Netflix 非主流戲劇主觀亂評~~正念殺機1,2季(#176)

SonSon

呢套係比劇名吸引, 因為好難明白內裡含意. 一個普通年青人, 因一次意外錯手殺人, 後來先發現死者係被通緝殺人犯. 就係咁一次又一次意外被迫殺人, 雖然冇超能力, 但好似漫畫英雄片咁, 制裁罪有應得壞人. 前半部還好睇, 有種環環相扣劇情. 後半部加入自以為正義道德高尚既私刑者, 開始走向暴力血腥. 原來係漫畫改編, 唔怪之得感覺有啲誇張.

SonSon

感覺係死亡無限loop多人版, 女主角家姐神秘失蹤, 就聯同一眾好友Road Trip尋找家姐下落, 最後誤入小屋, 眾人不斷被追殺又會死過翻生, 起初不斷睇你點死係幾爽, 血腥鏡頭亦不少, 但後段開展解謎成份後. 可能理解能力低未能好好消化, 所以已感覺重複及混亂, 雖然唔叫浪費時間, 但可以講睇完係冇記憶點.

SonSon

涉及環保議題既影集近年都唔少, 呢套英格蘭片又係以真實事件改篇. 故事發生係8,90年代, 小鎮被鋼鐵工廠嚴重污染, 畫面處理上已可以感受到當時惡劣情況, 係現今角度睇應該唔會接受到. 幾位媽媽同時誕下身體缺陷嬰兒, 係男性主導社會下為咗爭取正義堅持與政府對簿公堂. 短短4集集中幾位媽媽及律師與政府對抗, 無多餘枝節無催淚情節, 節奏明快值得一看.

SonSon

泰國既恐怖片算信心保證, 呢次涉及校園欺凌, 學校免家醜又要低調處理, 以為欺凌者係大富人家或學校權貴, 點知原來乜都唔係. 當你以為被欺凌個啲要自殺, 點知又唔係. 最後自殺個被招魂要返黎報復一班生前曾欺凌又反抗既同學. 一方面要估邊個係招魂個位, 一方面又要估邊個係下一位受害者. 恐怖感少但血腥位多, 最後結局正不能勝邪又再欺凌Loop算新鮮.

SonSon

之前有新聞記者揭露日本政界及社會黑暗面, 依家就揭露藝能界及八卦雜誌黑暗面, 片中週刊文潮明顯影射日本最強狗仔隊週刊文春, 劇情主打揭露經紀人公司及週刊記者如何進行神秘內幕交易, 如果有略知日本藝能界及週刊運作就知幾咁真實, 加上柴崎幸及川口春奈根本無得輸. 呢啲題材相信只有Netflix無日本電視台負擔先敢拍.

SonSon

好少泰劇有追看性, 但呢次主角Nanno換咗人感覺完全唔同, 上兩季Kitty外貌帶邪氣, 所以每次揭露校園內霸凌, 人性陰暗面到復仇中都有心寒感. 呢次換上Betty化妝後有種娃娃臉, 加上Nanno呢次好似有不死身咁, 雖然劇情仍發生係校園, 都係揭露學生或教師謊言, 霸凌及濫用權力等, 但部份感覺天馬行空已脫離現實. 要比較第一二季精彩啲.

SonSon

改編自早前最後睇到有少少眼濕濕既關於我和鬼變成家人的那件事,  呢次吸引我係因為全職乖孫男主角, 一樣關於仔仔冥婚習俗故事. 雖然全片大部份角式場景故事結構都類似, 最後亦發展出人鬼情誼. 始終大家都係喜劇為主, 可以睇到泰式同台式不同演繹感, 如果喜歡周星馳式胡鬧, 一樣睇得過癮. 唔知呢次Netflix會否拍套類似正港分局衍生劇呢?

SonSon

將正念治療課程帶入黑幫仇殺片, 重要充滿喜劇元素絕對係新鮮組合. 第一季片中黑幫律師開頭只打算用正念思維, 解決自身家庭煩惱. 但反而用正念思維幫助下用殺意解決晒面對既問題, 加上血腥得黎又有喜劇慼係睇得過癮. 第二季劇情主要圍繞律師如何隱瞞黑幫大佬被殺及綁架下維繫各幫派平衡, 仍然有趣但已少咗份驚喜. 睇完全劇, 正念課程真係可提昇情緒健康.