矛盾後，心痛告白後。重試SONY索六萬的結果是.....心癢癢！

nanaholic

ip_csl 發表於 2018-8-12 16:00
用萬元的volume,就代表ㄧ定靚聲?audio grade電容都有好多種.電池供電又做到半桶水(要做就做到左右channel ...

首先幫你澄清 - 電池供電的確係左右獨立正負獨立-所以一共4舊電比analog用，佢只係將兩舊包埋一齊，但線路係分開的，而剩余一舊係數碼迴路專用，DMP-Z1裡面一共係五舊電。

一開頭開門見山我都同調聲佐藤さん講舊嘢好貴點解咁貴(我識咗調聲佐藤さん都有段時間，好friend就唔講唔上但佢認得我會自動搵我吹水嘅level), 人哋一次都冇話用萬元就會靚聲。而更有趣嘅係我同兩位佐藤さん吹咗成粒鐘水，佢哋一次都冇用過d"最好/最靚/最高級"嘅用詞。特別係調聲嘅佐藤さん，佢只會話以前用咩料/本來用咩料最後改用咗呢樣嘢有咗d明顯唔同嘅効果，而更同我講咗好多自己公司内嘅人有班人話改咗呢度好聽咗，另外又有一班人話難聽咗，真係好有趣哈哈哈，咁有趣當然要俾多d人試, 成件事就係咁純真爽直不遮不掩。聽完佢哋解釋感覺到佢哋做呢件嘢係實驗測試咗好多唔同嘅嘢，雖然我兩邊都聽完(實機嘅聲同佢哋講嘅嘢)我都好老實再同佢講強調舊嘢真係好貴，但佢哋一樣係好真誠咁接受咗，然後又鬼馬哋玩自虐gag話件嘢真係幾大舊又重扮點樣攜帶聽然後一齊笑。我只係感覺到佢哋好enjoy開發呢舊嘢同從中可以學到d咩技術同開發咗d咩部件係可以未來有用，而根本就唔介意會畀人圍攻或要好hard sell舊嘢有幾頂尖幾咁頂瓜瓜。

至於d評論嘅質素老實講真係有d低，特別係内地果邊的。
以前做唔到人哋嘅質素就話自己都係用同一款晶片但平好多所以猛攞性價比來做比較，好啦依家學埋人玩物料殼用銅鋼鐵調音就又話自己用料有幾貴幾高級人哋用料比唔上，到依家人哋玩緊自己開發部件又loop番去話點解唔用最高級成品晶片。好老實咁樣嘅思維永遠都做唔好產品研發而只可以追人哋車尾燈，因爲人哋係真係做緊開路嘅先驅者，而你只係滿足係抄嘅地步。

benjamin

Sony 個位咁多人，都冇特登排隊。
咁就好彩冇浪費時間排隊。

nanaholic

jaffeinism 發表於 2018-8-12 16:51
DMP-Z1係Walkman部門試咗好多新技術@ 其實都無咩新技術==, 都係舊科技執藥再包裝 ...

都係果句，你剩係睇晶片你唔會知道佢裡面有幾多部件係全新由零開始製作的.

黑翼菜鳥

還是老說法,自己去聽喜歡就喜歡,聽感是個人的.

faihim

拎左部金磚去影音展去試耳機,本來係想買800s,不過試左m9後,覺得後者好似順滑好多,見開價9k幾,如果個價係7字頭就毫不考慮了.
自己用開fender 7 ,本來想即場試埋9,可惜試完800s,綠仙,m9後,部金磚都無電熄埋機了

cryo

nanaholic 發表於 2018-8-12 18:43
首先幫你澄清 - 電池供電的確係左右獨立正負獨立-所以一共4舊電比analog用，佢只係將兩舊包埋一齊，但線 ...

其實再見到有啲咁試驗性嘅產品推出係好事，就好似多年前$ony推出一堆 QUALIA 產品咁，呢部野可以作為下代 S-Master 方向試驗中嘅重要一步罷

nikfung

讀了以上幾位壇友的回覆之後.....當然明白Sony的工程團隊的創新和辛勞....I respect that, but i still have a question?!

比如我認識一個電影的拍攝團隊，導演、編劇、燈光．收音、演員和剪接，只要我們一見面，往往也能對拍電影的事談上數小時以上。
從他們開始寫劇本到剪接完成、我深知他們用上很多新穎的拍攝手法、很多創意的對白、演員也有很多破格的演出。這些相信都會成為往後電影的拍攝典範。

但結果是那套戲不好看，而觀眾也不會因為知道拍攝團隊的辛勞，而覺得那套戲會好看些！
一套戲是一件Product、在各大院線賣給觀衆、那它就要接受票房的洗禮和大衆的批評！
如果你說你拍的是實驗電影、那請你在藝術中心放映！如果你說觀眾的批評是膚淺和不專業、那你為什麼不在宣傳時加句“入塲時請由專業人仕陪同觀看“呢？

作為他們的朋友，我當然會同情和尊重他們．但我更會狠批他們．因為我正是最了解他們製作的人！抓人吹水閑聊不難、但能在你面前說出真心話的才是真朋友！

另一個角度，日本的創新~香港人巳在認同他們的原創性下批評它的好壞、而中國的創新~香港人會先質疑原創......請問那一個工程師更值得同情呢？

jaffeinism

nanaholic 發表於 2018-8-12 19:35
都係果句，你剩係睇晶片你唔會知道佢裡面有幾多部件係全新由零開始製作的.  ...

其實你呢種講法, 放諸係其他廠, 都係會甘樣做, 吾明你甘刻意甘講有咩特別意思? 講到其他廠好似無做研發甘?


玩殼呢樣野, 更加吾好講, 都吾係SONY行先, 都吾知兵個抄兵個了?


篇野越講越重私人感情, 愛之深, 恨之切

wadeejp

今天有幸可以試聽到dmp-z1，初入耳時的確有比個音壓震撼到，但當與旁邊的枱擴ab過後，還是會想用6萬元去買Ta-zh1es加Mdr-z1r更好，用了ak後就是同時缺少了那種暖暖的大法味?

nanaholic

jaffeinism 發表於 2018-8-12 23:44
其實你呢種講法, 放諸係其他廠, 都係會甘樣做, 吾明你甘刻意甘講有咩特別意思? 講到其他廠好似無做研發甘 ...

因爲的確有唔同 - 因爲大部分嘅廠係唔會"自己製造電子部件"的, 呢點Sony的確係比較特別，因爲佢哋係晶片，電阻，電容都會自己開發而唔一定從第三廠購入。因爲唔好忘記Sony係有半導體生產事業的。

舉一個一定會明嘅例子 - 好多廠會成日話自己部機用乜乜DAC晶片或者咩咩製嘅電容咁，就係因佢冇技術金錢資源自己由零去做。佢嘅所謂研發只係停留係左搭右搭試下邊d市面上已經可以買得到嘅部件嘅pairing會有好d嘅効果咁，但Sony嘅工程師係會諗埋如果搵唔到適合嘅電子部件就自己去製造，呢個係好多廠都冇條件去做得到嘅事嚟。當然Sony咁做都未必一定做到好嘅嘢出嚟亦都好多時會出現失敗作，但佢研發個困難度唔可以同一般廠同日而語。而今次DMP-Z1佢正正就係使用咗好多d新嘅自己專用電容等等嘅電子零件。

又例如佐藤さん同我講話今次試完類比音量控制器就發現市面上完全冇音響用嘅數碼音量控制晶片，所以依家計畫緊睇下自己生產一d嚟用，呢d就係好多廠完全唔會諗嘅嘢。