我的組合: 終極品聽 經典試聽大計!

ghhf

jaffeinism 發表於 2018-2-24 18:01
除左羡慕同妒忌, 真係無咩野好講, 太正了!

C兄咁講，小弟又有所感。的確，小弟係有d條件方便玩嘢，不過個人能力始終有限，玩唔曬咁多正嘢。

其實自小弟幾年前中毒上癮以來，真係投入咗唔少财力同心力，心裏面亦一直有一個理念，"沒有最好的組合，沒有絶對的音質，只有感動的音韻"。所以小弟係有生之年，希望盡量聽多d唔同組合，發現更多可以感動小弟既"一體臨場"效果。

講返個場，除咗小弟個人私玩"獨樂"，其實同時希望可以亦係"同樂"既地方。小弟有繁務正業在身，星期六日先可能入場開壇玩嘢，過多幾個月，小弟擺好d嘢，到時歡迎C兄揾上門，同小弟吹水交流。

如果C兄帶埋家當上門，咁就可以試吓同小弟既系統夾一夾，一齊聽吓新火花，比小弟開下耳界。特别係可以試吓用小弟膽後級推C兄耳機，或者C兄有自己音源/ DAC可以試feed小弟膽後級，甚至係試推下小弟隻AKG K-1000耳機睇吓出咩效果。試玩其他線材及調音配件亦歡迎，總之大家盡量聽多d組合，欣賞更多唔同效果。

ghhf

小弟將Head-Fi家當搬入新場，重點中既重點就係要揾合適既收納架。所謂既合適係以堅固實用，以合理性價比為主，其次就係品味同設計。小弟無意重金入手專用防震架，寧願之後自己再DIY搞減震。

小弟睇中咗呢款橡木不鏽鋼架，唔係pro嘢亦唔係cheap嘢，設計簡約美觀，亦夠承托力，完全符合哂小弟理性及感性要求。準備先入手一個試吓，如果效果好，就會大手入多幾個唔同大小款式，作為新場主體間隔佈局。

ghhf

小弟做咗個office floor plan睇咗成個星期，經過幾番考量，決定分兩個階段，如圖裝備兩組鋼架。



兩組鋼架總共有8(5+3)個間隔，每個間隔大約有2.7呎濶，係以實際使用上便利同觀感以7字形佈局，中間放一組大枱同櫈，咁就可以同時睇到同接觸到兩組鋼架。

係實際安裝上，小弟會先上第一組5個架(其實只入3個獨立架，不過佢地合組之後，將多出既2個侧架再硑接上去就可以有5個間隔)。小弟準備1個間隔放電池補完同其他同供電有關裝備，另1個放小弟d耳機(10隻8隻排起都用咗成個架)，再來2個放WA5，WA22，WA6SE同STAX系統，最後1個間隔就係音源，DAC，MacBook及其他前級裝備。至於另一組3個間隔(2個獨立架拼合)，其中1個係作為小弟既工作枱，另外2個係擴充備用。

擺好之後，一入門口就見到正面同側面一字排開鋼架陣容，非常壯觀有氣勢!

ghhf

想更新頭版目録,小弟d章回文又未寫完,論壇而家唔可以修改舊post?! 好唔方便

ghhf

話說小弟開始係Post76論壇發積，跟住又去咗蕃鬼佬head-fi.org打咗一個白鴿轉，最後覺得係公共論壇寫章回文及系統性既品聽唔係好方便，除咗搬入玩嘢私場，吹水方面就決定以"經典試聽大計!"私Blog為最終歸宿，無論係技術上既文章管理或題材內容上既自由度都比較理想自主。

C兄或者會問，點解唔用當紅Facebook作平台? 小弟覺得佢太浮誇，對玩King of Like又無咩興趣，Blogger就比較含蓄，以內容獨特Content is King取勝，完全切合小弟既風格。

小弟會繼續係論壇吹水，不過章回及品評詳文就只會係私Blog發佈比鍾意爬文C兄參考。

ghhf

小弟繼續進駐玩嘢新場前凖備, 玩咗個私Blog一個星期, 一連落咗幾個post, 先利其器, 電源接地 , 結果好重要, 但唔係一切, 意念一到就停唔到筆, 越來越覺得Blogger真係最適合小弟呢類"口水佬" .....

ghhf

來一個有趣分享輕鬆吓，小弟係私Blog加咗個翻譯功能，可以即時將內容轉換成另一個語文。下面係"Content is King"既一個英文同日文版翻譯内容，各位C兄睇唔睇得明!?

我估英文人同日文人睇完會估到大意，不過就唔會體會到原來既神韻，小弟自已睇翻就覺得好搞笑。





原文:

ghhf

私Blog既簡潔及直接功能，特别係標籤使用上，除咗有關小弟最新行動資訊，亦準備將以往小弟係公開論壇發表咗，比較鬆散既意念及感想，再次整理組織紀錄。另外亦會建立評審表及設立一個膽管資料庫，記錄系統組合及品評感想。

ghhf

小弟剛剛出咗段文，為自己既私Blog劃龍點睛: 一切從"一體臨場"開始，再有"經典試聽"，然後生成"經典試聽大計!"，背後係一份意念同執著 ...... 全文。

ghhf

襯星期六日假期，小弟繼續優化私Blog版面及字體，提升可讀性。現有既WA5，WA22，WA6SE及STAX系統既品聽要等入咗新場先可能更新。小弟為近期一篇有關Woo Audio WA33口水文做試驗，重新組織再增加個人評論及取向WA33 vs WA234 及 WA5，上咗私Blog既效果真係不同凡響，除咗留翻比小弟將來自己回味，亦必能滿足鍾意爬文C兄毒癮!

如果時光可以倒流，小弟而家可以重新再決定，小弟會唔會選擇WA33?! ...... 全文: Woo Audio WA33感想