我的組合: 終極品聽經典試聽大計!

ghhf · 發表於 2016-12-26 12:55

留位 .....

ghhf · 發表於 2016-12-28 14:22

本帖最後由 ghhf 於 2016-12-28 14:23 編輯

ghhf 發表於 2016-12-15 14:32
Woo Audio Custom-made 300B Mono-block Tube Amplifiers

小弟最近係ebay發現呢隻WA5，忍唔住要下載d圖吹 ...

今日番睇ebay，呢對單道WA5已經有咗新主人，真係可喜可賀，正嘢應該要落係好人家手上

ghhf · 發表於 2016-12-31 10:37

本帖最後由 ghhf 於 2016-12-31 20:08 編輯

又來最新最新消息同索爆靚相，小弟條嘢(WA5專用DC電源線)已經完工，金光閃閃，真係索! 配上黑色WA5，形成强烈對比，非常搶眼，未聽就已被刺激腦放先興奮!

佢有形有款，但係更實際，收到既信息係，用多咗時間精制既呢條3呎單晶銅線(Single crystal copper)，明顯地進一步釋放咗空間感，清晰度及分析力咁話! 小弟自已既感想都係認為，效果係有一定程度既提升(小弟個人既感受就好似係一種淨化既效果)，不過最終都係要以自己耳聽為實為依歸，C兄等睇小弟既開箱報告!

至於送貨期，1月3日先可以出貨，咁小弟可能都要去到1月第2個星期先收到貨! 投資加料，一等再等，收到好嘢都係值得既! 睇住小弟隻WA5+++個屁屁同索爆DC線，先望梅止渴，去圖 .....

ghhf · 發表於 2017-1-2 13:15

本帖最後由 ghhf 於 2017-1-2 19:11 編輯

2016年尾新鮮出爐 WA5 評論與實測!

小弟部WA5真係仲要成個星期先有機會到手，數日子既時間真係好漫長! 踏入2017年，先同各位C兄拜年，入得來小弟呢個帖既，一定唔係善男信女，所以小弟又凖備咗d好嘢招呼C兄，又同C兄一齊食住花生，解吓悶先!

話說2016年年尾新鮮出爐，由專業既評審人寫既一篇WA5評測文，內容相當豐富詳盡吓! 呢篇文一出就係Head-Fi.org論壇個Woo用家專帖上引起一陣熱論! 事源有位有心C兄踩場(似乎唔係Woo用家)贴咗條link上去個帖，果部份係對WA5各項技術指標既實测結果，唔係好讓人滿意! 重點d講，係低輸出高失真，特别係喇叭輸出端既失真率及對應功率輸出既關係，同官方指標相差甚遠咁話!

小弟好奇入去睇咗評测文，覺得基本上又係同一個老問題，又再翻抄出來熱論一番，出埋"Why Tubes Sound Better"，結果最後又會係各取所需，各自精彩。小弟忍唔住手痕都係Head-Fi.org搭咗個嘴簡述咗個人觀點。

首先對於一款市場上已係成熟既產品(而家係WA5 V2版)，小弟傾向覺得唔係設計及質量問題。玩技術性测驗值，其實同個別膽管質量及特性表现有好大關聯，如果要客觀d，最好换多一兩組唔同膽管作對比，同時再對比其他市場同級產品測試結果。又原廠配膽一般都唔會寄于厚望，呢個又係普遍共識!

另外小弟個人既理念，一向對"失真率"呢個數字，無咩特殊偏好，因為佢係鷄肋! 小弟更重視既係"傳神率"! 係咪似曾相識? C兄可以重温小弟前文相關展述"失真率反思低失真? 高傳真? 無咁簡單!"