波蘭海難真人真事改編, 估唔到波蘭都可以拍到荷里活特效級數. 故事從多角色多角度回憶返1993年海難為何發生, 事故經過, 事後經歷等. 關係人物眾多, 但故事條理分明. 因為當時體制, 事後有人會自保, 有人選擇沉默, 有人會對抗強權. 結尾簡單幾句收尾, 呢場災難唔係天災直接引起, 係當中人為一連串失誤導致, 可能其中一方無疏忽已可避免. 短短5集, 個人覺得非常精彩.
本帖最後由 SonSon 於 2026-2-27 17:36 編輯
有返咁上下年資既, 當年逢周六唔多唔少都會經歷過明珠台洗禮. 想當年睇到津津樂道既真人show, 依家回頭睇返, 無論當時參賽者及主持, 都認為節目過晒火. 呢啲可能就係時代不同價值觀都不同. 當年節目設定就係迎合觀眾口味及社會風氣, 勢估唔到依家全部變晒黑歷史. 廿年後睇返一班主持回憶返晒黎, 可惜Tyra Banks同大家友誼經唔起時間考驗, 最後睇到Miss J 依家狀況真係有啲感慨.
單睇字面不容易理解, 簡單講就係用私人土地進行詐騙犯罪組織. 睇咗成個過程如何犯案, 被騙者又如何上釣. 可以講係忠實情現, 呢啲情況真係日本先會發生. 短短七集劇情緊湊, 罪犯愈玩愈大, 為目的不擇手段, 部份都覺暴力血腥. 當然與警方正邪對決, 鬥智鬥力都係賣點. 最後結論係人性慾望唔好蒙蔽理智.
話說一套類似奪命狂鯊既國片, 唔太長就睇吓..........有啲唔妥, 本來打算睇吓鯊魚咬人血腥吓, 點知開首十幾分鐘不斷loop已覺不妙, 原來又係類似早前巨洪玩虛移世界. 但呢次更推到更高境界係為咗治療心理創傷, 所以唔好理合理與否, 尾段更玩類似打機模式, 依家先發覺巨洪其實幾好睇.
SonSon 發表於 2026-3-15 21:11
話說一套類似奪命狂鯊既國片, 唔太長就睇吓..........有啲唔妥, 本來打算睇吓鯊魚咬人血腥吓, 點知開首十幾 ...
好彩冇睇.
老老實實, 第一集有橋本環奈先會睇, 其實當年睇到幾躁底吓.......3年後續集仍然無限輪迴, 好彩已經比上集收歛咗, 但呢集環奈變配角,另外就彈起另一女角本田真凜. 劇情大同小異, 只係多咗解謎成份血腥鏡頭多咗. 但遊艇一段真係睇到出神, 明明去打大佬好似去船河咁. 如果無睇過第一集可以慳返, 當然好呢類片種可以一睇既.
SonSon 發表於 2026-3-21 11:21
老老實實, 第一集有橋本環奈先會睇, 其實當年睇到幾躁底吓.......3年後續集仍然無限輪迴, 好彩已經比上集收 ...
可以慳翻時間.
本帖最後由 SonSon 於 2026-3-29 22:03 編輯
雖然幾鍾意日本既戀綜節目, 比起韓國既貼地得多. 但之前幾猶疑睇唔睇, 真係幾另類吓. 不過見咁快已定第二季時間表, 應該唔差. 正如制作人Megumi講, 現今日本男女思想太多轉彎抹角, 怕被傷害唔識表達自己. 話晒Megumi以前都係出黎蒲, 知道呢個族群心態. 第一集睇完已想追落去, 不論男女動作及說話直接, 可以用坦蕩蕩形容, 又見識到戀綜節目會有健碩保安駐場維持秩序, 令人大開眼界.
一套放係playlist好耐, 但又想出第二季一次過睇既影集. 日本忍者係電影世界內容過往集中係舊世界, 故事發生係現代更少見. 現代忍者被安排係日本政府忍者管理局工作, 現今忍者係家庭愛情生活模式價值觀都有深入描寫. 雖然賀來賢人身為製片人及演員, 但係最主要又係睇吉岡里帆......其實故事可以發展至一個忍者元宇宙, 結尾亦有伏筆, 但可惜第二季應該會冇下文.
一套今屆奧斯卡得獎紀錄短片, 美國校園槍擊案大家睇新聞都睇唔少, 每隔一段時間總會係新聞睇到, 雖然每次都好嚴重, 每次都話要正視, 但好似沒完沒了咁. 攝影師走訪各地拍吓一輯輯死者睡房照片, 就算相隔幾多年父母都會將過世子女房間封印, 彷彿每次見到都好似子女重在世, 子女房間就好似一渡溝通橋樑. 一套傷感亦又反思短片.
