我的組合: 終極品聽 經典試聽大計!

cattttttttt1

Thx for sharing

ghhf

小弟既 Project Move繼續緩慢進行(龜速)，Head-Fi系統遷入未有定期，因小弟正務繁忙，未能全力投入，只能做住d週邊準備工作。小弟一向好注重安全健康，準備咗幾件物品加強人身保障...... 全文: Project Move 第八章: 安全第一

ghhf

小弟準備係私 Lab起番部 Macbook做 Head-Fi數碼音源，亦方便小弟係私 Lab時上網，睇吓論壇同寫私 blog。小弟呢部Macbook2011年入手，完全 boot唔起機。今次決定要投入些小資源同時間嚐試拯救 ...... Macbook 拯救大行動 第一章：重見天日.

ghhf

小弟部2011年入手boot唔起既Macbook幾經波拆後, 浴火重生！係Macbook重入OSX既一刻, 小弟不能自控咁要拍吓呢個畫面! 過程悲喜交集, 小弟又一次出哂三章文, 刺激吓各位C兄, 去文, 去圖 ......

Macbook 拯救大行動 第一章：重見天日
Macbook 拯救大行動 第二章：除塵散熱
Macbook 拯救大行動 第三章：浴火重生

ghhf

ghhf

基於安全及保養考慮，小弟Macbook 拯救大行動, 對內部電池(有損壞更要小心)底板拆解及安裝，如果處理或操作不當，可能會使情況更惡化，甚至發生意外危害人身安全！文章所述係小弟所處場景個別獨特情況，所有操作仍根據小弟個人經驗及價值取向決定，純屬分享，不可一概而論，小弟亦無意鼓勵C兄仿效！

最有建設性既提議係 ...... Macbook 拯救大行動 第四章：心細手巧

ghhf

SHURE SE846

利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!

特別關注:
小弟最新分享多篇有關SHURE SE846入耳式耳機配手機3.5音頻輸出既效果，係一個非常獨特個人系統組合，小弟剛剛發現自己部手機(華為Mate 20X)有特別既音頻控制功能，對輸出效果影響非常明顯，小弟所得聽感係疊加後既最終結果，只能作為概念性參考。基於各款手機軟硬件，音頻處理質素及相關設定既異同，各位如果有意仿效小弟選擇以手機音頻輸出直推SE846耳機，幾乎可以肯定會與小弟所得效果不相同，請C兄要特別注意！

小弟好耐無上論壇威，今次番上來，點可以兩手空空呢！話說小弟昨日收工之後，去咗某相熟店鋪以好價入咗隻 SHURE SE846，跟住就一路戴住聽沿途坐車返屋企 ......

延伸閱讀: SHURE SE846 - 經典之選

goodguy2

講起535, 846 , 就撩起古代陳年戰跡..

借位 show 下當年2016年 買落既戰鬥民族大耳,sony mdr-x10 , 佢係sony 大z1r , z7 之類既老母.. 無佢都未必生得後代 大z1r 之類..
x10

當年歷史, Hmv 係未執, 係有得係鋪頭拎  535, 846 黎任玩..
果期都唔係算係玩開入耳, 只係玩D 高阻650 ohm 平耳之類..  只係著重人聲密度.. 或者人聲既腔 係咪似番歌手本人..
果陣時梗係有動鐵, 一聽果下係好過癮, 女聲好似仙女下凡咁, 天堂聲咁, 因為同期亦有聽下耳牛做比對,
所以變成一個聲感, 任何耳機 人聲調音係唔得, 十秒內除低即掉, 理得佢乜旗艦..  
535, 846 , 好不幸地, 就係屬於即掉系列... 有時己經唔用女毒聲去試, 走去用 Beyond 去試,
但真係有 D 頂唔任, 果期家駒把聲聽落, 真係同平時聽開動圈耳牛既家駒既腔係好唔同, 好似變左另一個人去唱,
所以已經唔駛再講乜野, 低頻, 泛音, 齒音, 乜乜入耳主打係聽交響樂, 純樂器之類, 唔係用黎聽人聲結像 呢D多餘話..

至於線材方面, 更加唔駛講, 自己拎黎聽既, 唔換番自己條發燒線身既, (已可以萬用插0.78, mmcx 之類), 基本係覺得發揮唔到所聽耳機既單元表現..
想聽單元真聲音, 唔好拎D 長過1.5米既耳機線去聽, 有時要整多條士啤, 得0.7-0.8米既線去玩人地D 耳機耳牛..

我唔知呢期既 846 係唔係當年 hmv 年代 846 既音質, 不過以前出過文, 同 D 俾動鐵太誇張既 天堂女聲,天使女聲 聽壞左人聲聽感既,
要搵D 動圈耳牛黎聽番一個月, 改一改下聽壞左既習慣..

又抽多次水, 講番隻 上圖 sony x10, 買左番黎咁耐, 平時 D Akg , dt990, 乜都改晒平衡, 係乃低佢乜都唔改,放係一邊3.5單端食塵..
當 hifiman , akg , 拜亞, sony, 隻隻耳牛都改晒平衡後,  乃低佢覺得好衰, 結果將x10 改埋平衡..
不過要我一邊拆 23 螺絲, 兩邊共拆46粒 , 先穿到條喇叭線由左至右, 仲要用電鑽擴大少少個窿窿 玩火車損山窿, 無野化...
穿晒搞晒, 未聽前, 頂多估佢咪又係以前既聽感, 低頻彭彭彭, 人聲唔叫清, 但個腔人聲正正常常咁啦就算..
但線既傳導一好左, 已經係算係 bluemini 直出中間唔經任何線, 只係插頭內 硬線 直焊去單元咁大把,
一聽把衛蘭flac把聲, 係多左無限動圈式震音.響亮式果隻 ...(hifiman deva 平板係叫 高清高資訊量既人聲).. 再加埋 比重估6,7成以上低頻 wee wan wan , wan 出黎泛音, 簡直就似老娘發威, 教班大法子孫後代 乜野叫低頻泛音,係點博命扭住腰,震住咁黎唱.仲有老娘係食到3W 火力, 你地子孫耳牛燒單元, 都未到佢死..
市面上原裝牌子耳牛, 有一類正野音質我係用萬元級數去形容佢既音質, 至少人聲係交待得足磅夠秤, 人聲一開應該聽到上頭既就上頭.. 改左果幾隻平衡耳牛, 通通已經達到萬元級數..

所以係一眾 就算讓賽 插住bluemini藍牙下聽既耳牛, 音質已經到左破萬蚊級數,  真係呢期唔多有心機去聽 入耳之類至..

sony x10 既源起, sony x10 既收圓..  

講多下 hifiman deva 平板, 換線後, 人聲係頭頂上左右延伸更闊, 不過係低頻係唔會有動圈果隻凝聚力 拉番人聲落黎,
用 別問我是誰 sacd 去播. 人聲好似都幾天堂廣播,  唔"似"一個真人企係你面前唱歌果種結像法.. 但係平板既資訊量,幼細度,就真係Hires無得輸啦.

以人聲密度做起點, 之後玩下hires snr 128dB 高清超清, 又跟住走番去 人聲密度做收圚..


............
............


又發up風記下之前玩過乜..

膽機耳放
金寶線,
運放, 雙層pcb無假冒運放
無源前級 平衡變平衡/單端 , 清除數碼聲, 硬聲, 乾聲
地盒
煲線機
耳牛改平衡
耳牛換頭樑線
西電線,草繩線
300B膽機做耳擴,
任何後級speaker out 可以做耳擴連接耳機
小黑燒金磚rom
跟kann cube 5pin mini xlr 轉插 , 玩mimi xlr插 (Ak connect 少用)
es9038pro, 4497, 4499, 旗艦玩過
細z1r 玩過
便攜DAP 聽hires snr 有128dB
便攜DAP 推hifiman 平板耳牛
bluemini 推幾隻平衡耳牛
出街DAP 可用轉換插 接駁任何3.5,2.5,6.35,4.4 4pin大xlr, 5pin細xlr 耳機
音叉

ghhf

goodguy2 發表於 2020-6-23 00:33
講起535, 846 , 就撩起古代陳年戰跡..

借位 show 下當年2016年 買落既戰鬥民族大耳,sony mdr-x10 , 佢係s ...

小弟對SE846經驗尚淺，歡迎公開分享討論。

ghhf

goodguy2兄既回帖提到SE846，勾起小弟一點回想。當年小弟係坊間收到既資訊係，SHURE產品人聲方面表現出色，不過同時有意見話係“精染”，小弟當年未有親身品聽過，所以都無從評論。

就今日小弟第一感有限既體驗，未覺得自己隻SE846有明顯既“精染”味道，人聲部份比小弟既RHA T20係輕鬆咗，但又不失密度。事實上，係其他方面，SE846表現都比較自然。

其實SE846自出廠以來，唔排除已經有多次調整版本，所以今日小弟呢隻同goodguy2兄，甚至當年推出既第一版會有不同體驗，係不足為奇。小弟遲多一段時間，會繼續分享品聽體驗既部分，對SHURE846有興趣C兄，請留意。