寡婦由上一季笨手笨腳殺人, 到2年後已升級成半職業殺手. 呢次終於無亂咁殺人, 死人對話亦有減少, 都係為咗救女先殺幾件. 之前第一季已講咗兇案現場其實好多線索位, 第二季都有解釋原來背後有人補鑊. 呢季加入探員開始認真查案, 當然冇咁易甩身. 第二季算修補上季劇情缺失, 加上畫面延續北歐風整體算合格.
睇個戲名好勁下, 再睇埋trailer有飛車, 有搶劫, 有卡車賽道好似幾有睇頭...........但只限trailer{:6_223:} , 併埋一套戲後, 卡車賽車唔夠急速, 警匪追逐唔夠殺陣. 主角為債務而犯法, 最後又為贖罪協助警方將黑幫瓦解, 劇情過於公式. 加上飛車場面冇乜花巧嘢, 又冇靘女睇{:6_123:} 打造咗一套平平無奇既巴西電影.
本帖最後由 rach 於 2025-5-30 05:03 編輯
走漏眼原來係Inside Man重拍版, 女主角靓女, 好戲, 一氣呵成, 劇本细密, 又有大場面, 近期皆作👍
石原里美產後復出第一套電影, 就係演一位女兒失蹤致精神崩潰母親角色. 演繹一個從來未見過既石原, 重攞埋最佳女主角獎. 類似真人真事改編, 身為丈夫偶有不滿仍默默守候, 記者想以節目收視協助夫婦尋女但無功, 石原弟弟由最初疑犯變冰釋前嫌等. 劇情無起因亦無結局, 但眾人演出到位, 睇完都幾心噏.
雖然係翻拍片, 但感覺同是台灣片既"關於我和鬼變成家人的那件事"有好多相似處, 最初都係以人鬼相處產生笑料到最後滲透家人滿滿既愛, 以為係喜劇又會殺你一個措手不及, 結局又同樣勁催淚. 原祖韓片未睇過, 亦慶幸冇睇過, 所以結局有意想不到既安排會被感動. 男女主角表面雖然孤獨, 但原來一直有家人陪伴身邊.....................只要心還在跳, 一切都會變好.
睇完芭蕾殺姬, 好自然就會搵套芭蕾復仇曲睇吓, 當然兩者規模投資都唔同唔可以比既. 芭蕾復仇曲戲名可能更貼題, 主角為受性暴力自殺好友直搗黃龍向黑幫報仇, 動作連場以一敵十合乎爆谷戲要求, 黑幫老大處決方式可用爽快形容, 唔知係唔係巧合大家係戲裡都用到噴火槍, 缺點係片長關係感覺戲情推進比較快, 當然娛樂至上既會睇得過癮.
泰國版企業強人
角色熱血, 節奏快, 女主角靚爆
7集快狠準零冷場, 爽！👍
本帖最後由 SonSon 於 2025-6-26 13:40 編輯
呢期睇返D輕鬆劇種, 台灣拍攝既性喜劇當然唔會期望有3級嘢睇, 睇TRAILER好似好激情, 實際係借性愛講兩性甚至係同性關係, 好彩係8集劇集唔係電影長度, 可集齊情侶炮友, 7年夫婦, 老夫老妻, 師生戀, 同情戀等大家總會面對問題, 劇情分佈尚算平均, 生活上如何面對, 點樣如何修補先係重點.
一套表面好既困獸鬥動作片, Die Hard算係佼佼者, 但呢套係完全拍唔出應有緊張感, 係醫院裡面其實可以動用獨有場景或就地器材拍出刺激感但欠奉. 同係普通工廠拍攝無分別. 劇情鬆散, 黑幫有勇無謀, FBI可以用廢黎形容, 完全睇唔到套戲有任何亮點, 可以睇完無媽媽聲你就真係仁慈.
聲效：9分（演唱會爆棚音效, 真人獻唱）
畫面：7.5分 （HD only無4k 扣分）
劇情： 8.5分 (KP0P動作片, 有創意我鍾意）
片尾有彩蛋咪走雞😎
