本帖最後由 SonSon 於 2023-2-26 12:48 編輯
用社會老齡化問題包裝成既德國恐怖片，題材算有新意，片中將一眾老人家成被社會遺忘一群，孤獨無助，老人院環境深沉，行屍走肉，氣氛詭異，就好似一個等死既地，加上後半部大量灑血，我就幾like呢類血腥既爆谷電影。
本帖最後由 SonSon 於 2023-3-7 18:29 編輯
低成本吸血殭屍題材，依家重玩除非有新意否則真係冇吸引力。呢次都係為咗狂野時速及權力遊戲女主角而睇，可惜劇情平淡欠細節，動作特技又唔出色，比幾多血你睇都麻目晒，唔睇係冇損失，結局重諗住玩續集開黑暗系列？應該冇可能了......
一套低成本低票房既公路電影, 開首半粒鐘都叫正正常常, 但當女主角失蹤後, 劇情反駁處處, 男主角開始由地產sales好似花身rambo躁狂症上身, 原先六神無主要靠警方協助, 到後期一人之力隻身獨闖黑幫巢穴KO一眾持槍黑幫勇救老婆, 絲毫無損咪話唔神奇.........
又一套真實算係災難既紀錄片, 紀錄紐西蘭白島火山爆發當日悲劇, 由白島介紹, 遊客, 救授人員三方面組成. 短短個半鐘紀錄咗人類既渺小大自然既威力. 生還者劫後餘生,救援人員如何救災, 其實真係幾震撼.
本帖最後由 SonSon 於 2023-4-14 13:41 編輯
估唔到N記有呢套, 個人幾鍾意睇畢佬既動作片. 全片色彩豐富, 天馬行空, 每個殺手角色都鮮明, 由其joey king, 有D似塔倫天奴手筆. 呢次動作打得又夠過癮, 基本上唔需理會係唔係合理, 絕對輕鬆爽快2粒鐘.
「造后者」剛上架，睇左1集， 覺得劇力萬鈞，怪不得香港近期上映嘅港產片，不平則鳴嘅題材得到大眾嘅共鳴
本帖最後由 SonSon 於 2023-4-28 15:04 編輯
又睇一套真實紀錄片系列, 主要圍繞3批人回顧呢次災難經過及後續, 劫後餘生既登山旅客, 當地山區既居民及負責救援行動既警官. 不同國家既旅客由大家慶高采烈帶著興奮心情登山, 至地震發生時, 大家徬徨無助經歷生死一刻都有深刻描寫, 睇完心情其實幾沉重吓............
本帖最後由 SonSon 於 2023-4-28 15:05 編輯
又睇一套真實紀錄片系列, 主要圍繞3批人回顧呢次災難經過及後續, 劫後餘生既登山旅客, 當地山區既居民及負責救援行動既警官. 不同國家既旅客由大家慶高采烈帶著興奮心情登山, 至地震發生時, 大家徬徨無助經歷生死一刻都有深刻描寫, 睇完心情其實幾沉重吓............
其實呢點評論叱呢套片好, 表面科幻片格局但9成以上係廠景, 故事又似係災難片但又無驚險刺激場面. 感覺似套救生片講人性多D, 故事背景可設定係任何地方唔一定係太空. 睇完晒只可講主角做人太愚蠢, 早知如此何必當初. 想睇緊張刺激既科幻片可skip............
韓國依家既技術已愈來愈勁咁, 開場無耐既機械人戰爭已好有睇頭, 加上背景設定及畫面都幾有水準, 以為都係打得燦爛幾刺激, 點知成套片最好睇就係開場及結尾個十幾分鐘, 中間探討吓AI及母女情咁都熟口熟面, 不過不失咁啦........睇完冇耐其中一主角姜受延突然走咗都幾意外{:6_148:}
