[超長開箱文]CM玩到封頂係點樣？就係咁樣! - Just Ear XJE...

nanaholic

scene030112 發表於 2016-7-29 20:50
明白.

咁我又想問下,既然MH1係根據當時所用既前端同要求去調整

呢樣就必然或多或少會有d改變㗎啦，因爲隻機係以其他變數都固定爲前題而做嘅。
當然有其他方法例如搵返同一隻聲或者接近嘅前端咁。而我個人就覺得其實前端嘅影響力絕對冇耳機本身咁大(我自己嘅比例係聲音係95%以上都係來自耳機的)，自己擁有過嘅攜帶型前端/amp至少都超過10部了，始終去到某階級嘅前端已經係大同小異，唔同嘅都係功能層面同便利性比較多。所以呢方面嘅微變度係我自己心目中係冇影響到我心目中嘅理想聲就是了。

不過都係果句，當你已經將所有配套鎖定而調出滿分嘅組合都唔滿足重係身痕想要換機買新玩具玩夾儀器搵synergy嘅話，咁你可能要檢討下其實你自己係唔係真係享受聽音樂定係享受聽儀器了。

nanaholic

cyrusp 發表於 2016-7-29 21:19
我都信我上一對耳機對自己已經係封頂,然而...人在變耳仔亦在變心亦羅羅戀,以前喜歡動鐵的我,現在連12單元已 ...

都係果句 - 傳統玩法只係機海中搵"接近"嘅音色，而就算係呢種情況下亦大有人仕係封到頂的。更何況依家MH1嘅玩法係反轉嚟做呢？ 情況就好似你以前戴公模機要試好多隻唔同嘅大小同材料嘅耳膠，但當你做咗第一對CM嘗試過個種fit感你就冇可能返轉頭，亦都冇可能搵更加fit嘅方法(唔同嘅只有手工嘅差異)。而依家係將呢個道理伸展到去音色嘅層面 - 當你試過音色都係度身訂做嘅時候，你可以諗重有變方面係可以改變/改良呢？又點返去預設嘅聲音呢？

到到呢個地步要破封嘅話，我只諗到會係另一對都係連音色都係度身訂做嘅機。

vicentk

封頂的問題，我個人覺得是看時間，每一個人都唔同的階段有唔同的要求，今日你飲藍山已經好好，當你飲了一年都是它你可能會試其他，我只可以講天外有天，一日未試晒所有野都沒可能找到心中所屬。如果個人是喜歡咖啡是不會突然愛上奶茶，好像我是女毒，不會突然轉口味去玩 BASS 的，可能年紀大了接受不了重 BASS 的壓力。

祝師兄找到心中所屬

fungcmhp

但係Sony一向都系以轟頭式的低音出名，呢對亦似乎有呢個特色。

nanaholic

vicentk 發表於 2016-7-31 13:56
封頂的問題，我個人覺得是看時間，每一個人都唔同的階段有唔同的要求，今日你飲藍山已經好好，當你飲了一年 ...

好似重有好多人唔明依家MH1係個玩法上係完完全全唔同咗.

以前係眾多預設嘅聲音俾你揀，你揀一隻最接近嘅聲，所以先有要試好多隻唔同牌子同型號嘅必要。唔講CM, 我耳機都玩過十幾隻，大牌子嘅旗艦機手頭上都重有幾枝係度。由最初開始玩AKG, 鐵三角木耳，Beyer唔同阻力嘅耳機，開放，封閉，都有玩過，更加唔好講晶片amp同管amp都玩過好幾部。每次就係聽到咁上下見到有新嘢出嚟心裡面就會心郁郁覺得"今次呢隻個規格又勁咗d喎！會唔會又接近d我自己心目中嘅最好呢？"，呢個階段我自己絕對有經歷過，我好明白。

但自從我由JH16轉咗做335後我就終於明白到 - 聽音樂規格根本唔重要，所有嘅嘢都係取決係最後入耳仔個調音果度，d人買唔同牌子型號其實最終都係買緊調音而已，而果個規格只係一個方便d嘅指引。如果唔係我自己冇理由由8單元降落5單元downgrade咗啦？ 但係事實就係呢個5單元個嘅335調音係比個8單元嘅JH16更接近我自己心目中嘅調音。就係果一刻我係"規格"同"單元"呢d迷思度解放出來，追求嘅就只係調音。

而依家MH1就正正就係可以比我我tune好咗個調音先收貨嘅產品，所以係唔存在"要試晒"呢個問題~

nanaholic

fungcmhp 發表於 2016-8-1 11:04
但係Sony一向都系以轟頭式的低音出名，呢對亦似乎有呢個特色。

我自己叫佢tune嘅時候壓咗d低音所以係完全冇呢個問題。甚至係我呢對MH1嘅低音重要比我對335少!

vicentk

nanaholic 發表於 2016-8-2 21:16
好似重有好多人唔明依家MH1係個玩法上係完完全全唔同咗.

以前係眾多預設嘅聲音俾你揀，你揀一隻最接近嘅 ...

師兄，我完全明白，我係一個女毒什麼幾多單元對我沒意思的，好似你講的 334，我昨天打風前等人時去玩了，4單玩出來感覺舒服，bass 有，人聲毒，對我來講就好似佢用嬌嗲的聲出來，有點假。U12 同一天玩過，佢多單元出多了細節，人聲真不過唔毒。

聽歌係個人感覺，有人聽器材，有人聽感覺，什麼才滿意，正如師兄的文章所講一對以你意見去調的才是 Custome made。不過我講的可能師兄有少少誤解，我的意思是食得魚翅多也想食粉線咁，男人係花心的。

我也想有一對可以按我意思去調的耳機，可惜我的 D 日文完全不懂。

loadinglove

整一對女毒
整一對重bass
再整一對平衡

咁就完美啦

jaffeinism

一日有新耳機出, 我自己就好難封到頂, 利申: 我自己聽野好鬼雜, 除左中樂同粵劇吾聽; 人聲用A model, 樂器用B model .... 一隻塞系玩俾吾足我要既野

wongkiss

最重要唔識日本，又唔可以成日過去
(Post76 Android 手機版送出)