Netflix 非主流戲劇主觀亂評~~不良一族尋愛記 (#166)

SonSon

波蘭海難真人真事改編, 估唔到波蘭都可以拍到荷里活特效級數. 故事從多角色多角度回憶返1993年海難為何發生, 事故經過, 事後經歷等. 關係人物眾多, 但故事條理分明. 因為當時體制, 事後有人會自保, 有人選擇沉默, 有人會對抗強權. 結尾簡單幾句收尾, 呢場災難唔係天災直接引起, 係當中人為一連串失誤導致, 可能其中一方無疏忽已可避免. 短短5集, 個人覺得非常精彩.

SonSon

有返咁上下年資既, 當年逢周六唔多唔少都會經歷過明珠台洗禮. 想當年睇到津津樂道既真人show, 依家回頭睇返, 無論當時參賽者及主持, 都認為節目過晒火. 呢啲可能就係時代不同價值觀都不同. 當年節目設定就係迎合觀眾口味及社會風氣, 勢估唔到依家全部變晒黑歷史. 廿年後睇返一班主持回憶返晒黎, 可惜Tyra Banks同大家友誼經唔起時間考驗, 最後睇到Miss J 依家狀況真係有啲感慨.

SonSon

單睇字面不容易理解, 簡單講就係用私人土地進行詐騙犯罪組織. 睇咗成個過程如何犯案, 被騙者又如何上釣. 可以講係忠實情現, 呢啲情況真係日本先會發生. 短短七集劇情緊湊, 罪犯愈玩愈大, 為目的不擇手段, 部份都覺暴力血腥. 當然與警方正邪對決, 鬥智鬥力都係賣點. 最後結論係人性慾望唔好蒙蔽理智.

SonSon

話說一套類似奪命狂鯊既國片, 唔太長就睇吓..........有啲唔妥, 本來打算睇吓鯊魚咬人血腥吓, 點知開首十幾分鐘不斷loop已覺不妙, 原來又係類似早前巨洪玩虛移世界. 但呢次更推到更高境界係為咗治療心理創傷, 所以唔好理合理與否, 尾段更玩類似打機模式, 依家先發覺巨洪其實幾好睇.

Kowloonman

SonSon 發表於 2026-3-15 21:11
話說一套類似奪命狂鯊既國片, 唔太長就睇吓..........有啲唔妥, 本來打算睇吓鯊魚咬人血腥吓, 點知開首十幾 ...

好彩冇睇.

SonSon

老老實實, 第一集有橋本環奈先會睇, 其實當年睇到幾躁底吓.......3年後續集仍然無限輪迴, 好彩已經比上集收歛咗, 但呢集環奈變配角,另外就彈起另一女角本田真凜. 劇情大同小異, 只係多咗解謎成份血腥鏡頭多咗. 但遊艇一段真係睇到出神, 明明去打大佬好似去船河咁. 如果無睇過第一集可以慳返, 當然好呢類片種可以一睇既.

Kowloonman

SonSon 發表於 2026-3-21 11:21
老老實實, 第一集有橋本環奈先會睇, 其實當年睇到幾躁底吓.......3年後續集仍然無限輪迴, 好彩已經比上集收 ...

可以慳翻時間.

SonSon

雖然幾鍾意日本既戀綜節目, 比起韓國既貼地得多. 但之前幾猶疑睇唔睇, 真係幾另類吓. 不過見咁快已定第二季時間表, 應該唔差. 正如制作人Megumi講, 現今日本男女思想太多轉彎抹角, 怕被傷害唔識表達自己. 話晒Megumi以前都係出黎蒲, 知道呢個族群心態. 第一集睇完已想追落去, 不論男女動作及說話直接, 可以用坦蕩蕩形容, 又見識到戀綜節目會有健碩保安駐場維持秩序, 令人大開眼界.