散熱良品~AC Infinity Aircom T9

大玩偶

用過 Onkyo / Yamaha / Pioneer ... 宜家用緊Denon Amp ，
暫時俾我感覺Denon Amp 好貴熱 ， 好彩我部amp 擺櫃頂 ，經常都會長開冷氣！
但睇幾個鐘頭都會熱到摸落去都燙手果隻 ！

其實玩散熱同 hi-end 音響好背道而馳....
一套防震釘腳都可以幾萬蚊....為左減震 ！
但用散熱風扇就制造震動 ...

不過我玩係"水冷派"  冷靜行先

遊戲機....PS4 Pro / Switch .... 全部都有獨立散熱....
拆機換 "散熱膏" 呢D等閒事成日都做...
硬碟或者某D 鐵片之類既野，都會買d 散熱膠貼包住..
一來防震二來散熱......

個人感想: 無數據上既支持 , 不過我覺得"溫度" 會影響到機器運作
由手機我唔敢俾佢曬太陽.....
到楂車最怕水箱出問題....引擎過熱.....
電腦cpu / SSD 怕超頻過熱.....
我連Router 都加個膠架配10寸風扇去散熱....

yipin

leung133 發表於 2021-5-31 12:22
我都有睇過下,想問下佢跟果款火牛係唔係美式頭?
同埋佢最好係可以向後出風,現在放係櫃入面向上吹都無用 ...

就算向後吹，柜後面要有位散風，如果唔係，好似焗爐內開風扇，吹極都係熱。

leung133

yipin 發表於 2021-6-1 08:19
就算向後吹，柜後面要有位散風，如果唔係，好似焗爐內開風扇，吹極都係熱。 ...

無辦法之中既辦法~成個櫃得後面有位可以出風,唯有唔好放咁後~

PepperFish@FB

chan@76 發表於 2021-5-31 23:43
呢期正用緊 6700
“辣手” 佢係㗎
就算我只係用嚟接一對FH都好“辣手”

你真係用心良苦搞咁大壇嘢出嚟😂要加扇嘅都係會加，覺得熱用得唔安心真係冇辦法，最緊要用家用得心安👍🏻

cakecake

chan@76 發表於 2021-5-31 23:43
呢期正用緊 6700
“辣手” 佢係㗎
就算我只係用嚟接一對FH都好“辣手”

首先多謝師兄你咁用心做個實驗去証明呢個我斗零廣告費都無收去介紹既散熱器係多餘和有害
其實師兄你唔知有無睇清楚我內文一開始介紹:
"首先，呢部野適合想幫部amp靚仔地降溫既師兄，但如果怕佢會震到部amp或者風扇既磁場會嚴重(?)地影響聲音質素，其實就可以不用繼續睇了，謝謝"

"靚仔地降溫"，"怕佢會震到部amp或者風扇既磁場會嚴重(?)地影響聲音質素"
其實我一開始已經講左呢個散熱器既"需要"和"需知"
請留意下D文字，請對號入坐

我話:"我以前用過幾部Pioneer 行D類，或者初代HD audio 行A/B類既VSX LX50, LX70都唔會咁慶", 請你留意下文字，我好耐以前已經用Pioneer 行HD audio既amp，佢地初代唔係用D類的，我意思係同呢D型號比較，唔係同D類既Pioneer amp比

其實我在另一個你開炮啡人個post有提及過點解會用佢，我睇片唔會開廳冷氣，就算開都係開房果架由佢滲D冷氣出來，咁個廳唔會熱但唔係特別涼，因為我用窗口機，其實好嘈，雖然都有師兄提及開大音壓會蓋過冷氣機D聲，但唔知係我天生異品定乜，我覺得熄廳既冷氣機D聲好好多(明顯)，遠超過部amp有震有磁帶來既影響

你所講既理論我不是唔讚同，我在合拼amp無做任何幫佢散熱既方法，就算聽歌聽得耐唔係暖手既狀態亦是如此(聽得耐一樣辣手)，係因為合拼amp無咁玻璃(相對av amp), 同埋多隻香爐多隻鬼既理論會影響聲音表現

同埋之前有師兄用心做過測試，部av amp其實唔會用700幾W電，好似用一半都無(相對2ch都係)

師兄好眼，見到我個source有落釘，因為我覺得source係有需要，而且個效果係正面，所以我無放風扇吹佢架，驚震親佢麻，其實佢都好Q熱架, 尤其是架streamer

如好似師兄你所說我呢D係米叫強迫症，如果我有既話我諗你都有，你就認為我做降温係強迫症(其實由頭到尾我無話要降到室温)，但你覺得係多餘(你話:你估電腦超頻要用埋氮氣咩)又衰聲，跟住講一D無建設性既說話去單單打打，"好似"(留意係好似，我唔confirm你"係")要強迫人地跟你果套做。
好啦，攻擊完人，人地有回應啦，重要繼續挑釁話"開箱文只可以拍手掌？"

其實我唔識你你唔識我，大家咁高咁大，如果你要講說話要單打要去攻擊我，其實如果我無收養既話我可以狠狠地X你。不過無咁做，雖然我cake唔係D咩出名既人或者係高手，極其量都係一個AV玩家，但衰衰地都在以前uwants, av-forums, 現在post76和隔離台"高endy"都分享過自己既經驗，cake呢個名玩左13,4年，我就真係唔會做臭自己個朵

btw, 簡單D講，呢件產品我唔係介紹俾你呢類既師兄，一開始已經有講，麻煩你睇下D字

(P.S.我未試過一個回應打咁多字)

cakecake

PepperFish@FB 發表於 2021-6-1 09:14
你真係用心良苦搞咁大壇嘢出嚟😂要加扇嘅都係會加，覺得熱用得唔安心真係冇辦法，最緊要用家用得心安理得 ...

佢既講既震動和磁場係有道理我係無否認過，所以一開始已講明呢件器材既對象，而我想對amp既保養keep好D，衡量過和取捨先會用佢，可能第日我升級左其他amp既時候有機會都唔會用佢，但現在我就一定會用

cakecake

大玩偶 發表於 2021-6-1 00:55
用過 Onkyo / Yamaha / Pioneer ... 宜家用緊Denon Amp ，
暫時俾我感覺Denon Amp 好貴熱 ， 好彩我部amp  ...

大玩偶兄好耐無見

其實我比較過唔用散熱扇，出來既聲反而不及用散熱扇
尤其是去到一D大棚爆既位，amp有用散熱D聲去得盡D
或者，係我木耳聽錯吧

PepperFish@FB

cakecake 發表於 2021-6-1 09:30
佢既講既震動和磁場係有道理我係無否認過，所以一開始已講明呢件器材既對象，而我想對amp既保養keep好D， ...

我比較好彩冇呢個煩惱🤭我用4ohm喇叭

多毛肥

PepperFish@FB 發表於 2021-6-1 09:14
你真係用心良苦搞咁大壇嘢出嚟😂要加扇嘅都係會加，覺得熱用得唔安心真係冇辦法，最緊要用家用得心安👍🏻 ...

最大獲係av amp比起2ch多左又hdmi板又control板,仲駁著9咁多條線,萬一熱壞左要攞去整真係想死
同埋睇戲既邊個咁勁金耳朵聽到加左風扇啲雜訊?
根本係好似電話Mon貼一樣,雖然係少量影響體驗過程但求個安心
總有人唔喜貼mon貼(本人正是),但冇諗過攞呢個point嚟企道德高地囉

leung133

cakecake 發表於 2021-6-1 09:17
首先多謝師兄你咁用心做個實驗去証明呢個我斗零廣告費都無收去介紹既散熱器係多餘和有害
其實師兄你唔知 ...

C HING唔好理佢啦~唔好因為一個網上既ACCOUNT而勞氣,
大家開心SHARE就夠啦