Netflix 非主流戲劇主觀亂評 ~~ 火山島逃生記(#112)

SonSon

一個厭世又想辭職既醫生+一個癌症末期又想安樂死病.人. 醫生帶晒架生打算同病人完成一趟公路旅行後幫助安樂死, 劇情好似好灰暗好狗血. 但出奇地平淡又感人. 重回讀書舊地, 重遇初戀情人, 重遇幾十年無見既女兒, 無哭哭啼啼場面, 但感受到暖意. 最後病人當然離去, 但生命最後日子過得無憾.

SonSon

有D新鮮感下睇咗呢套荷蘭網絡犯罪片, 一名駭客對抗中國誇國企業, 誘過自動駕駛技術竊取人臉識別系統資料. 直情係美國制裁中國既現實版起因. 不過故事需然貼近將來必會發生, 但成個故事較鬆散, 緊湊不足, 有時亦覺得既然科技已去到呢個地步, 點解D角色諗法行為會追唔上科技??

SonSon

一套無預期會有驚喜, 一套無打算寫評價既日劇. 最後驚喜在情節, 宮九X大石靜火花十足, 通常講離婚情節梗係懷緬過去幸福多, 但呢次就大家都想離婚下就波折重重, 中間不斷加插日本選舉文化冷知識亦吸引. 轉接位讓雙方反思點解要離婚一幕係酒店廚房出現亦感動, 如果比trailer誤導係鬧劇而放棄既建議一看.

海報擺明係"回到最愛的一天"version 2

SonSon

因為呢套韓劇唔係大路片種, 涉及外星人題材所以一看. 好少韓劇係冇男主角係由二位女角演繹. 有D懸疑, 有D科幻, 有D搞笑, 有D驚嚇, 完全無愛情原素. 頭兩集其實進度較慢, 好彩另一女角Nana及外星人協會會員加入後產生化學作用. 加入喜劇原素亦可以平衝懸疑部份. 當然Nana美貌亦係吸引追看一部份.

SonSon

近期睇劫機片睇得多, 有危機航線及劫機1971. 呢次到印度劫機片係真實事件改篇, 係冇前設下睇咗真係較失望. 第一係劇情涉及大量當時政治因素及鄰國之間關係, 另外解決事件集中係機外官員身上, 描寫機倉內情節相對較弱, 加上動作場面欠奉. 成件事情拖足一星期, 講多過做, 事實亦如是. 真係唔好浪費生命.

SonSon

一套瑞典式奪命狂呼電影, 殺人狂魔一樣要帶頭套行事, 案件一樣發生係人煙稀少鄉郊, 相關主角一樣睇你點死法. 當然最後又係要估誰是兇手? 套戲節奏算明快又夠血腥, 當然呢類片種係刺激為上, 明明一眾死者有好多時間唔駛被殺或調轉殺反兇手.......合理與否放埋一邊, 不過最後兇手人設竟明顯違反名偵探手則.........

SonSon

雖然係災難片, 但始終係挪威出品, 心理上少不免會有保留. 點知追看性非常高, 一口氣睇晒4集迷你劇. 可以用緊張刺激黎形容, 劇情有依據感覺真實, 特技效果係劇集上算出色. 逃生片段有種驚心動魄感, 角色主要涉及2批人, 情節唔會太鬆散, 唯一要彈係結局, 咁都可以冇事? 睇完就明.