[超長開箱文]CM玩到封頂係點樣？就係咁樣! - Just Ear XJE...

Pacalet

nanaholic 發表於 2016-8-31 11:38
據某星加波用家説松尾先生的英文不錯在調音階段可以用英文同佢溝通。但係預約簽紙等就要識日文。

謝謝！

Tsubasa

ML Producer?

nanaholic

Tsubasa 發表於 2016-9-2 00:53
ML Producer?

呵呵我的確係P，重係古參唔係專ML。不過最近聽ML聽得比較熟所以先用ML歌嚟做tuning。

julinach

Thanks for sharing! So jealouse...

vicentk

師兄，我今天終於去到你的情況，市場上試了 9成耳機都找不到心中的一杯茶，看來我要去找找松尾先生。

onon4359

首先多謝師兄寫出一段非常好的貼文!不過是否真的能封頂?真的見仁見智,就好似在下亦是用DP-X1搭AK x JH,以為已經好好啦,點知試完Sony SS系一套5皮野西裝之後....嘩!乜同一首歌差貢遠架?真係聽海無崖....另外見師兄係揾幾首歌去試音,就真的可以完全調出合自己口味既音質?真的可以比大師級調出的更好?又例如Alan Tam既愛情陷阱,對耳機啱哂口味,夠快夠狠喇,咁同一隻碟既其他慢歌呢?難道要訂造幾對耳機聽一隻碟?完本造呢隻碟既混音師究竟想聽眾聽D咩?耳機調音師又想人收到咩呢?太個人化既耳机又是否合適?
小弟並非質疑此文,只係提出來大家研究下!見諒!

t1174

唔知是否真呢

nanaholic

onon4359 發表於 2017-1-4 04:09
首先多謝師兄寫出一段非常好的貼文!不過是否真的能封頂?真的見仁見智,就好似在下亦是用DP-X1搭AK x JH,以為 ...

首先，如果你相信儀器不同會有唔同聲音嘅話，咁"完本造呢隻碟既混音師究竟想聽眾聽D咩"呢點根本就唔成立 - 因爲除非你完全重現混音師嘅工作環境你係冇可能可以聽得返混音師果時係聽嘅咩嘅聲音。其次，混音師好少會用headphone混音而係用喇叭，再其其次，混音師一般要考慮嘅環境係最一般嘅聽者嘅使用環境而做一個"萬人受"嘅混音(例如最近好多人係手提電腦上聽音樂，而呢d機嘅喇叭一般因爲太細所以bass係會軟弱無力，所以混音嘅時候會特登去調高咗d bass，所以如果你用重bass或輕bass嘅耳機就已經同調音師想你聽嘅聲音脫離咗)等等等等，所以"混音師究竟想聽眾聽D咩"呢個point其實係唔值得討論。

耳機調音師又想人收到咩呢 - 呢點睇落好似好有point，但其實都係冇咩討論價值。音色準確度係客觀可以數據化同標準化爲甚麼係最準最好，但音色喜好就係純主觀嘅嘢冇話絕對，所以就算調音師覺得佢調出一條好靚嘅FR，但聽嘅人一樣可以覺得個聲係垃圾聲。比喻説評價好兩極嘅超旗艦耳機Ultrasone Edition 10、呢隻係好多人評價話高音刺耳又難聽嘅失敗作嚟，但你覺得Ultrasone嘅調音師會覺得呢隻機唔好聽但又會有信心賣到咁貴嗎？ 當然唔會！ 所以音色其實就係鹹魚青菜各有所好，所以耳機先咁多隻聲，而你每一次買一對耳機其實都係選擇緊一個你覺得好聽嘅調音，而唔買一個係個調音師覺得好嘅調音。

講到呢度，其實你應該會明白同發現你一路以來玩head-fi嘅目的來來去去係係眾多儀器中搵一個"自己主觀上喜歡嘅音色"，而唔係"某某大師或好多人話最靚嘅音色"。只要你嚟到呢一點，你就會明白點解MH1嘅全客製係可以封到頂。

至於用歌量做唔做到所有歌都fit - 當然唔得，因爲世上根本冇一隻耳機係可以做得到，大家都係攞個平均。但因爲我用我自己聽得最多最熟嘅曲類好做呢個平均，我達到我想要嘅目標嘅可能性一定近過調音師會了賣得好而做嘅萬人受耳機。即係你買套ready made嘅西裝同你做一套西裝嘅分別會好明顯，而貼身訂做耳機音色嘅MH1可以封頂就係呢個意思。當然人對音色嘅口味隨住年齡亦都有可能改變，正如人會肥瘦西裝都要再做過套，但到時我覺得只會係再調一對新嘅MH1(或者佢嘅後續機)，而唔可能可以由preset聲音嘅耳機得到同樣嘅滿足感。所以係呢個層面，MH1係封到頂的。

kaz7

nanaholic 發表於 2017-1-18 01:13
首先，如果你相信儀器不同會有唔同聲音嘅話，咁"完本造呢隻碟既混音師究竟想聽眾聽D咩"呢點根本就唔成立  ...

即係UE PRM都係用用家聽開0既歌去TUNE。其實TUNE完都係拎個平衡點盡量做到0岩個用家胃口，都好難保證個用家聽開所有歌都FIT。

nanaholic

kaz7 發表於 2017-1-23 09:27
即係UE PRM都係用用家聽開0既歌去TUNE。其實TUNE完都係拎個平衡點盡量做到0岩個用家胃口，都好難保證個用 ...

唔同。市面上所有耳機都係tune嘅時候調音師攞個覺得比較多人受嘅平均，而PRM同MH１係你自己用你自己嘅歌較一個你自己喜歡嘅音色，但當你set好咗個設定UE同JE係唔會再搞佢。而呢個音色你想自己攞一堆歌去做一個all rounder又或者係一個超專門化都係你自己嘅自由。日本方面係有幾個用家係將自己對MH１專門化到只為一個歌手嘅歌聲而去做的。我自己就未去到咁瘋狂粉絲嘅程度，所以就做一個平均d嘅女毒調音－當然呢個女毒都係跟我自己嘅個人喜好去調，比其他人聽可能佢會覺得一d都唔女毒。但呢個先係音色訂製嘅精髓。

最後同埋其實我第一個post已經有提過同對比過UE PRM同Just ear MH1。UE PRM同Just ear MH1表面上有d相似，但實際上其實都差好多下。PRM要自己扭個高中低，所以要求個買家對三頻分佈呢d嘢對音色有咩影響要有一定嘅認識先成立，唔似Just ear有松尾先生幫你＂翻譯＂．而且PRM係入咗殼就冇得調因為佢個調音係用cross over度做，所以會有可能出現用公模同custom唔同嘅音色。但MH１就一定冇，因為佢係用filter搞，可以後期微調過。