|
|
樓主 |
發表於 2016-7-1 20:59
|
顯示全部樓層
本來都唔想講, 因為再講可能會得罪人, 或者死胡同...XDDDD
不過又真係忍唔住XDDDDD
咁我自已其實都只係一個普通人, 冇咩樂理知識, 更加唔係李雲迪吧, 哈哈
但係人係會進步, 當年我都係對歌冇咩認識, 係玩開之後, 慢慢去品嘗, 得知咩叫分析力, 咩叫空間感, 咩叫Bass, 咩叫感染力
如是者就去分辨一隻歌好唔好聽, 點解唔好聽, 點解好聽? 但係呢D唔可以亂up, 因為歌既野係呃唔到人, 你講出黎, 如果B君, C君同有相同感覺就係你的睇法正確 (當然以前去第個論壇有人會搬毛澤東果套"1個人講大話係大話, 100個人講大話就=真話黎串我)
可能D人冇認真睇我話聽廣東歌"點解浪費器材(其實我文筆可能唔好, 應該話浪費耳機, 浪費player會好D), 因為廣東歌"冇料", 可能個個人睇法唔同, 但係最基本佢"感染唔到我"
我都列左幾個point點解廣東話冇料; 抄人, 冇出神入化的演奏, 冇出色的人力物力(呢一點某師兄都講左), 只可以話係亞洲區排唔知幾多, 但係唔少人卻好陶醉係呢個落後上, 咁對其他果D真係有料的國家, 你指鹿為馬, 或者好似某個唔知醜的校長將人地隻歌當左自已, 仲要好威好有taste咁年年唱慢慢唱調轉唱, 你係有良心的人係唔係都覺得睇唔過眼?
有人會為佢平反, 話80年代也好, 90年代也好, 曾有一炸好的作品歌手, 咁都如我之前講過10隻有9隻係抄, 即使你而家果隊咩Mrs 都有抄人的懷疑; 咁既然係抄, 點解我唔去聽原著而去聽翻版? 香港人識話香港音樂死在翻版, 咁點解自已又咁鐘意聽翻版? (好老實講一個例, 陳慧X, 當年佢的歌我幾乎隻隻上網都搵到原著), 呢D係唔make sense
之後有幾位朋友為廣東歌平反, 舉左幾個例子, 咩本地創作歌手, 咩咩借錢兄弟的音樂, 好啦咁我好認真(堅認真), 以一個食家的角度去欣賞佢地的作品, 點知結果令我大開眼界...
一個把聲根本就係Fiona 2號, 另一個就係玩Hip hop或者rock style的, 但兩者共通點都係, 會將一隻歌的節奏, 唱法有咁長拉咁長, 有咁慢拉咁慢(假R&B), 同而家時下的巨星(例如咩咩俊宏?)一樣, 咁有咩特別? nothing special
Fiona 2號果隻超級英雄, 我聽左1分鐘已經放低耳機(即使我俾機會聽佢其他作品, same result), 另一位就...nothing special
可能我自已係左派, 接受唔到新事物, 因為類似的唱功, 節奏, 好多年前已經有(R&B個個都唱啦, 有冇新意呀), 如果2016年仲繼續玩呢種Style, 死得啦
一樣野好唔好聽, 人的眼睛係雪亮, 唔好話呢D野了, 好直接, 如果真係好聽, 咁個個都會搶住去買碟買佢的作品 (我自己都有買一炸CD/藍光)
Fiona 2號有冇人識? 有冇人買碟? HMV有冇出現沽清? 我眼見的係Love Live呢套動漫的碟買清都未見廣東歌手的碟買清, 唔通呢D係盜版神通廣大到迫使消費者唔買?
咁有人會中肯地說, 雞蛋與雞的問題, 呢一點係冇野講既, 因為真係有人鐘意食M記, 有D人鐘意KFC
但係我會覺得, 鐘意食呢D野的人, 係未食過好野...
呢個情況令我諗起我自己就好比早排warcraft首映, 我係穿住第二隻online game踩場的人咁XDDDDD
個人感想:
Fiona 2號把聲一般, 好似唱choir咁去演繹一隻歌, (懷疑有少少走音), 似讀歌多過唱歌...
借錢兄弟的音樂; nothing special...
|
|
[複製鏈接]
發表於 2016-7-1 21:44
小弟唔覺 Gaga 嘅風格係 90's house，有唔同囉，Gaga 應該都係係 electro-pop / pop , 不過有佢個人風格。另外， 睇嚟樓主佢真係要 holistic 同 critical 一啲，做多啲 research 先
，比如咪以某一條街嘅某一間唱片店舖某一日嘅唱片銷量走勢來判斷香港唱片銷量囉，而且亦要知唱片究竟出左幾耐, 以免俾人一個太主觀嘅感覺，雖然聽歌都係好個人嘅嘢, 而銷量也不能代表一張唱片質素。
