Netflix 非主流戲劇主觀亂評 ~~ 女鬼橋2怨鬼樓 (#83)

SonSon

五個互不相識又同是天涯淪落人團結起黎，合力去黑幫巢穴，要攞返唔打唔撞失去既中獎彩票。原來呢類彩票係泰國好流行，同香港六合彩差不多，幾個倒楣主角係合作過程中鬧出唔少笑話，其實幾有Ｄ周星馳影子，泰國喜劇其實唔差，除咗喜劇元素外呢套重加咗Ｄ社會議題，花少少錢買個美夢成真既機會，何樂而不為呢...............

SonSon

一直以為星加坡電影以小品或家庭為主, 當見到係恐怖+災難片諗住有驚喜, 點知原來係驚多過喜. 可能budget有限, 全片特技效果停留係電視模式, 不論係火車出軌以及後來怪物出場, 完全似P圖制作, 呢類片種通常會涉及人性表現及主角過去, 係有提過但冇頭冇尾囉, 加上電影內容真係唔知想講乜?? 算吧............

SonSon

老老實實, 日本恐怖片一直有番咁上下, 呢次重有橋本環奈......必睇.........可惜..........因全片劇情不斷輪迴重複, 角色及劇情設定已限制多咗, 白天畫面正正常常似一般校園劇, 夜晚色彩濃烈成強烈相比, 加上用血氾濫但特技偏弱既血腥暴力, 所以睇得都幾辛苦, 有千年一遇美少女都救唔返套戲.

SonSon

睇預告以為係D靈異驚慄片, 點知...........驚慄係有既, 由其係心理上氣氛上製造到應有效果, 但靈異就無啦, 起碼唔會見血同鬼怪. 雖然比預期有落差, 但整體都算合格, 成套片帶有D種族歧視及疑神疑鬼感覺, 尾段氣氛製造緊張, 係結局有D出人意表, 莫非想首尾呼應?

yiyiallall

師兄有冇睇emily the criminal? 講信用卡詐騙集團. 我覺得都幾緊張,同埋有些諷刺企業搵員工笨的undertone, 結局都幾估佢唔到.

SonSon

yiyiallall 發表於 2023-8-14 16:45
師兄有冇睇emily the criminal? 講信用卡詐騙集團. 我覺得都幾緊張,同埋有些諷刺企業搵員工笨的undertone,  ...

Netflix + Disney + Now + Mytv .............排隊片單多到沒完沒了

SonSon

其實幾鍾意睇台灣懸疑犯罪片, 罪夢者, 誰是被害者如是, 呢次又係張孝全. 網絡世界愈發達, 吸收資訊愈容易, 亦再唔需要花時間認證真偽. 一宗兇殺案係調查中不斷以為帶出真相, 媒體過程中不斷引導群眾未審先判, 但到最終結果係主角打算埋藏真相, 究竟追究真相是否重要??

SonSon

過往睇印尼片都係以恐怖片為主, 呢套集合咗喜劇/動作/復仇為主, 觀感有D似80年代港產片. 雖然主線係各主角因復仇要重出江湖, 故事大路, 但全片拍得其實幾輕鬆, 動作打鬥場面完全港式風格, 雖然片長2粒鐘但冇悶場, 如真係有續集可再一看.

SonSon

回到過去式時空穿梭片比比皆是, 要改變過去就會產生蝴蝶效應, 所以要拍得突破框架並非易事. 呢套法國片算有D新意, 老公要救死去27年前妻, 既要救人又要保住依家家庭生活, 過程出錯點去修保都有創意, 最終結局帶點遺憾都令人反思當初決定真係正確??

SonSon

一部小品日劇, 有D似深夜食堂, 全片北海道拍攝. 女主角失戀+工作失意+被派遣到北海道工作, 人生跌落低谷, 遇上一間小小食堂, 主廚會盡量滿足客人要求, 制作當地美食治療客人內心, 只有4集每集20分鐘, 雖然平淡但可輕鬆睇完.