似係續集但又同第一集無關算係平行時空, 呢次故事轉係西班牙發生, 由母愛轉為父愛. 唯一不變係仍然係個隻不知名怪物及一班類似受感染反派. 以小本拍攝得出B級片格局算唔錯, 仍然睇唔見怪物仍有驚嚇感, 不過男主角由初初反派最後捨身救女主角母女較公式化.
3個互不相識既主角, 因為有小道消息知道公司社長家中藏有逃稅巨款, 所以結成新手犯罪組合, 打算潛入偷走巨款. 睇落劇情普通, 加上成個打劫過程30分鐘已完, 正係度懷疑之後劇情走向? 點知就反轉再反轉, 係另一角度睇之前潛入過程中原來另有劇情. 全片分開多個章節, 不斷變化, 其實幾荒謬但又覺得過癮.
荷里活劫機片睇得多, 印度拍既睇過未? 一切源自男女主角偶遇, 相愛, 懷孕打算結婚, 男方因財困打算要求女方協助係機上偷龍轉鳳打劫珠寶. 點知咁啱得咁橋遇上劫機........男主角因求偷心切就經常比劫機者密集式虐待{:6_158:} , 最後當男主角成功將珠寶得手後, 劇情黎個大反轉............以戲論戲類似信用欺詐師, 結局扭橋是否令人信服, 呢套OK既, 由其女主角真係幾印度西施{:6_157:}
呢兩個胡金銓紀錄片好似可以睇得過吓。不過要翻牆過台灣
一套描寫二次大戰尾聲, 納粹德國戰敗前為咗一批猶太人黃金同村民爭奪戰. 以Netflix制作算忠實呈現當時境況, 但劇情前半段大多預計到, 反而後半段劇情有D估你唔到, 衝突場面甚至有D血腥感. 不過劇情其實有D反駁, 男主角亂槍掃射都唔死似不死身, 女主角愈來愈打得. 甚至結尾男女主角離開尋找新生活但連一舊黃金都唔攞走就有D離奇........
近期有套同名電影上畫所以攞黎睇 , 點知一睇上癮最終極速煲晒. 劇集吸引之處係真實故事改編, 看似一個和諧社區, 原來位位鄰居都貌似窺視者. 劇情經常誤導觀眾某人就是主謀, 主角一家生活係被監視中恐懼, 警方又愛理不理等, 當主角兩夫婦主動調查, 又因為咁嚴重影響家庭生活, 睇落都幾似現實世界, 究竟最後邊個先係主謀???
一套集古老傳說, 幽靈, 友情, 謊言, 背叛, 愛情西班牙劇, 第一季9集採取雙線發展, 其中夾雜咗主角4人回憶片段. 其實第一集車禍已帶出往後劇情走向, 但古老傳說一段同4人友情關係好似格格不入冇交接, 去到第5集兩邊劇情先開始有接軌, 但去到結局原來先係開始..........如果耐性不足一早已棄劇.
一套無對白無台詞既印尼驚悚恐怖片.........其實係乜地方片種都係冇影響{:6_136:} , 以為較新鮮係以氣氛畫面營造及動作取勝, 一來全部欠奉, 二來呢類片種此似終要靠對白先會明白為何兇手要綁架殺人既前因後果, 咁即係最終睇到既係2位小主角無啦啦比人綁架後點樣逃出魔爪. 老實講.......倍速睇都影響唔大{:6_146:}
先入為主以係戲名係殺手一定係動作片啦, 點知期望愈大就......, 同殺手題材有關必定離唔開動作場面, John Wick已係經典. 但呢套由大衛芬奇執導既新片, 其實係講緊一個職位叫殺手既工作日常, 每次工作事前要點準備全部用對白交待, 劇情亦無峰迴路轉, 真正講多過做, 雖然爛蕃茄評價甚高, 但我呢類凡夫俗子真係唔識欣賞.
SonSon 發表於 2024-7-4 12:12
先入為主以係戲名係殺手一定係動作片啦, 點知期望愈大就......, 同殺手題材有關必定離唔開動作場面, John W ...
呢套電影多次向獨行殺手致敬，兩套故事好多相同之處。
