我的組合: 終極品聽經典試聽大計!

ghhf · 發表於 2017-3-30 11:40

本帖最後由 ghhf 於 2017-3-30 11:45 編輯

做嘢做全套，係SW1全電力供電迴路，小弟會用粗身單晶銅接線，SW2及其他部件既次級連線及其他迴路，用一般電源線就得啦!

再執多2粒1000歐姆50W包鋁殼電阻，以并接方式代替之前試驗用電阻，安裝固定上機殼，更安全，散熱又容易好多!

ghhf · 發表於 2017-4-2 11:23

本帖最後由 ghhf 於 2017-4-2 11:25 編輯

好囉好囉, 小弟終於搵到個心水盒啦! (之前既鋁盒留作其他遙控用途) 有1個IEC座入口, 4個美式座出口, 唔多唔少, 內部又有空間比小弟裝電阻, SW1, SW2開關及指示燈! 小弟會將其中1個輸出座配上限流電阻, 其他都係常閉Always-On.

出多些少銀両, 執正d, 一勞永逸, 可以過吓手癮, 又唔使太大工程剪栽盒身座口, 一舉多得!

ghhf · 發表於 2017-4-2 19:41

本帖最後由 ghhf 於 2017-4-2 21:03 編輯

小弟話就話出多些少銀両，入到個合心水又襯哂色既靚仔鋁盒，原來無打算用IEC輸入座及美式輸出座，而家要執正裝埋，就唔會用差嘢，點都要有番咁上下質量，一寬三大啦!

原本所有嘢唔使五舊就搞掂，而家用靚盒，加1個入4個出，埋單都要接近2千，同现成街貨比，真係唔算係平好多，仲無咩咩冷凍呀，量子處理呀咁!

但係最緊要合哂自己心意，照睇個盒仲夠位，小弟打算加多個制，做多一檔限流，單獨用一粒電阻，cut減多一半起始電流行WA22同WA6 SE，另一檔就并聯兩粒電阻，行WA5。

4個AC輸出對小弟既簡單系統來講已經夠用，因為前端係直接接電池組供電，唔使AC電源，小弟亦唔會同時開着WA5，WA22或WA6 SE任何其中兩部膽機，所以1+3既輸出安排，就係剛剛好，6個或8輸出就唔止一闊三大而且係無必要，嚴格來講，小弟其實係聽膽，多過玩器材!

準備睇吓邊度有靚價，執埋呢兩件嘢，Furutech IEC連EMI濾波及美式連座，去圖 ......

ghhf · 發表於 2017-4-5 12:11

本帖最後由 ghhf 於 2017-4-5 12:34 編輯

雖然小弟係玩緊d偏門嘢，個私帖都仲有人睇住，好明顯真係有C兄keep住收睇小弟吹水，當係娛樂新聞，咁小弟就唔客氣，繼續灌水!

貼埋個優化線路草圖，見個靚仔盒有空間，今次小弟加多咗一檔起始限流，由SW3控制，應該可以適合WA22, WA6 SE或其他相對低功率系統使用，另外亦優化咗綠色輸出指示燈接線，確定限流電阻已被SW1跨越及被SW2斷路，綠色指示燈先會着!

唔知香港仲有無C兄玩WA5? 或將會玩? 小弟行先死先，雖然放咗幾次飛機，都仲未分享詳盡聽感，不過都係毫無保留，比出其中使用心得各位WA5及其他Woo産品用家參考。電源呢部份小弟一定要先搞定，先會繼續品聽!

ghhf · 發表於 2017-4-7 14:25

本帖最後由 ghhf 於 2017-4-9 20:21 編輯

嘩! 真係唔知米貴，而家d輸出插座，2個頭一組有d名既牌子都要4-5舊或以上，要求高既仲要上到千千聲!

小弟一向都好有主見既，知道自己想要咩，傾向用純銅或銅質鍍金款既插座，覺得音色會比較"温柔敦暖"，不過又想聽吓唔同效果，所以暫定4個輸出座2個一組，一個傳統保守日版牌子，一個前維量子化美版牌子，又多個位可以玩吓調音! 有一個要面對問題，就係要將一組2個分離做獨立頭，咁先可以串連限流電阻及延時開關!

至於IEC，睇落用配EMI濾波輸入座，可能就唔夠位裝電阻及開關! 所以都係要個靚仔鋁盒到咗手之後，度清楚先會出手入個IEC座，同樣係傾向用鍍金基本版，可以慳d位裝配件入鋁盒。

ghhf · 發表於 2017-4-9 22:36

本帖最後由 ghhf 於 2017-4-12 22:26 編輯

有咁多C兄關注，小弟就鉅細無遺咁出文，比多d希望想跟風C兄參考價值，話說小弟一路收集緊平靚正部件，要砌好個外置AC電源開關，同時解決WA5未開機就出"哼聲"問題(熄機時同時斷開AC電源火線及地線)，一個限流延時起動控制可比WA5，WA22及WA6 SE使用，及提供1+3既AC電源輸出，滿足小弟相對簡單，以聽膽音特性為主既系統要求，希望可以一勞永逸咁話!

今日總算收到個鋁盒，個款係好有特色，仲配埋六角螺絲，雖然話係全新未用過，睇落質量只係一般，邊位亦有可見微少缺口失色(用黑色油筆點吓色就唔多覺)，感覺到唔係最頂級製作及存貨，差d又想退貨，可能係小弟既要求高，見個款獨特只能算係合格勉強收貨!

雖然小弟覺得鋁盒質量只係一般，佢都有番咁上下厚度，由最薄既上下殼層有6mm，到最厚係左右侧12mm，前後板都有成8mm。原來係前面裝IEC既面版，小弟將佢調去背後，咁前端就有多d空間裝哂d控制部件入去，代價就係唔可以用長身配EMI過濾IEC輸入座，因為呢個唔係必然要求!

小弟已經特地準備好工具鑽孔，裝2個電阻，3個開關，2個指示燈及固定一個內部接線座! 要砌得好，其實都要d時間度位同佈線，DIY就係咁啦，要額外心思同功夫，不過同時亦係樂趣!

等緊集齊其他部件就開工，待續 ......