「天下無難事，只怕有心人」——Parco家訪體驗

Parco

伏喱哩 發表於 2014-5-15 17:11
咁既聆聽環境好難作出中肯比較.
至少我唔覺你可以聽到一個音場.
應該比較平面.而且飛唔離對喇叭. ...

我係另一個 post 度答左你，因為係 mon，箱後無聲，無野要靠後牆反射，所以音場同後牆無關，否則 studio 果D無響 control room 就唔使聽音場？

其實如果你真係有懷疑的話，與其係度用把口估估下，不如你又自己親自上來聽下實證下好過啦，隨時歡迎你又上來舍下處家訪

伏喱哩

Parco 發表於 2014-5-15 18:51
我係另一個 post 度答左你，因為係 mon，箱後無聲，無野要靠後牆反射，所以音場同後牆無關，否則 studio  ...

STUDIO重來唔講音場.祗求有聲出.而且要求中性.
我地而家係數碼時代聽到既音場.好大情度係混音條友通過SOFTWARE搞出來.

felix430

Parco 發表於 2014-5-15 00:51
哦，咁剪走條 power wire 都係個好辦法，不過最好唔好剪埋條 ground wire。不過有D機，尤其係專業機，佢 ...

IRQ方面小弟真的不懂，要請教師兄。我係system information見到係咁樣：

我電腦要用USB既只有mouse同keyboard，有時會插電話叉電同sync。
照張圖咁寫，只有USB用IRQ 16同23？所以只有mouse、keyboard同DAC共用哩2個IRQ？
定係仲有野要set？

火牛係用手提電腦果種火牛，Delta牛，有19V，4.74A，計過係90W。
我部腦用的又係手提電腦硬件(i3-3120M、SODIMM、HM76 chipset等等)，
我手上無wattmeter，唔知90W得唔得？不過Delta牛應該都ok呱？

Parco

伏喱哩 發表於 2014-5-15 19:03
STUDIO重來唔講音場.祗求有聲出.而且要求中性.
我地而家係數碼時代聽到既音場.好大情度係混音條友通過SOF ...

你大爺份人認真幽默，如果 studio mon 係聽唔到音場的話，咁我地憑乜來決定落幾多 stereo imager? 例如點衡量 100 Hz 以下音場 -50%, 5kHz 以下 +20%, 5kHz 以上 +10%? 仲憑咩來決定點 set 呢一舊 reverb? http://www.2caudio.com/products/aether
唔止要聽到音場同中性，仲要要求無 filter, 無加味，低失真，高 damping，對 SNR, dynamic range, THD, TIM/IMD 等都有好高要求，100Hz damping factor 低過 200 的絕對唔做得 mon, 唔好講話唔入得 studio 門口，連做 PA 都無資格。
最重要係要聽得夠準確，可以靠聽佢來做微量校對，分析力還原度可靠。
只係 studio mon 只有向前指向性，無十足 toe in 係永遠無法有十足音場可聽，而且要聽得到十足音場的位置就只有單丁 sweet spot (皇帝位) 果一點。

其實老兄你到底有無真係去過真的 studio 的 control room 然後坐正係佢個 console 椅前面聽清楚音場？未真係坐過果個位聽過就乜都唔使講啦

仲有你都要分清楚 PA mon 同 studio 的 reference mon, 而 studio 仲有分 near field 的細 mon 同 far/mid field 的大 mon，全部所有都唔同聲唔同功用，當中以 mid/far mon 既聲最準確。

mon 無音場聽? 哈哈哈哈哈哈哈，老友你真係好識講笑，哈哈哈哈哈哈哈哈哈哈........

定其實唔通你意思係指你懷疑 Bomb dance 兄係講大話定係唔識聽？

改變音場用既 imager effect 唔一定只有 software 先做到，以前 黑膠年代就已經有 analog 的 imager 機架啦，唔好以為係咩新科技，以前 analog 果時就已經有。的確好大部份流行音樂的音場都係用 imager 改出來，包括以前的貓王，披頭四同 beegees 黑膠，不過唔好以為用 Neumann mic 做的 mic array 就錄唔到音場出來

Parco

felix430 發表於 2014-5-15 21:14
IRQ方面小弟真的不懂，要請教師兄。我係system information見到係咁樣：

我電腦要用USB既只有mouse同key ...

首先 IRQ number 係只會跟你的 USB port/host，而唔係跟你插緊落 usb port 度的 devices, 1394 既情況亦係一樣

我睇呢個畫面就好似只係睇到一部份，拉落去唔知仲有無其他 USB devices 可以睇到，不如師兄你全選晒咁多行 IRQ 然後再複製貼俾我，

同埋因為 USB 頭太多，如果要搵邊個 USB host 的話，恐怕要進行複雜的 hardware path 追蹤，過程比較繁複，希望你會有耐性：
入裝置管理員，通用序列匯流排控制器，睇下有邊一個 Generic USB Hub 的內容入面，係 "電源" 既果一頁之中有你果部 sound device。
搵到的話，click 入隔離佢詳細資料既果一頁度，搵 "位置路徑"，然後你會搵到有一行寫住類似 "PCIROOT(0)#PCI(1D00)#USBROOT(0)#USB(1)" 咁既字，當中你必須記低 "#PCI" 括號入面既果個四位十六進位號碼，就好似係呢度既果個 "1D00" 既咁。
然後再逐個 Intel 7 series/C216 Series Chipset family USB Enhanced Host Controller click 入佢內容入面，又係返佢個詳細資料既果頁度搵 "位置路徑"，睇下有無相同一樣的 #PCI() 四位十六進位號碼，如果有的話，果一個 controller 就係插住你部 sound device 的 USB controller，咁你就可以 clock 去隔離 "資源" 既果一頁度搵佢既 IRQ。


你的 USB sound device 最好唔好同其他 USB device 插埋落係同一個 Generic USB Hub 度，尤其係你既 mouse同keyboard，而且插住你部 sound device 的 USB controller 最好唔好同其他 hardwares share 同一個 IRQ number，否則以上是旦衰一樣的話，你的聲已經可以打折扣。

IRQ 係無得你自己手動修改打落去的，因為係你 BIOS 認你件 hardware 時你 BIOS 就決定左，要更改 IRQ 唯一的辦法就係拔除果件 USB controller 再插過落第二條 PCI/PCIe 槽度重新認過，不過你所使用的係 onboard USB，根本無可能咁做。



下？  火牛得 90w 咁細？
緊係唔夠電話，一部電腦得一隻 harddisk 一個 CD rom 一把 CPU 風扇就算無任何 PCI/PCIe card 都好，佢既最高持續用電量都一定唔會止 150w，即使我呢D sandy bridge tower 機都一定有 200w，何況你果部仲要係 ivy bridge 莫再講話需要預留幾倍供電量
唔怪之你會話夜晚你部電腦先會有特別靚電啦，你部機買左有幾耐? 得 90w 牛可以挨到而家都真係一件神蹟
不過唔知你部 macro 機，唔知個用電量會唔會稍為低少少? 不過一定唔會低得好多
delta 牛我細佬用過，唔使三年就開始作死。同埋你D hardware 質埋係呢個咁狹小的空間裡面，散熱唔知會唔會成問題，不過可以肯定如果萬一不幸有其中一件 hardware 釘蓋的話，要換 hardware 都會係一件相當艱鉅龐大的世紀工程

伏喱哩

Parco 發表於 2014-5-15 21:34
你大爺份人認真幽默，如果 studio mon 係聽唔到音場的話，咁我地憑乜來決定落幾多 stereo imager? 例如點 ...

唔止要聽到音場同中性，仲要要求無 filter, 無加味，低失真，高 damping，對 SNR, dynamic range, THD, TIM/IMD 等都有好高要求，100Hz damping factor 低過 200 的絕對唔做得 mon, 唔好講話唔入得 studio 門口，連做 PA 都無資格。
最重要係要聽得夠準確，可以靠聽佢來做微量校對，分析力還原度可靠。
只係 studio mon 只有向前指向性，無十足 toe in 係永遠無法有十足音場可聽，而且要聽得到十足音場的位置就只有單丁 sweet spot (皇帝位) 果一點。

你到底係度講喇叭定器材.
唔好亂搬數字以為可以大到人.
TIM=?.喇叭有咩

伏喱哩

Parco 發表於 2014-5-15 18:51
我係另一個 post 度答左你，因為係 mon，箱後無聲，無野要靠後牆反射，所以音場同後牆無關，否則 studio  ...

無響 control room尐牆用晒吸音物料架.你識唔識架.
你屋企有咩?

仲有.你有冇用過或拆開過"專業錄音器材"架.尐零件以揩花友目光計.
絕對係CHEAP到震.大量4558用係MIC放大.

Parco

伏喱哩 發表於 2014-5-16 09:21
唔止要聽到音場同中性，仲要要求無 filter, 無加味，低失真，高 damping，對 SNR, dynamic range, THD, T ...

點解無？你估對對 passive 既都會有咁快反應咩？機用 signal 去度，speakers 用 measurement mic (測量儀器用 mic, 非錄音 mic 同表演 mic) 係一間無響隔音房內去度，一樣都係入返落同一套系統度做測試

否則點會有咁多 speakers 度到 THD 寫出來？一樣都係咁度，點樣亂搬？唔怕挖爛塊面，你估下係示波器上面 hifi 既 signal generator 結果會靚D？定係  mon？真係講到出口你就完全無落台階架啦喎

仲有從來係 mon 定民用唔止淨係睇對喇叭，所以你無見過我只講喇叭，我淨係會用全個 "系統" 來講，因為你只有 passive mon, 你無 mon 後級，mon 前級 (通常都係指 mixer, da 自己本身或者 monitor controller)，mon AD/DA，你一樣都係唔會出得到 mon 既聲。唔好以為咁天真淨係一對 passive mon 就可以有 mon 聲作評論

rayhei

有問題想請教
點解家用要整套mon機 你聽既file係完全無汁過既錄音？
(Post76 Android 手機版送出)

Parco

伏喱哩 發表於 2014-5-16 11:15
無響 control room尐牆用晒吸音物料架.你識唔識架.
你屋企有咩?

無響 control room尐牆用晒吸音物料架.你識唔識架.
你屋企有咩?

無響 control room 就緊係會用晒所有吸音物料啦，你都傻既，真係勁果D studio，我以前同 Tony 做同事果陣，佢地果間 studio 既無響直頭係 "廣闊無邊宇宙空間"，任你點打鑼打鼓所有聲都係一去無回頭，嗌救命都係唔會有人聽到你 我同 Tony 仲識得一種好少人知的秘方方法可以又平又靚做吸音，我真係唔信邪測試過同果D四吋厚防火吸音雞蛋棉去對比過吸音程度，連塊雞蛋棉都輸，防火程度尚可以通過得到消防處標準，但價錢實惠，不過我係唔會係度同你講係邊樣野，因為某程度上呢一樣野係我地既商業秘密

我屋企有無? 當然無，我無話過絕對無反射喎，不過 mon 系統的特性就係出聲有指向性，箱背後係無聲的，後牆同側牆吸唔吸個分別根本好細，因為D聲都唔會打到落去左右同後面，唔可以講係絕對無反射，不過你用任何民用系統係我屋度播都係唔會做得返同我而家一樣乾淨清晰的音場，你諗下，我甚至連 tim sir 放係兩箱之間的果一塊散音板都唔使用，我都做到呢種程度的聲。

仲有你仲未答我喎，唔好叉開話題，一句到尾，你係唔係真係好懷疑阿 Bomb Dance 師兄：http://post76.hk/home.php?mod=space&uid=76611，佢話佢上來所聽到既野係吹水作大、撞聾定係佢根本都唔識聽野先？

仲有.你有冇用過或拆開過"專業錄音器材"架.尐零件以揩花友目光計.
絕對係CHEAP到震.大量4558用係MIC放大

好正常，拆得多過你拆信封，你又係金錢幫咁好似 BombDance 咁睇樣做人，所以你咪聽親都跌眼鏡囉。你估淨係識得用錢扔人買料就好識做機？唔怪之果D大陸果D山寨返來果D又話加晒靚料靚補品求其有幅線路圖咁砌埋又話係貴氣補品機咁出去昆人水，點知一開機就.......

唔好講話一般 pro 貨，即使係 Tony 而家開工用緊果一部廿幾萬的果一部英國 mixer，都只係用緊你講類似果粒不過係 5 字頭既貨色，就算係高級去到超過 HK$726000 的一台英國 SSL AWS 948S，入面其實都係用緊好多粒 5 字頭果D做放大架咋。雖然靚料的確係有佢既價值作用，不過你以為只有靚料先做到靚聲，睇死呢一粒一定做唔到近榜既聲？哈哈，咁你真係識玩音響都有限

你成日鍾意尊崇你D hifi 而想盡力踩低 pro 機嘛，咁我就用 tim sir 果一部 hifi 做例子，佢果部 Jeff Rowland 後級 http://jeffrowlandgroup.com/us/a ... ereo-amplifier.html，HK$220000 的 Class D，不過做出來的聲同 AB 機你係好難分得出，好多呢個壇的大哥們都上過去聽過都讚嘆不已，你覺得要有咁靚聲完全唯一只能係因為有咁既靚料先可以做到同一樣的靚聲嗎？不過生產呢一部機的主組件板的果一間廠唔止淨係供貨俾 JR，仲有好多貨流左出來俾好多發燒友手上，咁又如何？之前已經係 tim sir 屋企開過武林大會啦，有人用返同一間廠同一組零件，無得呃啦？再用自己方法砌返D接線，接頭，機殼同電源俾佢，造到出來，計過條數賣返去出只係賣 $90000 就有賺，用同一間廠同一批貨色拆貨出來架喎，你唔可以話佢唔係用緊靚料或者唔同料喎。咁又如何？一樣咁既料，點知一開聲，輸到佢地自己根本都唔好意思開聲講 料一樣 "名貴"，結果衰聲過 tim sir 果部幾條街，你唔順超你咪又可以自己親自搵上門 book tim sir 同佢決一死戰囉，人地老人家好開通好 open mind 永遠唔怕你搞搞震 http://post76.hk/home.php?mod=space&uid=34198 只係驚你會輸到接受唔到，係佢果度咁高跳左落去街度就唔好啦，佢屋企望落街都幾係野架   你估人地果十幾萬係白賺你既？

你知唔知點解一樣既 "廢料" 人地歐洲廠可以做到呢種聲出來，不過你遠遠都做唔到？你連車邊都捉唔實！ 你以為音響中佔最大份的成本係果D電路用料？哈哈，this is why china never can make good hifi with this logic，例如你話我粒 4558 係 cheap 野，咁你知唔知即使係 IC，每一粒都有個誤差率，一部生產機 set 好左要整咁既規格既貨色出來但其實唔係粒粒整出來都真係一模一樣，你有無試過用D西德製儀器去 check 過你D電阻同電容，係咪每一粒都如佢粒野上高所寫住 exactly 咁既參數？你肯定真係連 1% 既出入都無？電容既出入少過 20% 都已經算係好有良心了 你知唔知人地D機可以賣到咁貴賺你咁多可以用 CHEAP 貨整出靚聲出來？因為人地大部份成本都係去左人工，技術，設計同篩選匹配果度，你唔係咁天真以為料可以唔使配過對過就可以求其岩位就焊落去？咁我真係絕對唔想聽你果部垃圾，咪搞我，我唔想聽果D鴛鴦聽聽壞我對耳膜 ，你知唔知越係靚聲既機，花漫長時間要逐粒度，係幾多粒 IC, 電阻同電容裡面先能揀到一堆匹配的？即使係 Tony 自己人手揀，至少都要係每三四十粒電容裡面先揀到一粒誤差唔超過 5% 的水塘出來！我果部 HH 的八支 BHC 都係咁揀出來 你知唔知為左要匹配你果堆幾十銀的 CHEAP IC 出來，淨係揀料既人工都絕對唔止幾百銀。仲有設計，調較，大量都係人工開支，靚既歐洲機可以揀配到連 1% 都無。你認為果D貴價既德國機大部份成本都只係因為靚料嗎？七成成本都係人工！你無聽過德國佬調校部機可以準到執著完美到連 0.0001 既分毫都不差嗎？呢度已經佔左成部機既一半錢
講 tim sir 果部，你知唔知佢果部淨係個不鏽鋼機殼都起碼唔止三萬銀，仲有佢個龐大超強電源，仲未計天文數字的揀料人工，設計人工，調校人工，慢慢鬥木咁鬥出來，你真係痴到以為用部九皮既一模一樣料就可以砌得低佢果部原廠機？

講返 pro 機，你以為 pro 機用呢D料所以聲會好衰？因為通常 hifi 係比 pro 機用技術上比較前衛，pro 機用野係最保守，舊款野唔緊要，最緊要係要平均，容易匹配，穩陣同埋長壽。用呢一類 IC 係因為佢最少出錯既機會，唔係唔諗住用，而係未敢用住，pro 野係要用來開工，唔可以有任何差錯，幾大都緊係用左你地呢班屎忽痕過痕身銀行既民間發燒友來做左白老鼠先，試左有返咁上下年期確定穩穩陣陣無乜意外，Pro 機先會稍為夠膽用下，正如 Teac 同 Tascam 係同一間公司的分公司，不過 Tascam 永遠只會遲好多先敢使用 Teac 用緊既技術，知唔知點解 AV bridge 出左咁多年 RME 都仲未敢用？上世紀就已經開始有 USB sound card，點解要去到咁多年之後先開始有 USB pro audio interface? 不過問題係用呢D咁 Cheap 既舊技術都係以砌得低D貴料既 hifi 機，就係因為 pro 機投放係 揀料配對，設計，調校呢D人工既錢仲多過D料錢多好多倍，D機係調校到比同級的 hifi 機完美好多，你搵任何同級 hifi 機都好難砌得低佢，所以點解 BD 係度聽先會咁驚訝 同埋亦表示一樣野：要服待得 pro 器材好聽，必須要有比一般 hifi 更好的音源，pro 機係好難服待，聲音太清楚，會盡情暴露晒你音源的缺點出來，所以如果你用緊部係 hifi 度播得好聽既音源拿去我度播，可能連你自己都唔信你自己部野會有D咁既聲 呢個亦係點解 bomb dance 會估唔到自己隻日本碟可以咁樣衰既原因，用一隻德國碟就可以輕易比下去。料 cheap 唔代表佢聲 cheap，分分鐘有可能你部機仲 cheap 聽過我

仲有如果你要計 pro 機既高價靚野，唔好講話錄音室入面果D ATC, Genelec, studer, 淨係先計場地用的 PA monitors, 睇怕呢一套 A 記租俾亞視大廠用的德國 Coda 系統一開聲，你屋企果堆野全部都可以早抖收工







何況佢地都仲未出到佢地套 "櫪嫂" 系統，呢套野係佢地現場度聽，連你坐緊既果張凳都變埋做喇叭 CHEAP 野？你都係自己返屋企玩你自己果D CHEAP 野算罷啦
以揩花友目光計？係數字台我都咁講，都唔伯係度順便同你挖爛塊面來講，hifi 友眼光？你係指傻仔眼光？hifi 友當中既傻仔其實真係可以排條隊上木星都得 (當然唔係指全部啦)，眼光？你係指果D將原本一件賣二千銀又無高無低，除左人聲之外就一無是處，又低效率，又高阻，又食唔起大 power，又鬼咁易就拍晒邊的垃圾 LS3/5A 可以戇戇居居炒到萬銀的果一班白痴仔的眼光？
老實講果兩件咁既爛木，就算你唔使錢送俾我我都嫌佢阻地方，如果唔係用來聽只係要純綷用來當件貨咁炒的話，我都寧願炒金都好炒過呢件音響垃圾啦
hifi 友既眼光你就真係可以收得工啦，哈哈哈哈哈哈哈哈哈哈哈哈哈哈哈.............