真人真事改篇既丹麥劇情片, 護士女主角到新任醫院初黎報到就拍住位受歡迎既資深護士, 開始適應新工作時先發現拍擋對病人懷有殺機, 點樣係醫院管理層, 同事以至醫生男友無視下揭發真相? 呢類題材算新鮮, 一方面資深護士暗中落藥打算令病人致死, 但同時又會係眾人面前落力搶救顯示自己能力, 所以令主角舉證更困難. 一連4集好快就KO.
台灣呢類犯罪懸疑片通常都有睇頭, 誰是被害者就是其一. 但查無此心更沉重, 女主角開場已打算自殺, 只係合巧附近有發現女屍阻止咗女主角自殺, 調查期間遇到同案有關既男主角亦是有過去的人, 大家係查案期間都重新釋放自己, 原諒昨日的我. 呢套片冇乜血腥鏡頭, 亦冇乜動作場面, 最好調整吓心態去睇啦.........
Tony Scott+單數+揸住煲茶 黃金組合劫火車片
劇情節奏快, 畫面/配樂迫力強
雖然結局比較普通, 但都值得一看😎
本帖最後由 SonSon 於 2024-9-12 13:43 編輯
我係為咗高橋一生嫩妻飯豐萬理江先會睇, 感覺上呢套同2007年神劇求婚大作戰類似, 都係以如果可以時光倒流好想修補當年遺憾. 男主角當年死後大家各散東西, 女主角因小三而離職回鄉思考前路, 同時男主角奇蹟復活, 當年其餘好友再度重驟. 究竟男主角復活意義何在? 好友可否修補破碎關係? 當年意外真相解開, 雖然故事較老套但我Like.....
主題曲 ACE COLLECTION「70億にただ1つの奇跡」和插曲 MACO「桜の木の下」真係好正......
睇完trailer係有D好奇睇阿拉伯國家點拍驚惊片, 雖然係事實改編, 但點都有D失望. 一間守衛深嚴女校點解會發生火警? 全片感覺係探討阿拉伯議題, 重男輕女文化, 校園霸凌, 地位低微女性係現有教育制度下如何生存等. 所以同一般驚惊好唔同, 可以當係見識吓阿拉伯國家文化, 如果想追求懸疑, 推理, 燒腦, 角色衝突場面可免.
法式喜劇, 劇本老舊, 人類太依賴科技, 又係機械人會控制反人類. 所有智慧家電全被機械人反操控, 人類被機械人管家困係屋內叫天不應, 其實如果疫情時睇會身同感受. 法式幽默感唔係人人啱, 所以感覺有D悶, 唯一支牚係畫面色彩豐富, 耐唔耐有D養眼畫面...............
一種透過語言溝通就可以傳播流行性病毒散播全世界肆虐, 甚至令人瘋癲........單睇預告雖然又係病毒但玩法有驚喜, 加上設定係類似末世世界係有期待. 但係一敗筆亦係同語言有關, 唔同其他病毒冇表面症狀冇見血畫面. 加上內容主打政府陰謀論多. 所以要追求血腥畫面或刺激觀感既呢套可skip.
英文名Kitchen, 單睇名真係唔知想講乜, 背景未來科幻, 男主角申請單身公寓點知遇返疑似自已個仔, 老實講個仔演出令人討厭, 加上故事平淡毫無興趣, 兩父子演出冇交流, 好彩係電影, 係劇集既一早已棄劇.
