續集就上畫, 趕快睇返第一集先, 老老實實Game就未玩過, 係無前切下覺得場景氣氛應記一功, 餐館佈局做到齋睇已覺心寒. 場景以晚上及室內紛暗為主, 4K算發揮應有黑暗畫質. 雖然算係恐怖片, 大多涉及主角妹妹視角唔算成年人模式恐怖. 係網上最多人稱讚既玩具熊設定, 發光眼神加上詭異動作, 古怪又有啲可愛帶不自覺驚嚇感.
係泰國發生一家七口命案, 加上封面色調詭異, 諗住有啲嘢睇, 但睇咗頭15分鐘, 片段零碎, 主題欠奉差啲想棄劇, 唯一支撐下去係女主角外貌及鏡頭下色彩氣氛算吸引. 好彩係到中段開始進入劇情, 主打黑色喜劇類, 劇情又不斷模錯, 當中所謂查案全部都係自說自話, 似足早年既港產片, 最後當然誰是真兇真相大白. 唔好太認真, 有時間先好睇.
睇落同早前既絕命塔羅牌類似, 都係一班年輕人久別重逢聚會, 其間玩遊戲時愈發不可收拾, 將各人以往恩怨一一浮現. 不過呢套更加要留神, 劇情交待往往用咗傍白加上誇張畫面交待. 加上各人互換靈魂後. 性格及互相關真係要細心思考前因後果, 由其結局一再反轉, 喜歡燒腦劇既會好喜歡, 如果打算打發時間既勸你早啲放棄.
本帖最後由 SonSon 於 2026-1-9 18:36 編輯
一連睇咗2套郵輪片, 先講呢套一睇戲名以為係浪漫愛情片? 咁就只啱一半, 有坂元裕二作品點會咁簡單? 梗係要加上懸疑,兇殺甚至復仇情節. 不過整體都是不過不失, 豪華郵輪場景不多有啲嘥, 兇手一貫自行引爆唔駛查, 除男女主角外其他角式冇乜特別發揮, 如果片長縮短些, 當睇輕鬆喜劇唔好駁故尚可, 當然睇宮崎葵可例外.
跟住就睇咗呢套私人豪華遊船命案, 呢次除咗睇隻遊船幾咁奢華外, 劇本處處有Bug, 一眾富豪直接去儀式場地唔得係要開船但只招呼幾位朋友明顯有嘢, 富豪邀請身為記者女主角上船又敗筆, 一個應該被隱身藏匿既乘客居然安排同其他人住同一樓層, 雖然依家科技發達, 但未至於可以隨時係網上搵到一模一樣外表人卦? 好彩只係95分鐘, 話咁快就完.
印象中好似無係Netflix睇過大陸拍既冒險災難片, 話時話依家大陸啲特效開始見得人, 拍得住荷里活同類題材片, 雖然部份CG同真人有唔協調, 起碼條蟒蛇真係幾嚇人. 同過往狂蟒之災比較都唔失禮. 當然劇本都係硬推唔好深究, 過程純粹比官能刺激大家. 呢類片種靘女主角不可少, 可能大陸出品, 雖然2位女角都唔嘢少, 但係經歷幾混亂都無衣衫不整明顯多布咗囉........
未來借貸係可以唔駛還錢, 係用壽命用作還款. 意念唔錯, 加上制作上未來科技感重算落本, 一間類似保險公司借貸抵押可以用人壽命抵償, 女主角不幸一夜間要償還, 但原來背後已計算好晒. 男主角點樣協助奪回壽命, 加上背景設定有反對幫派勢力阻撓, 雖然後半劇情一般及最後悲劇收場, 但都可一看.
都不過不失,女主角要還巨款已經估到有啲鬼.
短篇巴西影集, 少女被網絡欺凌後暫留宿親戚家時被性販運集團綁架, 另一邊退役軍人母親因家人被犯罪集團殺死, 決心復仇. 兩條線最初平衡發展, 最後二人交集, 母親奮不顧身營救素未謀面少女. 呢度可以睇到巴西近AMAZON邊境地區有幾混亂, 犯毒, 走私, 性罪犯, 幫派衝突每日發生. 不過故事最後有啲錯愕少女選擇, 係自我救贖定係感激之情?
本帖最後由 rach 於 2026-2-15 22:46 編輯
一部意大利GT賽車為背影連續劇, 劇情穿插於賽車與偷車之間雖然無稽但有新意, 女主角由邊緣偷車賊成長為賽車手, 過程雖有不少犯駁, 但只要有拉利/林寶/波子落場互片, 警車/機車追逐, 車迷一樣會照單全收😋😎
