我的組合: 終極品聽 經典試聽大計!

ghhf

呢對係獨立單聲道式設計既WA5，賣家話係WA234既前身樣版機! 可以肯定呢對嘢當年造價應該唔係少嘢，小弟認同賣家說法佢係好獨特，標價USD3,000仲有價講的確算係好吸引吓!

賣家話自己聽得唔多，有d可惜，又話佢應該有一個更懂得欣賞佢既歸宿咁話! 小弟個人非常同意，可惜小弟巳入自己既WA5，而且小弟亦偏好原版設計多於獨立聲道，加上财力有限，所以小弟只會欣賞，而無心佔有! 不過小弟真心希望佢會有一個好歸宿，出呢段文幫佢推一推!

有興趣C兄可以上ebay行一轉，睇吓呢個bid! 小弟亦引賣家對貨品描述作日後參考:

ghhf

唔記得提, 呢對嘢淨係有4同8歐姆喇叭輸出, 不過可以跟圖自己加裝個外置耳機轉接器, 要靚仔既就緊係送番Woo官方再加獨立耳機輸出!

ghhf

小弟對呢對單道式設計系統咁有興趣，係因為如果早d見到又未入WA5，小弟可能會去馬入咗佢地，話哂只係全新WA5既一半價錢，又咁新淨。雖然無獨立耳機輸出，但正正可以比小弟過吓手癮，DIY個轉換器出XLR同6.3頭，仲可以再玩埋輸出線! 另外亦可能加多隻Woo WEE推玩埋STAX靜電耳機! 唔知新用家想點玩法，有機會小弟其實都想同佢交流吓!

講番小弟自己隻WA5，由於要求加料升級，原本兩星期交貨而家變咗要成個月，如無意外聖誕節前WA5就到手啦! 好多年都無收過咁正既聖誕禮物! 收到貨第一件事係開箱，再開殼睇埋內部配件，C兄準備好等睇最新鮮WA5全相寫真集，小心口水鼻血一齊來!

ghhf

無聖誕禮物 變新年禮物!

又有最新消息，小弟隻WA5已經完工! 不過要多少少時間執正條3呎特制DC電源線，據說個look係好靚仔咁話! 另外又透露咗小弟隻WA5試配上某大廠最新版精制既300B及274B，效果讓人興奮! 以乎係预期中事，但應該係有對比既意味，暗示小弟隻特別版WA5真係正一籌!

至於邊間大廠膽就唔出聲講啦，話哂唔係小弟自己既耳聽為實，玩新膽係來日方長，小弟亦傾向唔玩新膽住，先依原來計劃詳品咗西電WE 300B配WE 274A呢組經典組合，然後先再對比現代膽效果!

最少要多一星期先收得貨，所以聖誕禮物就無收唔到啦，即係最新期望係變新年禮物! 有進度好過無消息，不過小弟又要等多七日，真係望穿秋水，日子難挨!

ghhf

WA5 開箱與品聽 - 第零章

利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!

免責聲明:
所有有關電源及連線改動, 仍小弟跟據個人經驗實踐行為, 改動及連線有一定風險, 不當處理可能會損壞相關器材, 及違反原廠保養條款, 甚至危及人身安全. 小弟無意鼓勵其他C兄模仿, 小弟亦不負責模仿後產生既任何後果同損失.

先要向C兄道歉，因為又被小弟忽悠咗(要追上潮流，而家興用"忽悠"依個詞)，C兄一場入到來先唔好咁興奮緊張，小弟仲未收到WA5，不過已經係運貨途中，進入最後倒數階段，剩番幾日，2017新年前會到手!

小弟先開定個位，佈署一吓，成個WA5開箱與品聽文，肯定又會係小弟另一吹水力作，估算為期都要一年半載，預告做定個章節大綱，比d良好預期各位C兄! C兄如果未睇前傳，可以先到PROJECT WA5 膽皇機 現世及PROJECT WA5 正式啟動熱吓身，重温食住前菜，過幾曰再上主菜就更開胃食得更有味道!

全文章節如下: (歡迎C兄提議其他品聽重點)

第一章 開箱全相寫真圖集
第二章 原廠初聽第一感
第三章 耳機群效果對戰
第四章 換膽遊戲與挑戰
第五章 WE300B經典組合
第六章 終極完全體變身
第七章 WA家族兄弟對決
第八章 尋找"一體臨場"
第九章 總結
第十章 後記

ghhf

留位 .....

ghhf

留位 .....

ghhf

留位 .....

ghhf

留位 .....

ghhf

留位 .....