Netflix 非主流戲劇主觀亂評 ~~ OKURA + 放課後的病歷表 (#142)

SonSon

一套類似Die Hard電影, 男主角換成安檢人員, 終日渾渾噩噩又一日, 因為女友有咗先扚起心肝想紮職, 就係呢個時候遇到恐怖份子. 場景大部份係機場有限空間發展. 動作場面唔多但算冇冷場. 男主角由一直被操控到知道恐怖份子目的, 甚至會危害女友安危而反擊算爽. 呢類B級爆谷片只要唔爛尾又Happy ending已算合格.

SonSon

見就快下架片又唔長可攝時間, 一套死神來了平價版, 一眾主角玩一副受到詛咒既塔羅牌, 最後一一被死神照召喚. 呢類爆谷戲梗係要睇主角點死法, 可惜睇慣中場面既可能budget有限會覺小兒科, 加上邏輯有幾多漏洞, 靚女主角又欠奉, 真係好難吸引大家眼球.

陳永仁

SonSon 發表於 2025-9-3 13:43
見就快下架片又唔長可攝時間, 一套死神來了平價版, 一眾主角玩一副受到詛咒既塔羅牌, 最後一一被死神照召喚 ...

你又做番版主？

SonSon

恐懼大街之前已經拍咗三部曲, 好不幸三部曲都有睇晒, 原本講女巫, 小鎮被詛咒耐不耐就有人死等, 只要夠血腥, 就算幾公式都可以當爆谷片睇, 可惜三部曲一蟹不如一蟹. 呢次再掛恐懼大街名字, 除咗小鎮及部份人名有提及外, 根本就係掛羊頭賣狗肉一套C級恐怖片, 內容空洞, 兇手動機令人噴飯, 特技回到8,90年代, 第一次睇恐怖血腥片部份戲份要1.5倍睇......完.

SonSon

一連睇咗兩套同檔日劇, 雖然由国民好老公反町隆史及國民理想男友松下洸平擔正, 兩套都係一集一單元形式, 但都係收視普通. OKURA用偽做證據破解多年懸案, 意念係好但不斷拖戲, 節奏緩慢之餘轉接位又混亂, 重要玩到11集, 睇晒真係要好大勇氣. 放課後的病歷表就駐院醫生被派至小學保健室當校醫, 期間逐一治療學生心理創傷, 當然有好多疾病名稱都未聽過, 可能香港少呢類劇種, 加上大量小演員參與, 始終覺得有D溫情泛濫, 未必適合大眾口味, 但聽聞日本評價幾好, 有機會出第二季添.