Netflix 非主流戲劇主觀亂評 ~~ 女鬼橋2怨鬼樓 (#83)

SonSon

呢次又係橋妹, 一套漫畫改篇, 由橋妹演殺手自然比較天馬行空, 當然亦唔會期望動作場面可觀, 係偏向花巧及剪接向, 雖然以殺手為題材, 但喜劇感頗重, 不過搞到橋妹好似刀槍不入咁就有D誇張, 算新鮮感足及預咗劇情簡單, 不過片唔太長可輕鬆睇完.

SonSon

自從紙房子出現後, 多咗留意西班牙影集. 呢次以劫獄為題犯罪影集, 6集都係講緊一晚發生既事情, 動作場面唔算多, 因為劫獄班罪犯冇係人都殺. 都係以鬥智及燒腦劇情為主, 當然緊張場面都唔少, 監獄亦涉及人物多, 可能第一季關係個別角色描寫欠奉, 希望第二季有改善.

SonSon

一套由電視劇衍生出黎既犯罪驚悚影集, 整體氣氛尚算出色, 兇手智商高亦自戀, 探長查案手法亦破格. 但係無睇過電視劇既有部份情節就不清不楚, 兇手點解要針對探長? 點解另一幫人會協助探長逃獄? 明明平時去案發會如臨大敵, 但打Big Boss時就得2條友去, 明明可以早D脫身但又要比人插一刀先解決, 最後一定會有續集, 但唔知係回歸電視劇定影集?

SonSon

睇trailer以為係女主角遇上空難, 流落荒野要拼命求生既災難動作片......點知又次伏咗, 除咗個頭一兩集有D求生feel外, 成套戲根本就係女主角回憶過去, 對抗心魔, 回帶次數過多變成似文藝片缺乏應有刺激感. 只有6集都有D難捱, 用電影長度已可解決既一套影集.

SonSon

其實對越南鬼片有D期待, 同泰國一樣始終覺得個國家有D鬼鬼哋 . 老闆重話係由越南2大出名model主演更加有睇頭. 可惜除咗間大宅真係有D陰深恐怖外, 劇情真係算吧, 特技視覺效果又係算吧, 雖然只有個半鐘, 真心唔好當恐怖片睇, 當睇2大美女個心會舒服D............

SonSon

始終覺得一套懸疑犯罪電影, 主角要有勇有謀, 罪犯要有D心理變態及智商高先好睇. 但呢套2位母子主角有勇無謀, 重要一個唔覺意就領便當. 罪犯呢...智商就冇啦, 但因父親同外勞有染就令到自己心理變態及血腥暴力就真既. 雖然訊息有串連種族歧視及對抗不公義, 但整體覺得, 母子主角行為及關係描寫表面, 可以一看但唔好期望咁高.

SonSon

近期Netflix幾多以母親為主角電影, 呢位波蘭母親身手了得, 為咗救素未謀面既仔獨闖龍潭, 但係覺得情節描寫母子情表面, 救仔行動拖拖拉拉, 中間只靠動作場面支撐沉悶劇情. 重有係寫壞人總會輕視主角身手, 最終BOSS原來似路人甲, 結尾留尾巴會有續集??

SonSon

有關雙胞胎互換身份, 故事由其中一人失蹤開始, 加上2人約定每年互換身份, 其實故事幾懸疑吸引. 但後續開始拖戲及故弄玄虛, 加上女主角一人分演兩角, 唔明白作為身邊人點可以認唔出, 所以作為觀眾更新唔會投入到, 雖然短短只有7集, 但轉折重覆部份亦無解迷, 想有第二季應該冇乜可能.....

SonSon

睇咗trailer先有興趣睇呢套南非片. 故事對睇慣警匪片既香港人其實好簡單, 離不開警察做臥底, 最後企係法律定良心中間? 所以情節好多都預計到變咗較沉悶, 加上故事又帶有當地曆史文化背景, 拍攝手法感覺畫面搖晃跳動唔穩定, 其實都睇得幾辛苦, 所以無謂浪費時間....

SonSon

萬花筒格局有D似紙房子, 同樣結集三山五岳人馬打算搶劫金庫. 呢舖較有特色係用顏色分集數, 鍾意用時間軸睇又得, 我就跟反netflix編排順序睇. 其實故事幾單一, 各個角式描寫唔太深入, 打劫部署好似好完美, 當然有人一定有估計錯誤有出錯. 官方建議打劫一集留最後先睇係有原因.