我的組合: 終極品聽 經典試聽大計!

ghhf

WA5 初嘗玩死膽(三)災禍不單行

話說小弟係陶醉細品WA5全力推AKG K-1000既效果之際，無啦啦，係毫無先兆下，"霹啪"一聲，就死咗粒訊號膽C3G!

係確定以原廠膽配置再行WA5無事之後，就嚐試去揾出死膽原因! 最初小弟既想法係，可能係個别膽管質量問題，所以小弟繼續續步推進，去番死膽當場既環境，實行案件重組!

跟住將原廠膽再換上C3G，再推HD800行咗幾節，確定正常無事，小弟又再試推番KK! 再一次行番之前既步驟，先係低功率輸出，再試高功率，又試其他選項，例如輸入靈敏度及輸出阻抗等等，體驗各種可能，嚐試揾出WA5推KK耳機既最好配置設定!

正當小弟放鬆警戒，越來越確信之前死膽，只係個别膽管質量問題，真係禍不單行，又出現一次"霹啪"巨響! 又係右聲道! 今次將小弟成個彈起，幾乎嚇散小弟魂魄! 即時又來一次緊急cut電!

小弟再重換番原廠膽配置，將所有嘢打回原，確定WA5及其他膽管無事，今次同樣係死咗右聲道粒C3G! 案件重組變成係，案件重演! 就咁一連死咗2粒訊號膽，真係無陰功 ......

黑翼菜鳥

ghhf 發表於 2017-6-2 10:48
WA5 初嘗玩死膽(三)災禍不單行

話說小弟係陶醉細品WA5全力推AKG K-1000既效果之際，無啦啦，係毫無先兆下 ...

這麼不幸....

ghhf

黑翼菜鳥 發表於 2017-6-5 21:10
這麼不幸....

WA5 初嘗玩死膽(四)事實與現象

話説前文小弟描述咗一連玩死2粒訊號膽，充滿血與淚既重大情節，好似引起咗論壇一陣好奇八卦，小弟先感謝各位C兄關心。

雖然鍾意玩嘢，小弟自問都唔係善男信女，出得來玩，都預咗要有番咁上下危機感，玩嘢時會盡量小心同有序咁進行!

今次玩死膽事件，小弟損失其實都唔算得上係巨大，兩粒C3G亦唔算得上係好珍貴膽管，不過事件的確對小弟既自信心唔多唔少有d打撃，亦提醒小弟玩膽真係要小心，今次真係好彩，無死埋機!

咁連死2膽之後，小弟對玩死膽事件有咩頭緒? 小弟就算揾唔到真正死因，都要確定危險所在範圍，盡量避開減低風險，唔可以一而再，再而三，重複死膽!

而家係枱面既係，一個事實同兩個現象! 首先，事實係，既然死膽事件可以重演，小弟之前以為係個别膽管質量問題，呢個可能已經可以排除! 至於兩個現象，就分別係:

1. 死膽只發生係推AKG K-1000之時，同樣膽管組合推HD800就無事!

2. 兩粒C3G同樣都係裝係右聲道死!

呢兩個現象突顯咩線索?! 小弟如何抽絲推理，並作出相應跟進動作?!

ghhf

WA5 初嘗玩死膽(五)名偵探上身

為咗避免死膽事件再三重演(其實係，小弟驚自己受唔住打擊，會一直戴頭盔潛水，以後都唔再出來吹水攞威 )，小弟特意請哂，福爾摩斯，神探枷利略，金田一，曹達華 ..... 等等，全部名探上哂身，準備為死膽事件抽絲剝繭，希望最終水落石出，讓小弟盡快跳出玩死膽陰影，唔使以後玩膽時有條刺心驚驚!

好啦! 小弟神探上身要開始進行推理! 首先講吓前文第2項現象，其中帶出兩個重要訊息，就係死膽類型，及兩次死膽都係右聲道一邊!

今次事件死既係訊號膽而非功率膽或整流膽，就係最大既線索! 好明顯，係同輸入訊號既電平放大有關! 而2次都死同一聲道，就意味聲道之間實際運作既不平衡可能。

事實上，原廠C3G既轉換座係好獨特，有分WA5及WA234版，仲分埋左右聲道，調轉插上WA5係唔work的! 可見其中係有特殊配接安排! 雖然如此，就小弟耳聽所得，並無左右聲道不平衡，或者應該係細微到察覺唔到! 死膽前C3G推HD800行咗幾十個鐘，亦完全穩妥無問題，排除咗轉換頭係原兇既可能。

就算聲道之間真係有不平衡，最多只係幫兇，係到達極端狀態時，右聲道先死咁解! 小弟遲吓會去信官方詳述死膽事件，聽吓官方意見及有無跟進事項!

討論過第2個現象之後，雖然仲未到所有迷题已被解開既地步，但已經可以鎖定追尋真相既方向! 如何利用第1個現象帶出既訊息，使殺膽真兇原形畢露?! 各位聰明既C兄，請先自行探索一吓，待續 .....

ghhf

WA5 初嘗玩死膽(六)KK的嫌疑

上一節經過討論第2個现象，尋找玩死膽事件真相既線索方向已經確定咗! 應該係同輸入訊號電平放大有關!

再睇睇第1個現象，死膽只發生係推AKG K-1000之時，推HD800完全正常(C3G最少已行30小時以上)，又排除埋係同HD800有關! 咁就更突出KK，KK相對地遲鈍，又可以大食電，咁KK會唔會就係殺膽原兇?!

前文已經排除咗轉換座係原兇，而家又話唔關HD800事，情節發展到咗呢個階段，表面既線索而家全部指向KK，KK成為最大殺膽疑兇，KK似乎係百詞莫辨! 真相係唔係就係咁直接明顯地浮現咗出來?!

如果真兇係KK，咁點解係死訊號膽，而唔係功率膽或整流膽?! 其實WA5係純A類AMP，總功率損耗應該係同輸出無關係! 係無負載輸出時，系統本身其實係要承受更大功率損耗!

各位聰明既C兄，KK係咪就咁斷正?! 定係被屈?! 背後係咪仲有咩重大隱情?! 最關鍵既線索似乎即將浮現，待續 ......

ghhf

小弟榮升咗做黃金大師?!


補多兩個字更貼切，"吹水"黄金大師! 小弟D章回吹水文，仲有好多未埋尾，保證搞到各位C兄心癮毒發，高潮迭起，如有因此跌入毒坑，出血不止者，實屬意外

ericcho

ghhf 發表於 2017-6-2 10:48
WA5 初嘗玩死膽(三)災禍不單行

話說小弟係陶醉細品WA5全力推AKG K-1000既效果之際，無啦啦，係毫無先兆下 ...

突然"霹啪"一聲真係有d嚇人…

希望師兄早日找出原因。

ghhf

ericcho 發表於 2017-6-20 12:46
突然"霹啪"一聲真係有d嚇人…

希望師兄早日找出原因。

咩有d嚇人呀，C兄未親歷其境，果種好似打雷咁既巨大劈裂聲，應該係叫人恐慌! 由其是係第二次再"劈啪"更大打撃，心血小d真係暈得!

小弟巳掌握關鍵線索，死膽原因好快水落石出!

ghhf

WA5 初嘗玩死膽(七)關鍵的線索

上一節提到，死膽事件既一切已知線索及現象，對AKG K-1000都係非常不利! 一方面確定咗唔係轉換座直接殺膽，另一方面，死膽又無發生係推HD800耳機之時，係證據咁明顯，兇手呼之欲出之際，劇情既發展通常都係無咁簡單既，如果就咁完場收工，各位C兄一定掟蕉反枱唔收貨，小弟又吹得唔過癮!

無錯! 係呢d時間，緊係有d關鍵線索突然浮出來，懶係峰迴路轉，柳暗花明咁，將情節氣氛再推上另一個高潮! 聰明既C兄心裏面可能巳經提出咗一個非常關鍵既問題: WA5用同一套膽管組合推HD800及KK, HD800無事，但KK就死膽，咁除咗耳機本身之外，系統其他配置設定究竟仲有咩分别?! 仲有無其他因素可能殺膽?!

咁樣一問，又唔係純粹為咗搞氣氛，係好合邏輯! 小弟比幅圖各位C兄參詳吓先，佢就係推KK死膽時WA5既板面設定，同推HD800時有咩唔同，關鍵線索會唔會就係圖裏面呢?!  同死膽又有咩關係?!

kai25570

ghhf ching 請教你,lcd3升級線除左reference 16外,重有無其他推介,Ebay diy線有無試過?thx