我的組合: 終極品聽經典試聽大計!

eric_explorer · 發表於 2017-2-14 15:49

恭喜修成正果

ghhf · 發表於 2017-2-18 13:33

本帖最後由 ghhf 於 2017-2-18 13:39 編輯

正果都要有綠葉扶持, 小弟出動埋多年收藏既經典整流舊膽, Globe WE274A, Engraved WE274B, Marconi 5U4B/ U52及GEC 5U4B/ U52, 一齊會一會WE300B, 可算極品配極品, 咁既陣形同實力, 真係一時無兩 .....

ghhf · 發表於 2017-2-22 17:52

本帖最後由 ghhf 於 2017-2-22 20:05 編輯

小弟繼續不停玩嘢，WA5開箱以來，翻轉又翻轉咗佢大大話話4至5次，今次就將WA5由原裝4腳變成3腳，用咗之前入咗既木粒，贴埋厚身雙面膠紙同吸震膠粒，經過一輪度位盤算，係無須改動WA5原裝部件大前题下，終算選好位置，以1+2既品字佈局，承托住機身後半部份既沉種變壓器!

貼好翻轉再上返車仔，非常穩定平衡(3腳比4腳真係更穩，因全部腳落地)，㡳盤升高咗成寸有多，對流散熱效果會更好，而且木粒腳睇落又好靚仔，又一次好襯黑色WA5配搭! 緊接又係開機品聽既時間，睇吓效果係咪又再正d!

出完文剛剛聽咗30分鐘, 真係明顯甜美咗聽到更多音韻! 更爆炸性動態! 又有升咗級既感覺! 平靚超正!

ghhf · 發表於 2017-2-26 14:53

本帖最後由 ghhf 於 2017-2-26 14:58 編輯

有關注小弟呢個私帖既C兄就知, 小弟除咗成曰口沫橫飛之外, 最鍾意既就係曬膽!

近排天氣反常, 成曰凍冰冰咁, 小弟係開始品聽WE300B時, 不忘記錄, 出D正圖曬膽, 係寒流襲港曰子, 自娛之外, 亦以毒制冷, 刺激醒一醒吓各位C兄.

呢組係60年代膽, 雙D集NOS級, 品相算係唔錯, 小弟先聽幾節攞個感覺, 遲d就會詳聽對比50年代D集版, C兄繼續留意住Tube Register及Impression Register!

webuy · 發表於 2017-3-3 05:40

ghhf 發表於 2016-6-2 20:55
HD600 開箱與品聽

唔通HD600真係的傳說,正如C兄話, 旗艦已經係在乎選味道, 已經好難再有絕對的好和不好

ghhf · 發表於 2017-3-4 07:36

本帖最後由 ghhf 於 2017-3-5 12:52 編輯

webuy 發表於 2017-3-3 05:40
唔通HD600真係的傳說,正如C兄話, 旗艦已經係在乎選味道, 已經好難再有絕對的好和不好 ...

似乎真係有唔少C兄關注小弟篇HD600文章, 其實每個人耳物理結構音頻敏感度, 心智成像感亦唔同, 受體(聽者)本身就存在個體不完美獨特"失真", 根本就無一個"絕對標準"完全最好適合所有人, 有既只可能係由儀標聽出來, 零點零零零零零 ..... 幾 ..... 既"失真率"技術標準, 被吹虛作為"絕對標準", 而家係儀器聽音樂定係人聽音樂?! 係本末倒置, 極度忽悠搞笑

ghhf · 發表於 2017-3-5 17:22

本帖最後由 ghhf 於 2017-3-5 19:25 編輯

小弟又再曬膽?! 無錯，不過今次其實唔係開箱，係入返箱，呢組係另一對西電WE300B，同樣係1950年代左右，D集出廠期分别印住222及230，更特別係有USN-CW字樣，應該係軍用版本。雖然出廠期唔配對，呢對一樣係NOS級，有比較明顯使用過痕跡! 係實際品聽效果方面，呢對係最"開聲"既一組，似乎應該有返一定閱歷!

小弟自WA5開箱2個月以來，第一個月係品聽原廠膽管作為系統熱身，第二個月就開始品聽西電組合，並係WA5上作初步換膽，對比西電膽與原廠膽體驗效果，及進一步了解功率，訊號及整流膽係WA5平台上既敏感度。小弟而家將各組西電WE300B入返箱，即係表示巳有階段性結果! 咁小弟得到咩階段性結果呢?! 係WA5開箱2個月之後，聽埋西電膽終極組合，先出真正品評，就係貫徹小弟作風，要比出真正耳聽為實既個人感受!

小弟將係跟住幾星期重組刻咗係腦海中既體驗，會係本港台首先發報! 小弟已經心中有數，用最洽當既描述，比出實質評論，保證劇毒無比，見血封喉! C兄如果無膽，就唔好繼續偷睇落去啦!

預告: 西電WE300B/ WE274A/ TSRP終極組合，的確係不同凡響，小弟已確認咗係"一體臨場"效果 .....

eric_explorer · 發表於 2017-3-5 18:52

唔知有無師兄五推薦 $5000 及 $10000 內耳擴呢？用緊HD600 就算升級耳機都好大機會喺 HD800

ghhf · 發表於 2017-3-8 10:42

本帖最後由 ghhf 於 2017-3-8 10:51 編輯

eric_explorer 發表於 2017-3-5 18:52
唔知有無師兄五推薦 $5000 及 $10000 內耳擴呢？用緊HD600 就算升級耳機都好大機會喺 HD800 ...

就C兄既個問題，小弟個人覺得最少有兩個方面可以考量。首先係HD600同HD800，小弟認為唔係一個升級關係，小弟既觀點係HD600文章中有詳細分享。

另外小弟亦唔讃同單純以售價高低論檔次，咁當然，又平又靚就真係少，有待C兄去發掘! 就HD600而言，質感及設計好明顯同HD800係無得比，但音頻性能小弟覺得係各有千秋，單就耳機售價論英雄，就太過片面。

始終都係果句，唔係儀器聽音樂，唔係路人甲乙丙聽音樂，更唔係咩咩大師呀，金銀耳朶聽音樂! 而家係你自己聽音樂，耳聽為實，先係不敗正道!

ghhf · 發表於 2017-3-11 11:39

本帖最後由 ghhf 於 2017-3-12 10:05 編輯

WA5用電特性

免責聲明:
所有有關電源及連線改動, 仍小弟跟據個人經驗實踐行為, 改動及連線有一定風險, 不當處理可能會損壞相關器材, 及違反原廠保養條款, 甚至危及人身安全. 小弟無意鼓勵其他C兄模仿, 小弟亦不負責模仿後產生既任何後果同損失.

小弟今日用咗少少力，剪咗一條13A黑色電源線，DIY咗個簡單AC接座，目的係要測度一吓WA5既AC用電特性。係AC 220V電壓下，錄得4個電流讀數，分別係開機起始，預熱倒數完結之前，剛預熱倒數完結之後及WA5行定幾分鐘之後。小弟亦係無開啟WA5電源之下，將地線(黃綠)/ 中線(藍色)斷開，驗證小弟係WA5上發現既一d現象。

今日總算解開咗小弟心中一d問題，呢d資訊其實好重要下，亦代表小弟應該為WA5既供電部分做些少優化! 下一節再講詳情，去圖 .....