Eddie依然精令惹笑
男配角,女主角稱職
動作場面無揸流灘
最難得係Neflix出品, 但戲情無爛!😋
殺人讀書會......只係聽戲名真係一頭霧水, 但如果話係西班牙版奪命狂呼, 相信大家就知內容係點. 成套片太公式, 幾乎倒模一樣, 都係一班相識年輕人, 都係隱瞞咗件事, 殺手都係偽裝當地節日角色, 都係將主角身邊人一個個殺死, 都係要估誰是兇手, 連兇手結局都差不多, 致敬同抄襲只差一線.
又一套奪命狂呼式電影, 比較特別係用咗大家熟悉既black friday搶平價貨為開場主線, 戲內一眾群眾爭搶電器造成悲劇就有D死神來了feel. 當然背後兇手又係蒙面又係一個一個血腥咁殺死你, 故事公式化, 最緊要夠血腥冇悶場. 其實又係估吓身邊人誰是兇手, 不過睇完開場段電器舖意外後, 大抵會估到七七八八........
好奇里套片内地春節收34億,
但香港只係收3百幾萬,
睇完就明白點解條僑舊但内地咁受
套戲反影現時内地失業/躺平現象
難怪内地觀眾特别有共鳴感😎
本帖最後由 SonSon 於 2024-8-2 17:30 編輯
又一套無預警會上架電影, 一套大陸狂收香港慘淡, 感覺似張家輝激戰. 其實係重拍日本100円的愛, 以戲論戲其實全無驚喜, 但對比原版故事冇咁沉重, 偶意有D笑點. 唯一有彩蛋係結尾畫面片段帶出, 填補戲情空白位置. 換個角度睇亦可以變成人生紀錄片..........賈玲是如何練成..............配服佢為咗套戲既犧牲.
以為係典型拳擊奮鬥片,結果係減肥奮鬥片.
Kowloonman 發表於 2024-8-4 07:12
以為係典型拳擊奮鬥片,結果係減肥奮鬥片.
咁呢套應該啱你睇..........
SonSon 發表於 2024-8-8 13:47
咁呢套應該啱你睇..........
呢套比較傷感.
睇戲名以為係驚嚇片, 其實都算係既. 表面上女主角因為一趟公路旅程意外殺死咗隻小駱駝, 因為比記仇既駱駝媽媽見到要報復. 但係我就覺得係女主角記仇多D囉. 始終阿拉伯國家女性地位低微, 而佢又天生叛逆, 表面溫馴背後用暴力表達不滿, 借駱駝比喻女主角. 又老實講, 由拍攝影像至劇情真係唔係我杯茶...........
Netflix首次同日本同步播放春季日劇 (希望冇記錯) + 石原聰美剪短頭髮產後復出, 點都要支持吓. 比較日劇式懸疑片, 故事橫跨12年, 命運安排吓重組過去發生既一切, 曾經深愛既人成為縱火嫌疑犯, 大學同窗發生車禍, 身為檢察官父親自殺等, 表面無關但原來背後另有隱藏真相. 共九集缺點係最後一集先解開全部謎團過於急進, 未能好好舖排.
