我的組合: 終極品聽 經典試聽大計!

ghhf

係小弟潛水期間, 都仲保持到收睇率, 長期保持住三級火熱, 睇來小弟呢個用"銀両及血肉"錬成既私帖, 的確有番些少分量 .....

Keano

黑翼菜鳥 發表於 2017-4-17 10:08
近期我入了這架轉了會玩E88CC/6922

西裝好聽嗎?

ghhf

WOO WA33吹水感想

小弟呢排非常繁忙，品聴進程又出咗d意外，所以睇落無咁活躍，不過得閒都會繼續係私帖簡要吹吓水!

最近係論壇見到個非常醒目帖子Woo audio 出新高階 amp，係Woo Audio新旗艦全平衡膽機，WA33及其豪裝版! 小弟一直都係Woo產品用家，由WA6SE上WA22，玩到而家既WA5，Woo出新產品自然吸引小弟眼球!

有趣既係，之前吹得火熱既WA22 SE(Special Edition)無咗影，反而打出個新名號WA33，仲名正言順定位係新旗艦，特點係配對4+4膽全平衡系統，用2A3作輸出，仲有電源隔離設計! 就咁睇個勢，完全可以讓人產生唔少期待效果! 小弟自己會覺得，WA33係會有類似STAX系統既"超線性"，及非常突出"悅耳性"品聽感受。

其實Woo出WA33及咁既市場定位係非常合理! 首先市場上的確係有唔少喜愛全平衡系統用家，甚至係"無平衡不歡，無平衡不買"! 小弟無意係呢度挑起單端/平衡之間口水戰，各取所需就好! 其次係當今Woo高檔系列WA5及WA234都係單端設計，全平衡既WA33及佢既豪裝版(WA33定價近似小弟既精改版WA5+++，WA33豪裝版就係WA234價位)，似乎就係衝着要為産品系列完全配套，滿足市場各種需求!

咁如果時光可以倒流，小弟而家可以重新再決定，只能選一款，小弟會選擇WA5還是WA33? 非常明顯，WA5仍然會係小弟既不二之選! 各位聰明又關心小弟吹水文既C兄，一定知道小弟決擇背後既理念及原因! 小弟就唔再反覆重述啦!

ghhf

後補: WA5 vs WA33吹水品評

小弟話唔講又講，再來以主觀吹水品評一吓WA5及WA33! 佢地之間，小弟個人既選擇主因就係300B vs 2A3 ，因為從一開始，小弟就係衝住要聽西電WE300B而來，聽唔到WE300B，就唔會再上更高階系統!

其次就係可玩性，膽管需求方面，WA33係4+4配對，WA5只需2+2配對! 雖然個別膽管價值未必係高，但WA33對膽管技術性匹配就更有要求! 另一方面，係整流膽上，WA33只需一粒，WA5要2粒，表面睇落係WA33易玩換膽效果，其實WA5可以用唔同兩粒整流膽并接(小弟確定自己隻WA5第二版，兩粒整流膽燈絲供電，唔係初版咁簡單直接串連，已用上中間0V抽頭，而且輸出并接，基本上兩膽係獨立運作)，組合效果變化會更多，不過小弟未試，遲d試完再報告有幾大分別!

最後WA5功放及電源部件之間既外接電源線，係WA5既另一獨特設計，相對於WA33既internal coupling architecture (ICA)，小弟覺得係各有千秋，ICA可能可以比到更好既淨質量，不過外置式接線(由其是有番咁上下長度，再打個蛇餅，小弟反而覺得似乎有一種，與外界既交融, "無意識"既"自然開放"獨特氣氛，背景雜訊?!)，就方便換線，可以玩到更多效果!

至於單端及平衡設計上既分别，就反而唔係小弟既主要取捨要素! 以小弟聽過有限既單端系統WA6SE，WA5及平衡系統WA22及STAX SRM-007tII既感覺，係各有特色! 簡單既講法，係感染力方面，小弟喜歡單端既實在能量感，係悅耳性方面，小弟喜歡平衡既超線性性能!

論到外表賣相，WA5係小弟眼中，要將WA234及WA33都比下去! 係所有Woo産品，甚至係小弟見過所有其他産品，WA5係最有台型者! 小弟就係一見鍾情啦!

黑翼菜鳥

Keano 發表於 2017-5-19 21:58
西裝好聽嗎?

這機價值還是對於同廠來說是最高的.....(當試過L3000之後)

黑翼菜鳥

ghhf 發表於 2017-5-21 10:21
WOO WA33吹水感想

小弟呢排非常繁忙，品聴進程又出咗d意外，所以睇落無咁活躍，不過得閒都會繼續係私帖簡 ...

買啦,我好期待看你買新膽架~

ghhf

黑翼菜鳥 發表於 2017-5-21 21:46
買啦,我好期待看你買新膽架~

又買機?! 小弟入咗WA5同西電膽WE300B大出血之後，都仲未回復元氣!

其實小弟3套WOO+1套STAX系統，有好多組合都仲未試，淨係WA22上既6080/6AS7/5998/421A都未玩得哂，WA5亦仲係摸索起步階段!

再長遠d，入手WA33應該都唔會啦，如果中六合彩或將來有彈藥，就可能考慮再上WA234，因佢可以轉換玩2A3，300B及45輸出膽，算係小弟終極選擇! 小弟條路好清楚就係咁行了!

不過我都會不時收吓d正膽管，睇吓有冇緣玩到ecc32/ b65，銀両係一個要求，好品質品相，值得收入者，又可遇不可求!

Keano

黑翼菜鳥 發表於 2017-5-21 21:43
這機價值還是對於同廠來說是最高的.....(當試過L3000之後)

最佳拍擋是L3000?       

黑翼菜鳥

Keano 發表於 2017-5-22 16:12
最佳拍擋是L3000?

不一定不過作客了一天聽感真的很不錯

ghhf

WA5 初嘗玩死膽(二)訊號膽之死

小弟出完WA33吹水感想之後，就報告番之前WA5用4pins XLR座大功率輸出，試推AKG K-1000品聽期間既意外，付出咗惨痛玩死膽重大代價!

今次係血與汗既經歷，係小弟首次真正體驗玩死膽! 正當小弟欣賞緊KK既出衆實在感演繹之際，耳機右聲度一邊，突然聽到一陣巨大響亮又刺耳既"霹啪"爆烈聲，真係震到耳都痺，不過見唔到有火花，亦無燒燶味! 1至2秒之後，果個聲道就無咗聲! 小弟係驚訝既3幾秒之後，本能反射動作係，有理無理，第一時間係跟住幾秒內就緊急cut電，熄咗部WA5!

雖然出事期間唔夠10秒内已熄機，但以小弟既經驗，咁激烈既爆烈聲，心知不妙，應該係已有損失，問題係有幾咁嚴重! 熄機後小弟回一回神，先以自我良好出發，好彩當場唔係玩緊西電或其他珍貴名膽，又抱住僥倖心態，希望只係接線問題或插座接觸不良! 可惜最後無奇跡，真係衰咗!

小弟將WA5上既所有setting打回原形，換番原廠膽管，又轉推番HD800耳機，跟住重頭再試音。真好彩，WA5以原廠膽推HD800，完全正常，不幸中之大幸! 損失應該係可控範圍! 先肯定唔係大大鑊甘，咁小弟都定番些少!

再測試番當時既用膽， 原來真係死膽! 不過唔係死功放膽300B，亦唔係死整流膽5U4G! 偏偏就係，原本以為係最唔易死既訊號膽，死咗粒C3G! 究竟發生咩事? 待續 ......