Netflix 非主流戲劇主觀亂評 ~~ 叛逆特務 (#123)

SonSon

一套比trailer吸引睇既印尼片, 表面用神秘鬼神包裝既一連串兇殺案, 原來同一切同當地種族歷史有關, 加上涉及印尼馬來西亞兩地處事手法, 查案時會覺得好似互相推卸責任. 女主角幾型, 但故事又係要面自己對過去, 所以經常有疑似迷離幻覺畫面出現. 可惜對片中故事背景唔係咁投入影響觀感, 可以話唔睇冇損失.

SonSon

感覺同Disney+噬亡村差不多, 都係一個偏遠與世隔絕, 表面上村民之間相處融洽, 其實係大家係隱藏緊背後村莊宿命黑暗一面. 劇情比較沉重, 充斥人性醜陋, 體制之間被任由擺佈, 男主角雖然不斷掙扎, 總是好似父親一樣無法逃離命運宿命, 好似不斷輪迴重覆坎坷不幸.

SonSon

一套集童話故事+名偵探柯南式查案片, 又帶有小小喜劇成份. 當然呢類片種唔好太認真講求劇情, 只求有個半鐘娛樂吓. 畫面鮮艷, 一眾角色裝束華麗係視角上已收貨, 橋妹飾小紅帽化身柯南查案亦有新鮮感, 劇裡面顛覆大家對童話故事內容有新意. 不過講到查案始終無咁心思細密, 不過如果只睇橋妹角色化身神探又精靈可愛都係賞心悅目既事.

SonSon

一套係BBC幾好評又幾收得既劇集, 劇情由主角因家庭朋友低落關係下載一個手機App開始, 因為要不斷服從App指令, 又會因App自主操控主角生活訊息令人孤立無助, 下載者通常最後會選擇自尋短見. 依家網絡資訊強大, 人人手機不離手, 雖然劇情已有D熟口熟面, 但故事係英國小鎮發生, 當地學校日常年青人生活又幾有新鮮感, 可以一看既...........

SonSon

有D似非常外父系列. 呢類爆谷片本來無打算講, 就係因為片中一幕飛車場景, 警車追逐戰中係墳場不斷掃低墓碑, 最後黎個Top Shot, 雖然唔會好似狂野時速咁誇張, 但都幾震撼. 外父皮雅斯布士南及外母艾倫芭金兩位都年過70, 雌雄大盜打劫銀行都身手敏捷, 個半鐘絕對睇得過癮.

SonSon

兩夫婦子女係辨理離婚中被綁架, 2人同心合力營救, 表面上係一套懸疑驚悚加少少動作又涉及毒品既營救人質片. 但總覺得拍唔出任何迫力, 加上好快戲情上已交待老婆係幕後搞手, 最後係二人為爭奪撫養權互揭瘡疤式, 兩位人設上明顯都唔係合格父母, 浪費咗一個好構思, 零願拍返一般綁架還好.

SonSon

鬼才宮九首次既醫療劇, 完全突破一貫公式, 沒有白色巨塔鉤心鬥角, 沒有奇難雜症手術場面, 換黎係新宿街頭一間小型醫院, 圍繞新宿日常發生人和事, 日本現今社會問題, 換黎有喜劇感又不失批判性, 一眾演員市井又互動, 有D似當年港產既流氓俠醫, 不期然一直煲, 由其最愛桑田佳祐主唱既主題曲.

SonSon

身為半口個鐵膠, 呢次破例講吓呢套好熱戲. 得到JR東日本全力協助, 不論車廠, 列車, 控制室甚至搬遷路軌都實景拍攝, JR日常運作要求術語都忠於現實加大可觀性. 拍攝角度及視覺特效亦有滿足感. 至於選角, 個人認為齊藤工更勝草彅剛, 其他一眾配角反而背景欠詳細, 弱化咗往後情節. 至於炸彈狂徒犯案動機亦過於表面無深入描寫, 感覺因為咁就要報仇搞咁大? 另外遠鏡列車發現經常卡數不同, 有時係8卡, 有時係6卡或4卡車都有少少Bugs. 忽略呢D缺點仍有可觀性, 2個幾鐘絕無冷場. 鍾意返鄉下搭JR既必睇.

SonSon

呢次睇返部舊片, 亦都係因為夜魔俠而睇. 唔知點解英國拍攝既特務片自然諗起007, 英國特工+ 老婆 + 俄羅斯間諜構成三角關係, 三人都想揭穿互相秘密但又要守住自己秘密, 同時因為政治外交等又要守護身邊人. 雖然夜魔俠好似飽滿咗少少, 但短短5集迷你劇算緊湊無悶場, 不過結局就有點出人意表.......