Netflix 非主流戲劇主觀亂評 ~~ 女鬼橋2怨鬼樓 (#83)

SonSon

呢次轉吓口味, 初時以為睇緊套中女戀愛鬧劇, 睇睇吓先發現幾言之有物, 雖然對男仕就冇乜共鳴. 但係家庭關係, 不分年齡戀愛心態上有唔少可愛地方, 上一秒可以幾胡鬧, 下一秒又可以幾鍋心. 全劇其實都幾多金句可以細味, 可惜導演上月因病離世, 呢套都算係最後禮物比大家.

rach

好奇Spy Family男女老幼都鍾意, 電影又收得

畫風雖然有點兒童向, 但故事成人向
睇第一,二集後完全停不了, 變左安妮雅Fans😋

SonSon

rach 發表於 2024-2-8 20:16
好奇Spy Family男女老幼都鍾意, 電影又收得

畫風雖然有點兒童向, 但故事成人向

公司有幾位女同事都幾著迷, 唔知以為佢哋有小朋友

SonSon

一套26年前波蘭洪水天災為題故事, 唔好諗住好似荷里活式災難片咁緊張刺激, 反而節奏幾慢, 集中講女主角同母親前男友及女兒關係, 著重人與人之間對抗天災時關係. 當時政府點應對, 各省鄉民又點自救產生矛盾等. 災難場面可以為零, 但城市被水掩場面又幾真實. 其實好彩係6集, 否則已一早棄劇.......

SonSon

一套波蘭關於謀殺案影集, 一位女記者與被停職差人合力調查一宗連環殺人案件. 全片係白雪茫芒既山區小鎮拍攝, 每一死者死時姿態怪異之餘, 屍體亦放係不合理地方, 又好似涉及宗教儀式, 所以事前覺得幾吸引, 不過成套著重主角心理多過犯罪過程, 所以刺激度一般, 不過畫面氣氛上比人感覺荒涼死寂就不錯.

rach

非一般黑幫仇殺片
中後段邪教情節有點出人以表
阮經天演通輯犯令人信服
值得一看😎

SonSon

貓奴發夢都想要既主子, 其實成套漫畫冇高潮疊起, 冇緊張刺激. 反而充斥日常生活感, 節奏比較慢. 但因為將角式反轉, 女主角變成生活白痴, 主子變成家務精明能幹. 所以女主角由起居生活, 以至日常煩惱通通要依靠貓主子, 令一眾貓奴有代入感亦好治癒. 一人一貓身份調轉過渡日常, 係唔係好幸福呢.....

SonSon

睇完單身即地獄, 即刻投入Love Deadline 日本版真人Show. 一直覺得日本既較貼地, 唔似韓國個個都俊男美女咁fantasy. 呢次係男參加者有機會隨時消失, 女參加者要把握機會主動求婚. 如果單身即地獄1星期玩10集係龜速, 咁Love Deadline1個月玩10集就係光速. 好多細節上有忽略, 同埋雖然日本人慣以結婚為前題拍拖可以話認真, 但未開始拍拖已諗定婚後生活係點會唔會多咗呢??

P.S. 安室奈美惠首Baby Don't Cry 配合片頭畫面真係幾正

SonSon

呢套畫面主打北歐風既奧地利片, 話明係復仇以為好爽快, 但寡婦好似復仇殺得性起咁, 佢認為邊個有份殺佢老公既, 基本唔會比人解釋就通通殺掉, 雖然寡婦係經營殯葬業方便毀屍滅跡, 但行事又唔週詳, 比人感覺留下太多罪證, 偏偏警方又不了了知. 最後結局雖然冇殺錯人, 但睇開呢類犯罪片種既就會覺得不合情理.

SonSon

女鬼橋2係續集定前傳, 好似最終冇清楚講明. 但第一集成功所以對2有D期望, 但係就感覺完全唔係一回事, 鬼片氣氛好重要, 但2感覺太多CG特效, 少咗一份陰森氣氛, 去用特效去嚇你, 冇晒女鬼橋原有神粹. 加上同女鬼橋劇情連接唔清晰, 部份劇情有D一頭霧水, 所以都係當一般神怪片睇好D.