聽歌討論 (應該會引起罵戰...所以報定案先XDDD)

chief424

純粹個人意見同討論...

我個人覺得, "聽廣東歌可以話係浪費器材", 唔知大家點睇?

點解咁講呢? 以下我"多年的睇法", 希望大家唔好介意

1. 廣東歌聲稱係歌神係70年代開始, 80年代興起, 90年代高潮... 短短得40年, 但係人地歐美果D 50年代已有, 足足輸左20年(呢個影響唔重要)

2. 最重要係, 80年代係廣東歌興起的年代, 但係當中九成九都係"抄歌"(邊D歌手唔講), 咁第一個天才, 第二同第三個係咩?

3.抄唔緊要, 但最幣係原汁原味, 唔會另外自已改晒D節奏或玩法, 變相"冇味道"(好似澤田X二果D抄到十足...)

4.回應3, "冇味道"呢個原因好重要, 因為香港樂壇唔似歐美, 日本咁樣咁丟本錢去玩, 去開發, 變相出黎的貨品都係"粗製濫造", 而且樂器演奏好單一 (人地果D係幾種樂器玩得"出神入化", 唔似本地咁單一, 呆味), 變相冇歐美果D咁好聽

5.香港的歌手出左名, 到佢地發達時就日久生疏, 好似近期聽某幾個歌手除左四大天王之外, 其他都冇晒以前的水準, 唱幾唱就唔夠氣, 或走晒音, 相反人地歐美果D都keep到(雖會有人話播帶唱), 變相出色的歌手好少好少...




(點解我咁講呢, 可能我自已見識少, 但係自從買左貴耳機後令我明白, 係歌影響耳機, 而唔係耳機影響歌; "係高分析力, 高清人聲之類的環境下, 一隻歌好唔好聽係會"現晒形", 點解有D歌好聽, 但有D歌咁難聽? 令我感覺"唔關耳機事", 係隻歌的問題")

好似Lady gaga的歌, 以往搵AKG或搵IE聽, 係會音樂同人聲痴埋一舊, 但今次係分音分得好出色, 係有味道, 同一道理, 以高級的耳機去聽廣東歌...死了死了, 現晒形...俾我的感覺好渣...好似人地京劇咁


總結, 點解話廣東歌浪費器材? 因為
1.廣東歌粗製濫造, 好難造到Eric Clapton或者日系果種"演奏得出神入化"的效果(聽歌係要聽呢D), 樂器單調, 單一
2.唱到歌的歌手少之又少, 係高分析力, 高音質的環境下往往現晒形(好似我聽某某聲優, 配音勁但唱歌難聽到飛起)
3.社會冇咁既資源投放在音樂上, 而所謂的音樂人往往唱來唱去唔係慢歌就係懶有愛情的情歌, 市場少(舉例有幾多人會玩Jazz或Rock, 以我所知得果一個天后, 仲要係專心玩Jazz而唔會轉型玩Metal或Hard rock)
4.知名度低, 阿豬阿狗都可以入娛記, 跟住一兩年就紅館, 最後上中國搵食, 但係有冇料, 自已知 (因此好多爛歌出左黎)


以上係個人睇法

所以我自己聽歌, 只係會聽日文, 英文, 冇了...(韓文都免了, 韓文都係冇咩層次感)

粗人敵卡

唔係所有廣東歌都係粗製濫做

好似以前達明一派、beyond都幾好

不過廣東歌錄音…同外國比差好多吓

靚聲嘅錄音，有部分都唔係響香港錄音

Ccs56084342

粗人敵卡 發表於 2016-6-29 21:47
唔係所有廣東歌都係粗製濫做

好似以前達明一派、beyond都幾好

香港hifi友太少，搞靚錄音冇錢賺！

jaffeinism

唔係所有廣東歌都係粗製濫做x2 ....

你睇下juno少爺的出品, 花好多心機係樹... 不過呢個係specail case

我自己係垃圾桶一個, 聽得好雜, so far有水準既廣東碟都會買


日系果種"演奏得出神入化"的效果(@留名, 想學下野, 有無例子?

你講個位爵士天后? scat腔都未唱過.... 又算吾算天后?

我覺得ella 先係唱緊jazz ....

daizyoubu

回應4.及5. ，廣東歌沒落係係TXINS最紅之時，證明了兩件事：
1. 普遍香港人本身聽歌，真係無咩"品味"～～兩位小姐十幾年後依然係唔識唱歌⋯⋯
2. 如果我係專業歌手，都唔會揀依個巿場發展。劣幣驅逐良幣＋惡性循環。

至於日文，發音應該會比較單調先係（撥音／收音得一個ん），好多歌手都抽離唔倒"喊歌"既層次(e.g. 好似得 so la ti do 唱噤）或者好"雞仔聲"，同韓國／韓文比其實就～～～（有D可惜樓主唔聽韓文。）
不過演奏又係另一回事，不論日韓都係13、4歲訓練，20歲先出道，周身刀張張利。音樂就好似功夫噤，你要根基打得好先有得"玩音樂"，點同你香港D側手翻比⋯⋯

chief424

daizyoubu 發表於 2016-6-30 06:50
回應4.及5. ，廣東歌沒落係係TXINS最紅之時，證明了兩件事：
1. 普遍香港人本身聽歌，真係無咩"品味"～～兩 ...

嚴格黎講, 穿屎已經係後期, 個人覺得係X皇果班MK開始時, 由其是老四個仔唱歌年代...(應該95,96開始)

點解唔聽泡菜文歌? 個人覺得泡菜文"好核突", 唔似泰文, 又唔似越南文, 唔係話偏見
其二係佢地的音樂係好"美式", mass produce, 變相冇特色 (日本起碼有演歌, 將演歌變成rock, 或者ACG音樂之類, 變相"選擇多", 呢一點好重要, 泡菜來來去去唔係美式就係江南style果D耐人尋味的物體...唔知點講)

其實英文都亂, 咩Direction, 咩咩Talor果D已經"都唔知唱咩..." 又係mass produce, 咁耐暫時覺得有特色的只有gaga, 雖然佢係抄Bowie同Madonna, 但係起碼好過冇, 唔會好似其他人咁pop, 有自已的style

以前的音樂係講前衛, 有性格, 有味道(例如Bowie, Queen, Depeche mode果D), 但係而家果D唔係美式pop就係來來去去果樣野(快, rap, 易上口, 易入腦), 變相冇左果種味道, 難聽D講, 真係ACG音樂比佢地更有特色(呢一句都唔排除我見識少)

HD_2

買左貴耳機原來高級D
(Post76 Android 手機版送出)

ykluk

小弟膚淺, 聽歌既嘢, 自己鍾意咪聽, 都無理佢咩history咩製作咩樹~~ {:9_416:}

坤哥疑似自己電腦錄音質素既《原來她不夠愛我》我會聽; 幾廿年前Simon & Garfunkel 《bridge over troubled water》我又聽; 試過喺泰國做緊SPA聽到一首歌幾好聽又問人邊度買泰文碟; 又試過喺日本意大利捷克街頭聽到有人唱得幾好聽, 又買啲不知名既CD~~

聽歌為relax, relax就唔使計咁多啦, 小弟白痴諗法~~

goodabc2010

要講香港歌就大把問題如編曲
主流紅得既歌多數都係d"簡單"既歌如坤哥既百姓
但編曲稍有心思既如:
kolor既鐵拳之道d人可能話rock好嘈,fabel既夢花鏡影就主音功力未夠等等

另外要講既比如歌手宣傳既渠道好似好多但功效又唔係好大
大大台又唔係個個去到,電台又少人聽過以前,網台又好少可會有唱片公司去plug歌/網台講有咩香港歌...

不過我就好傻豬既,仲會繼續買下碟
始終除左歌手既心思之外買賣碟都係講錢
撐咪拎錢出黎買
撐完未必有改善,不過根據中國人"資格論"黎講
買左碟起碼"有資格"講呀
最多咪去歌手既fb講下有咩睇法

其實時代唔同,單單係網絡發達喱樣野都唔見得香港媒體好跟得上
好似後生仔睇達哥打機咁,咪睇下有冇得中途播下歌咁囉,錢既野大家傾掂就得啦
適應要時間既,咪睇下點
我可以做既就做左啦,睇佢地造化