|
|
Ken704 發表於 2013-1-2 15:05 
好彩前幾個月我買左富士線無話比人知，否則就大劑！哈哈！
睇咗呢個post成朝, 諗緊好唔好回應下.....不過我只係講自己感受.....{:9_428:}
1. 首先第一樣嘢係多謝樓主咁好咁犧牲條線去比較, 當然宜家都算係幾明顯呢條樓主手上既富士極光係無鍍銀既. 如以消費角度去睇, 嗰間淘寶店的確係講大話呃人, 樓主可以開呢間淘寶店名比大家知, 再去淘寶投訴, 然後再比"劣評"佢, 因為評語對淘寶店生意的確係影響好大. 
2. 我自己由年半前都已經入咗條富士黃金版玩, 不過咁耐以嚟都無買過富士極光, 因為覺得黃金已經好抵玩: {:9_434:}
http://post76.hk/forum.php?mod=viewthread&tid=76032
問心, 我自己對於淘寶買祖國線材一直無信心, 當初買都係因為只係一百幾十蚊嘢, 就算真係比人呃咪算, 如果結果係好既話就得到一條CP值極高既線. 而我都唔會覺得一百幾十蚊嘢會比到咩銀咩金你, 銀要幾錢兩我諗好多人都諗到, 就算我去買2-4%銀線去焊嘢都要百幾2舊水啦.
不過問題係, 唔係我鍾意比人呃而去呃, 我自己只會當係廣告宣傳, 淘寶店裡面好多嘢講到識飛咁, 唔通下下都信佢咩? 對住唔同既嘢同事物, 自然會用唔同既方式去理解. 你開阿里旺旺, 啲大陸人第一句就同你"親", 唔通你一見到就即刻錫落個MON到呀~? {:9_433:}
我唔敢講自己咩睇法係啱與錯, 我只能相信自己理解睇法既價值觀. 但價值觀每個人都唔同, 小弟只希望大家可以尊重大家既價值觀. 發表自己意見無問題, 但語氣無謂咁重, 你就算喺度講到有幾啱, 自己荷包唔會多咗錢架~~!! 
3. 小弟自己試過都有十幾條HDMI線, 好多都係借CHING既線材返嚟比較. 玩HIFI/AV既嘢, 好多都未必係根據咩理論咩資料一定嬴, 小弟最相信既就係一句:"耳聽為實, 眼看為真"~~!! {:9_423:}
況且之前上過JAMES堂, 知道一啲有關HDMI既製作, 就算宜家有好多CHING師兄認識既大廠線都未必有真正既HDMI認証, 咁係咪代表嗰啲線一定唔得呢? {:9_419:} 我諗未必啦下話.
最後, 小弟想講多一樣嘢. 我喺post76年幾2年, 當初唔認識小瑟WIL總KEN哥, 純係為咗玩樂而入嚟玩. 而小弟做既工作亦都會明白小瑟去維持一個網站究竟要有幾多付出同支出, 但係如果大家會以為做一個post76可以搵好多錢, 而又可以向5萬幾會員收好多錢既話, 大家不妨可以開多個post77, post78, post79. 講真, 呢個網站係只有傻佬先會維持落去, 下下倒水倒時間, 時不時叫我幫手出吓design你估好過癮~~??!! 如果小弟真係去收小瑟錢既話, 你估佢仲會唔會做落下, 大家仲有無地方發表大家既"言論自由"~~?? {:9_436:}
最後嗰段純係個人心聲only, 並唔係針對任何CHING講, 不喜勿插~~!!  |
評分
-
查看全部評分
|
[複製鏈接]
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2013-1-2 15:37
發表於 2013-1-2 15:37
