MCU十三套電影11月12日會新增IMAX ENHANCED至Disney+

HDDVD

WilsonWong4@G 發表於 2021-11-15 12:45
坦白講，iTunes買電影係幾抵同方便…… 我只係用一般器材睇電影，唔係好似呢度其他師兄咁有要求，所以我 ...

回歸基本，一件商品會否存在，係睇呢件商品嘅需求與供應。

我唔會贊成停產實體影碟及媒體(UHD/BD/DVD甚至VCD同VHS影帶), 因為可能喺一啲經濟表現仍稍遜嘅國家/地區嘅消費者可能仍然只有能力買VCD/影帶欣賞電影，生產商認為仍有利可圖自然會繼續生產銷售，否則就停產，自由市場根本會自然淘汰所謂"過氣"嘅商品，使乜某人操心？

WilsonWong4@G

我睇返最初HDDVD師兄嘅提問係“是否贊成唔應該再出實體影碟”…… 其實個人認為答案唔一定要係否定或贊成，只要有理據去解釋，答案可以係中立。我絕對認同睇串流嘅好處，但睇串流喺呢刻未足以完全取代實體碟可以帶到俾大家嘅，所以根本兩者都有存在價值同意義。我反而覺得較令人反感嘅係開口埋口就話人“層次低”…… 唔係話“唔夠人講道理就搬片源出嚟講”，而個事實係有人想睇一套戲，呢套戲用串流方式睇唔到，而用實體碟可以睇到，咁呢個就係實體碟有佢存在價值嘅一個例證。

WilsonWong4@G

HDDVD 發表於 2021-11-15 13:24
回歸基本，一件商品會否存在，係睇呢件商品嘅需求與供應。

我唔會贊成停產實體影碟及媒體(UHD/BD/DVD甚 ...

完全正確

HDDVD

WilsonWong4@G 發表於 2021-11-15 13:26
我睇返最初HDDVD師兄嘅提問係“是否贊成唔應該再出實體影碟”…… 其實個人認為答案唔一定要係否定或贊成， ...

我點解好直接問某人是否贊成唔應該再出實體影碟，係因為某人發言喺意思上(我認為) 係咁但係又唔直接講，咁我咪直接問囉。

我都認同串流係好方便，價錢平，而且影片選擇甚多(Netflix 嘅非英語電影同影集，冇串流真係好難欣賞到), 但點講都冇理由贊成停產實體影碟，將自己選擇電影嘅自由俾串流服務公司限制住㗎？傻的嗎？

WilsonWong4@G

HDDVD 發表於 2021-11-15 13:36
我點解好直接問某人是否贊成唔應該再出實體影碟，係因為某人發言喺意思上(我認為) 係咁但係又唔直接講， ...

喜歡串流又唔一定要否定實體碟嘅…… 我都好鍾意串流模式。只係覺得講嘢唔需要咁偏激。

billyyau

WilsonWong4@G 發表於 2021-11-15 13:26
我睇返最初HDDVD師兄嘅提問係“是否贊成唔應該再出實體影碟”…… 其實個人認為答案唔一定要係否定或贊成， ...

問題係

就算中立都會有理有據去支持，但就係冇人講得出實體碟有何獨特優勢，令到佢不能被取消。

第二，片源呢個point唔係咁用，除非你證明到有片係一定只能於實體碟上推出，於串流上推出係受物理所限，否則這個不是實體碟的獨特優勢。

簡單舉例講，迪士尼唔再出實體碟，呢個代唔代表係實體碟先天性的不足吖？
相反要用指定player播放呢啲point就真係實體碟物理上的限制，明白嗎？

WilsonWong4@G

billyyau 發表於 2021-11-15 13:49
問題係

就算中立都會有理有據去支持，但就係冇人講得出實體碟有何獨特優勢，令到佢不能被取消。

師兄您有您嘅道理 可能小弟睇嘢比較短視，我諗到嘅可能只係呢刻又或者係未來三幾年自己覺得嘅情況…… 事實係呢刻某啲想睇嘅戲我冇辦法用串流模式去睇，所以呢刻我認為實體碟仲有佢嘅存在價值。或者到有一日所有製作過嘅影片都可以透過串流平台可以睇到嘅話，就另作別論

HDDVD

billyyau 發表於 2021-11-15 13:49
問題係

就算中立都會有理有據去支持，但就係冇人講得出實體碟有何獨特優勢，令到佢不能被取消。

billyyau, 我都幾佩服你面皮嘅厚度，一啲你認為回應到嘅發言(喺我眼中其實都係答唔到)你就回應, 我問咗你幾次嘅發言你就硬係睇唔到，呢種閃避伎倆真係令人大開眼界！

你每次發言後我都會提你呢個你唔答，你唔敢答同你答唔到嘅問題，放心啦！

"billyyau, 直接問你呀，繼續懦夫縮頭扮睇唔到唔答潛水吖？

"睇返咁多發言，我睇唔到有人贊成停止串流服務，絕大多數都話同時有睇影碟同串流，反之只有一位思維邏輯受挑戰人士贊成停產實體影碟。

即係話，去到呢一刻，討論重點已經係"支持多項欣賞電影選擇"同"支持只以及只限以串流欣賞電影".

我相信正常人都會支持有得選擇啩？點會有人想自己冇得選擇㗎？""

juamac

billyyau 發表於 2021-11-15 13:49
問題係

就算中立都會有理有據去支持，但就係冇人講得出實體碟有何獨特優勢，令到佢不能被取消。

做串流既公司如果執左咁買落既片係咪會無晒？

WilsonWong4@G

juamac 發表於 2021-11-15 17:30
做串流既公司如果執左咁買落既片係咪會無晒？

而家可以買片嘅應該只有ITunes, 如果APPLE都執笠嘅話，呢個世界都應該唔會好得去邊…… 仲有嘅係唔計特價片，新片嘅話一般係138蚊或158蚊，講真兩公婆睇套戲一般都兩舊水走唔甩，咁其實百零蚊又唔需要考慮太多嘅！ 同埋iTunes會將一啲你買咗本身係HD畫質嘅電影，當有4K版本available時自動幫你upgrade, 唔需要額外俾錢。當然質素同實體碟一定有距離，呢個好視乎閣下是否在意。但重申一點，個人本身係認同同埋尊重實體碟嘅存在。特別係音樂會同演唱會嘅內容，串流平台暫時都未可以滿足到大家嘅需要。總之兩方面都各有價值同存在意義，互相尊重吧！