見Rebecca主演加Zero Dark Thirty導演,
無奶油唔睇, 雖然意外地接近零動作,
只要閣下環繞聲系統唔太差,
全片氣氛/張力強大, 配樂/音效應記一功,
唯一扣分係結局留下一堆問號😎
rach 發表於 2025-10-26 04:09
見Rebecca主演加Zero Dark Thirty導演,
無奶油唔睇, 雖然意外地接近零動作,
只要閣下環繞聲系統唔太差,
N記劇集9成慣例...............睇反應再決定有冇續訂, 到時先解開迷團.
一套唔記得香港有冇上晝電影, 表面係一套驚嚇片. 男主角車禍後送咗入一間靈異醫院, 院內老人不斷攻擊男主角似要置人於死地, 又遇到不同情況住院病人, 大家都有共同目的想逃出呢間醫院. 開首被困醫院懸念不錯, 感覺醫院係一眾主角徘徊生死既異度空間, 但後續開始有點高深, 甚至有點宗教哲理, 變成一套帶有隱喻電影, 是否好睇見仁見智.
初時以為係一般打溫情牌和反思人生片種, 故事背景涉及疫情期間,311災後鄉郊, 城市鄉郊差距及人口老化等題材. 主角菅田將暉原本打算短暫搬入呢條村作WFH, 樂天性格漸漸愛上呢個地方人和事, 亦對村民產生巨大變化. 事後睇返原來編劇係宮藤官九郎, 佢貫徹輕鬆幽默作風, 將較為傷感題材拍到滿心微笑, 近期Netflix誠意推介.
前排發現呢套舊片上架, 無記錯當時因為疫情關係最終冇上畫只出碟. 以戲論戲涉及前世今生記憶, 無限輪迴都係對抗同一班宿敵. 呢舖雖然唔係乜大制製作, 但因為涉及前世甚至科幻動作多個場面, 可以話用眼花撩亂場面染色劇情薄弱. 雖然畫面只保留HD, 但係加咗弱雞atmos, 呢個半鐘無腦都睇得幾爽..........
rach 發表於 2025-10-26 04:09
見Rebecca主演加Zero Dark Thirty導演,
無奶油唔睇, 雖然意外地接近零動作,
只要閣下環繞聲系統唔太差,
佢作到咁大諗住睇佢點收科,點知佢就爛尾就算數,被騙了.
Kowloonman 發表於 2025-11-16 07:12
佢作到咁大諗住睇佢點收科,點知佢就爛尾就算數,被騙了.
改錯名代表作
文戲,武名😅
單睇trailer懸念滿分, 一座大廈比黑牆封死, 大廈內居民設法向下逃出. 當然涉及不同性格不同背景居民, 但片長關係描寫不深. 黑牆固若金湯無法強攻, 大家出盡辦法逃生外更要面對人性挑戰. 黑牆絕對有未來科技感, 但當知道真相後絕對會懷疑未來是否可行. 總知未睇前期望甚高, 睇完後鴉雀無聲, 眼高手低就係呢類.
呢次睇咗套IMDB評分幾高既舊片, 雖然表面上講怪病侵襲印度小島, 眾人求生逃離. 短短7集涉及題材好廣泛. 生熊環保, 原住民與城市人衝突, 背後大公司黑幕等. 雖然都涉及當地政府都係官僚主義為主. 故事內容各自發現沒有太大聯繫. 如果抱住一般災難級疫情片會失望而回, 反而劇情有驚喜之處係一眾主角可無先兆下隨時領便當, 唔影響劇情下反而加深人性考驗.
改篇真人真事七八十年代意大利連環兇殺案, 到現時仍未水落石出, 影集結尾亦屬開放式結局. 每名疑兇都有時間切入點, 雖然劇情會不斷換時間角度, 但只係切換不同人視角觀點, 所以煲劇都要留神. 完全睇到當年意大利如何男尊女卑, 女性如何被男性支配. 個人覺得亮點係.......點解意大利咁多偷窺狂? 點解咁鍾情車震?
