MCU十三套電影11月12日會新增IMAX ENHANCED至Disney+

HDDVD

billyyau 發表於 2021-11-12 16:05
我同意"廠商根本不會在乎閣下收藏意願而決定停產與否"

你同意咪即係代表同意廠商從來唔係為咗收藏目的而 ...

無法明白嘅邏輯。

請問有冇人明白呢位人士嘅邏輯？

jc2ssych

billyyau 發表於 2021-11-12 16:05
我同意"廠商根本不會在乎閣下收藏意願而決定停產與否"

你同意咪即係代表同意廠商從來唔係為咗收藏目的而 ...

拿拿拿...師兄你個標準又浮動喇。一時又講到全球性，一時又地區性。邊度既廠商先？請你講清楚。

同埋呢，你開口埋口講廠商，講咗十幾頁，其實你都唔認廠商。所謂廠商影碟發行，其實一路都有兩條line。其中一條係普通膠盒版，另外一條，係同世界各地的影迷合作出fan edition，亦係你嗤之以鼻的「所謂收藏品」。大家合作玩咗無十年，都有八載。用精美包裝，吸引顧客，經濟學101，咁都仲要拗？難怪大家都對跟你討論失去耐性。

香港少用家，阿媽係女人，毋須重覆喇。到底你係講港區停產，還是認為該全球停產？但全球買實體碟既market你又打算點挑戰呢？老老實實，查實你係咪 bluray com, HDN 等全球影碟用家的論壇都未上過？若愛國貨的，布魯或zeta都有fans可跟你討論啊。

講文化，無分國族。歡迎討論，但切勿使用強國邏輯。先放好焦點便好。

HDDVD

jc2ssych 發表於 2021-11-12 22:51
拿拿拿...師兄你個標準又浮動喇。一時又講到全球性，一時又地區性。邊度既廠商先？請你講清楚。

同埋呢 ...

冇無緣無故嘅愛，亦冇無緣無故嘅恨。

何解某人對實體影碟如此痛恨，剝奪他人消費選擇及自由亦在所不惜，不理廠商生產商品賺錢嘅自由，都要提倡徹底消滅實體影碟？

到底某人係咪受過一啲極嚴重嘅肉體及/或心靈傷害？

stephentaxi

算把啦

billyyau

jc2ssych 發表於 2021-11-12 22:51
拿拿拿...師兄你個標準又浮動喇。一時又講到全球性，一時又地區性。邊度既廠商先？請你講清楚。

同埋呢 ...

討論範圍當然係全球性，我只係用一個發生於本地的例子來討論，有何問題？

簡單講，即係廠商迪士尼都決定停產實體碟，發行商IVL無論想點樣賣弄包裝都冇用，主角都不存在仲談何包裝呢？
定還是你都同意包裝先係主角呢？

上論壇就可以得知確實market有幾大？對呢番話我真心開了眼界，我又虛心請教一下個實際數據，證明有幾咁大，最好同時比較埋串流訂閱數和iTunes銷售量就更加理想。

可能我孤陋寡聞，可能事實上實體碟的market比串流大得多，虛心等你指教。

jc2ssych

billyyau 發表於 2021-11-13 08:22
討論範圍當然係全球性，我只係用一個發生於本地的例子來討論，有何問題？

簡單講，即係廠商迪士尼都決定 ...

我又明白多一件事。

你的世界觀相當狹隘，對概念的掌握，只有多/少，強/弱，喜歡/討厭等等的二元觀念。有一邊較多、較強，另一端就需要消失。

我想我們再沒有空間討論。

歡迎你繼續在論壇發言，直至找到你的知音。

billyyau

jc2ssych 發表於 2021-11-13 09:27
我又明白多一件事。

你的世界觀相當狹隘，對概念的掌握，只有多/少，強/弱，喜歡/討厭等等的二元觀念。 ...

呢一大堆討論，係由某人一句：「讚唔讚成實體碟消失？」所帶起。

內容當然圍繞返呢點，就係讚成或唔讚成，然後利用事實支持論點，你形容自己博學，冇理由唔明呢一點，要怪就怪提出問題嗰個。

不過大開眼界的確係事實，只要講實體碟的壞處的時候，就有人出嚟用根本唔係論點來反駁，例如話唔介意麻煩，唔介意浪費，唔介意花錢，你情我願等等，這些叫論點嗎。

難道話實體碟有更佳質素作優點的時候，我回答一句：「唔介意質素差」就可算是紮實論點反駁嗎？

到底邊個先係狹隘嘅，活於自己世界睇唔清楚現實呢？

allen89

billyyau 發表於 2021-11-13 10:06
呢一大堆討論，係由某人一句：「讚唔讚成實體碟消失？」所帶起。

內容當然圍繞返呢點，就係讚成或唔讚成 ...

其實我認識的CAS的人，也多是多媒體多玩台，當然有人只玩一，兩味。冇曾聽聞因為玩緊一平台，覺得其他感覺[亂]而應該消失。

之前已經提出，串流及實體碟，片目以例數量可能是6.4%(1%屬錯誤已經修訂)，小品，細公司制作相信美資大串流公司也覺冇錢賺不考慮合作，藝文片，外語，非主流舊港產片，甚至世界各地包括香港一些已結束的細公司電影版權已遺失，串流上架更是零機會。咁你認為只看6.4%片種的人是甚可算回歸電影本質，90幾%電影及世界各地舊作也被串流公司排除考慮(參閱回覆#155)。觀賞除可看戲院，便要透過媒體，串流的確係方便，但非肯定月費供應商永續, 聲畫質量目前不及實體也是事實。亦不能真真自己選擇片種片目實由供應商決定，寬頻網絡的支援也是一種限制是非只有香港區問題環球性尤其是非發達國家。美資大型串流商亦只是追逐盈利為主要目標商業片掛師非為保存電影文化。

電影是文化遺產是經歷百年前人在電影工業努力的結果，文化遺留同書籍文學同樣，有電子書不代表哈利波特及甚至聖經實體書要停印，同樣只是媒體一種，串流只有1%電影片目(取決於電影買手)，碟媒掌握有9成以上電影文化作品，串流的確方便，便宜，省位置不足成為扼殺實體碟的理由，什麼炒賣更不是100-1等於零，一個可令目前擁用9成片目媒體停止合理原因(除一天串流與實碟片目相約時候來臨)，相對比百年電影文化傳承微不足道。尤其是對『真正』熱愛電影迷。

娛樂媒體從頭也冇限制人使用多平台多媒體，媒體間非排斥性可以並存。黑膠唱片便是並存一個好例子。

HDDVD

allen89 發表於 2021-11-13 11:20
其實我認識的CAS的人，也多是多媒體多玩台，當然有人只玩一，兩味。冇曾聽聞因為玩緊一平台，覺得其他感 ...

正如之前我講過，一個欣賞電影嘅正常人，應該珍惜所有能夠欣賞電影嘅途徑(入戲院，係屋企睇碟/電視台播放電影，串流甚至汽車影院), 正常都唔會建議/支持減少欣賞電影嘅途徑㗎。咁究竟某人嘅心理狀況到底係點嘅呢？

billyyau

allen89 發表於 2021-11-13 11:20
其實我認識的CAS的人，也多是多媒體多玩台，當然有人只玩一，兩味。冇曾聽聞因為玩緊一平台，覺得其他感 ...

之前講過，片源方面非平台之罪，屬於電影公司決定。

以下一些例子則是串流有而實體碟所缺乏，難道又代表實體碟片源不足嗎？

相反，電影公司於串流平台上推出影片的所需成本是否遠低於實體碟，消費者能否從中有更多類型及更平價的選擇，這點才更值得討論。

例如iTunes store $38一套4K First Man，實體碟要幾時才做到呢個價錢？

又例如4K DV版伊波拉病毒，電影公司敢於串流平台上發售，但又會否夠膽冒險推出實體UHD呢？