Netflix 非主流戲劇主觀亂評 ~~ 天外謎蹤 (#109)

williamav

SonSon 發表於 2023-5-15 13:29
韓國依家既技術已愈來愈勁咁, 開場無耐既機械人戰爭已好有睇頭, 加上背景設定及畫面都幾有水準, 以為都係打 ...

之前一出就睇左，覺得都可以 ~

williamav

SonSon 發表於 2023-5-6 10:42
其實呢點評論叱呢套片好, 表面科幻片格局但9成以上係廠景, 故事又似係災難片但又無驚險刺激場面. 感覺似套 ...

都睇左，同意唔係緊張刺激嘅科幻片，但幾鍾意個女主角，ending 則有點無奈 ~

SonSon

一套阿根庭懸疑片, 開首男女主角係新書發佈會見面後就有人跌落樓開始, 究竟邊個死?? 故事主線係復仇為主, 女主角因被性騷擾意外令到男主角家散人亡, 但往後十多年女主角家人相繼意外死亡, 究竟同男主角有冇關係?? 所有嘢全部似意外, 但又似同男主角有關, 到最尾解開係邊個跌死時都冇明確答案算係最懸疑

SonSon

一套睇得幾過癮既丹麥驚悚犯罪片種, 故事由一探員同自己個女傾計倒叙案件而起, 故事圍繞中年丈夫有外遇, 但被妻揸痛腳本來要殺妻最後變咗合謀殺小三, 又要避開警探查問. 橋段算大路但峰迴路轉, 丈夫一步步落入妻手中, 妻又估你唔到咁深謀遠慮, 結局係點自己睇啦

SonSon

俄羅斯娃娃:輪迴派對算係一套黑色喜劇, 女主角生日當天死於非命, 跟住不斷輪迴去返生日當晚, 感覺有D似異空戰士構思. 劇中透過輪迴探討主角內心世界甚至人生道理, 女主角都幾多金句, 但可能我較膚淺唔係幾領略到. 回頭睇返被評為神劇, 但自覺係小眾.........普普通通咁啦

SonSon

又黎睇紀錄片時候, 一連4集關於大自然災害, 火山爆發 / 龍捲風 / 地震 / 颱風 為主. 個人覺得除咗颱風個集畫面見慣見熟外, 其餘三集天災都幾有震撼力, 火山一集剪輯咗幾段過去災害片段由初階至嚴重, 龍捲風一集追風者角度親身經歷, 地震一集主要重溫311大地震, 最後........大家真係要保護環境愛護地球.

SonSon

睇片名已經預計劇情走向唔難估，但劇情沉悶加上反駁位多的是。算吧重有動作場面應該還可以吧？點知好似睇緊80年代動作片咁，不斷慢動作，槍林彈雨永遠打唔中主角，不斷可以一槍了結主角既又永遠犯低級錯誤，男主角身手及身軀媲美風暴中既劉華，又一次浪費咗90分鐘人生...........

SonSon

上個星期睇得潛艇事故多, 搵返套土耳其潛艇求生片睇吓先. 一套可以話係比利時"絕夜逢生"同一時間發生衍生劇, 兩間公司兩個國家有咁構思拍劇真係未見過. 一個係飛機, 一個係潛艇, 都係要同時間競賽避開太陽. 相比絕夜逢生呢套係固定空間人性衝突表現更緊湊, 亦開始解開末日之迷, 好有追看性, 可惜到依家重未有下一季消息...............

SonSon

我的櫻花戀人令我諗起一公升的眼淚, 只係女主角身患不治之症不同, 大家都會漸漸失去自理能力. 前半段戀愛模式一貫日影風格, 畫面及對白充滿心心眼, 下半段將所有悲慘事情都放晒落部戲到, 男主角感覺有D over咗, 反而女主角哥哥及大嫂更touching. 可能礙於成本因素, 下半段女主角變老後因冇乜正面鏡頭, 反而因為咁少咗代入感相對失色咗........

SonSon

香港改咗呢個名對比原名真一絕, 真人show都睇唔少, 但最貼地算呢套. 冇靚人靚景(瑜珈教練優子例外), 全部參加者最細35+, 要係荒山野嶺冇娛樂冇電話及破舊大屋生活, 大家係咁環境吓要搵一段下半生既真愛. 因為大家年紀都唔細, 大部份亦曾經結過婚, 所以感覺比其他真人show戀愛態度認真. 2位主持人生經歷豐富, 畫面上攝制隊又毫不避嫌, 觀眾層比較熟齡 算係不一樣既戀愛真人show.