係武器, 係小弟另一件有非常強大能量既礦石藏品, 小弟繼續玩調音遊戲, 今次小弟放佢係DAC, Young DSD上面, 又有有趣效果(似乎有一種"聚焦"作用)，遲d先報告 ..... {:6_128:}
本帖最後由 ghhf 於 2016-2-28 21:02 編輯
小弟以驚喜既心情報告, 估唔到仲可以有咁明顯變化, 係一系列既調音工程, 木粒(輕盈), 晶石(聚焦+恬靜)及減震鼠(致密)調恊作用下,整體系統係向緊一個更豐富精彩效果既方面演進 ..... {:6_142:}
