聽歌討論 (應該會引起罵戰...所以報定案先XDDD)

keytai214

浪費器材 ... 講真 ... 每個人都在 浪費 ...
1. 食 ... 有幾多食貴野的人 真係 識食 ... ??? 但點樣為之識食呢 ??? 誰來定 ??? ... 通常咪有係班商人
2. 車 ... 揸靚車的人好多手車都好吾點 ... ... 但人家有錢 ...
3, 4, 5, 6, 7, ... ...

最多人浪費 的 ，亦是最貴的 ... 自己的人生 ... ... 有邊位師兄姊 沒有浪費 自己的 人生 ??? 每分每秒都咁有意義 ??? 但 點為之有意義 ???

有靚器材 ... 都要 聽完先知 隻碟 好吾好 ... ... 除非你聽完覺吾好聽 ... 但都繼續聽就可以話 浪費 ... 否則點算 浪費 ??? 凡事都有一次 ... 再講 ... 甚麼是 靚器材 ??? 再靚的都有 ... 貴又吾代表好 ... 更重要是 ... 驗了耳未??? 你點知吾係自己聽覺的特性 對某類音樂特別敏感，所以令你特別 喜歡 或 不喜歡 ???

還有一點 ... 師兄 肯定自己的器材 無問題 ... 器材會否有偏向性 ... 特別 適合 / 不適合 播一些音樂 ??? 這是不少師兄面對的問題 ... 有些師兄一邊播歌 ... 更會一邊不斷調 EQ ... 令每一首歌都播出 他自己喜歡的特性 ... ... 當然有師兄又會說不是 "原汁原味" 播放 ... 但實情又邊有 "原汁原味" 的 可能 ???

所以 喜歡 最重要 ... 開心 咪 再聽 ... 吾好聽咪 賣翻隻碟出去 或 收起一段時間 再聽 ... 看看有無不同的感受

keytai214

kl122002 發表於 2016-6-30 13:40
我都知講得太直都應被人插到半死,
事實係有D玩家會倒錢甘樣買器材為求將一只錄得唔太好的廣東歌CD 播到佢 ...

看來師兄 都不妨了解吓 "錄音師" 的 工作 ... 他們的確有 方法 令 唱 / 演奏 不太好的 表演者 的 表現 於 後期製作時 "提升" ... ... 不要以為 錄音 就是用台 靚錄音機 在現場 錄完便 印碟賣錢 ... 所以 一隻碟 好吾好聽 ...
歌手 只是 其中一環 .... 配樂 ... 混音 ... 效果 ... ... 幾十條 音軌 全加起來才是 我們 播歌時 聽到的

至於 演奏 ... 由 set mic 位置，選場地 開始 已影響著 錄音質素 ... 當然 ... 有錢的 可以 於 國際級的劇院 現場 set 幾十、幾百支 MIC ... 到後期製作時 慢慢選 最 "好聽" --- 音場、空間感 ... ... 的那幾條音軌作處理

yptpstar

榴槤好食定芒果好食？
榴槤好食定榴槤班戟好食？

追求音質，香港一定落後幾班！
聽歌，最重要有無共鳴！我喜歡聽廣東歌，因為我知佢講乜，佢同我身處環境有共鳴！
正如日本錄音好得、音樂好得、歌手好得。。。乜都得又點？我又唔識日文！神曲都無用啦！

即使好似你咁講，香港樂壇咁九流，不過八九十年代香港歌手，以香港一個彈丸之地，全世界都識喎！咁唔係堅咩？

pak327

現時好多歌手真係得個樣(其實行近睇冇化妝品未又係一個普通青年),佢地好想努力練唱歌但真係冇時間.

反而業餘歌手/幫唱DEMO果班重勁過D所謂歌手,
因為佢地係真心鐘意唱歌,係想自己唱得更好,要求自己更高.相反歌手一心係為咗想出名,心態完全唔同.

文次郎

這位師兄，發表啲偉論 ，令人覺得佢好大問題，我回應到此為止……

vinnybm

咁樣睇黎 買左高級器材反而害左你添。

聽歌除左聽聲 仲可以聽內容 聽故事 摒棄哂廣東歌唔聽 除非你英文日文一流 否則英文 日文你又聽得懂幾多?  始終會打左折扣。

我就非常喜歡改編歌 抄足又有乜問題呀? 忘不了您、無奈、風繼續吹、跳舞街、讓一切隨風、容易受傷的女人、夕陽之歌  首首足夠斤両同原曲分庭抗禮。

講番轉頭 買左靚野 就要踢走D配不起 襯不上東西  咁你買左架法拉利 使唔使趕個老婆落車呢? (純搞笑）

psb

師兄好嘢，好正好精彩嘅主題，其實早就好想分享意見 !! 但都係等小弟由頭到尾睇其他師兄嘅評論先，哈哈

twinggy

外國—樣有唔少流行曲錄音欠佳，本地亦有錄音上乘作品（例如娛樂）只可以講比例問題。

laiwingnang

有部份唔同意

外國做得好過香港D 垃圾錄音MIXING好多就真, 香港錄音聽落去欠層次&立體感, 我又唔覺
得以前D 編曲好差, 有好有唔好, 歐美流80年代到現代既流行音樂編曲都係好簡單
亦好高重覆性, 水準唔見得高, 反而歐美BAND 編曲比較好,  你聽WHITNEY HOUSTON, MC, celine 個
D ,  而家聽已經覺得好罐頭好OUT,  而家個D 咩ADELE比人吹到上天, 咪其實就係20年前個D ADULT CONTEMPORARY音樂, 擺埋去只不過普通水準..., 見到有D 阿叔去聽咩TAYLOR SWIFT, 都係算罷啦, 而家歐美主流都無咩好聽香港歌詞方面比較強, 內容豐富構思複雜, 外國D 歌詞好似小學作文, 有時自己聽到
都覺得好幼稚

歌手, 我反而喜歡80/90年代香港, 演繹細膩有層次感情, 外國玩聲SHOW OFF技巧比
較多, 好多都係SELL高分貝, 唱歌欠細膩, 如果你講既係而家班香港歌手
咁我真係認同, 事實而家班歌手無論演繹定唱功都係廢, GIN LEE/GEM/張敬軒/EASON除外

我又唔覺得香港需要有JAZZ 或 METAL, 根本JAZZ 係美國已經OUT左幾十年, 唔再係
主流, 係黑人文化背景造成既音樂, 主要玩節奏隨意性, 香港人唔BUY都好正常, 外
國人夠一樣唔會BUY粵曲, METAL更加係外國從來未主流過(北歐除外), 我覺得香港
需要多D 有本地特色既音樂就真, 香港D BAND一味抄外國BAND 既STYLE, 唔夠本土
特色, 除左堆K 歌, 真係唔知而家香港音樂仲有乜係有港味  

日本除左以前步姐, 催名林擒, 鬼束, UTADA 個D 之外好少聽, 而家JPOP 仲有乜野好聽?

KPOP 同而家歐美主流音樂冇分別, 不聽也罷


概括香港流行曲比較有內涵, 但技術上既水準不夠外國

wanch

比較想知道樓主講既係錄音方面既差距定係音樂本上的差距
錄音既話 的確係浪費器材
音樂口味既話就無謂比較 每個人既口味都唔同 音樂本身就冇分上下 即使係最濫既pop 如果佢紅既 咁至少達到洗腦