香港有新聞女王, 日本有新聞主播, 阿部寬做主播有強大氣場壓陣, 近期新聞多多既永野芽郁做新鮮人. 通常日劇話題涉及新聞都會沾上政治黑幕復仇等, 當然主角都有過去不為人知事. 劇集以單元個案形式+揭露政壇黑暗為主. 每集都有唔同嘉賓參戰, 難得係嘉賓唔係熟口熟面但係日本又略有名氣, 所以對海外觀眾有一定新鮮感.
一個中年podcaster, 一個失意記者, 一個新手調查員, 為網絡流量組隊去愛爾蘭小鎮報導一宗幾十年前發生既失蹤事件. 睇trailer幾吸引架, 但係劇情真係東拼西湊咁, 所有線索都係單靠鄉民口述了解拼湊結局, 主線含糊, 過程感覺為自己光環多過為鄉民解決懸案, 加上三位主角性格絕不討好, 好唔容易先煲晒...........
全面失控算係一個紀錄片形式系列, 呢次睇係trailer已好吸引............2013年一艘豪華遊輪失去電力然後海上漂流, 最後導致船上每個地方都充滿便便, 真係隔住個mon都聞到陣味. 劇組搵返當時船上遊客員工等描述親身經歷, 加上影片, 點樣失控導致船公司公關災難等都有講. 事後睇佢哋輕鬆講返其實幾好笑.
荒山野嶺弱女遇上殺人狂魔如何逃生? 拍得好可以緊張刺激, 拍得差可以預知劇情. 呢套就係後者, 劇情有Bug所有套路可以預計, 殺人狂魔心路冇描寫, 弱女求生完全可預見, 中段救人警察及老翁聰明點已可提早完場, 加上成套戲成本甚低, 場景變化唔大, 好彩係個半鐘唔算浪費人生, 唔睇真係無損失.
頭幾集動作場面有睇頭,
中後段集數劇情有轉折, 有Joker影子,
值得一煲😎
rach 發表於 2025-8-10 08:54
頭幾集動作場面有睇頭,
中後段集數劇情有轉折, 有Joker影子,
值得一煲😎
睇得好矛盾,個個有槍係會好危險,但睇到啲人渣被槍決又好大快人心.
睇完毒梟聖徒, 搵返套影帝輕鬆片平衡吓心理. 事前已有心理準備類似 Mr. & Mrs Smith, 當然珠玉在前, 依家睇返當年畢佬兩公婆仍然無得比, 故意其實無乜新意但勝在輕輕鬆鬆, , 影帝即係影帝, 住家男人同毒梟比較反差極端, 尋找老公有無出軌笑料頗多但又唔會過火無厘頭. 總結新意係無但睇得過癮.
一套熱血音樂主題嘅日劇令我林起藍色巨星😎
睇左頭兩集, 攝影/音樂都好正, 用大電視靚音響播效果更上一層樓😋
rach 發表於 2025-8-13 05:58
一套熱血音樂主題嘅日劇令我林起藍色巨星😎
睇左頭兩集, 攝影/音樂都好正, 用大電視靚音響播效果更上一層 ...
依家佐藤健好似已經成為Netflix收視保謐{:6_179:}
本帖最後由 SonSon 於 2025-8-21 11:33 編輯
第二季又黎喇, 比起第一季選角差距更大. 笑料甚至同居生活醜態都有呈現, 加上主持笑中有淚抵死傍白比上季更吸引. 今季女性話題集中係生育, 男性主要係婚後生活相處. 相比俊男美女戀綜, 更愛生活化現實貼地戀愛, 畢竟角色全部都有經歷有過去, 由其其中位女參加者, 由多采多姿生活至患癌至重新認識自己, 選擇係共渡餘生伴侶都要付出好大勇氣.
