我的組合: 終極品聽 經典試聽大計!

maskedman

Andykong 發表於 2014-6-10 00:24
7K + 1K + 1K + 10K + 1k = 20K,  其中 DSD DAC/ DAP (物識中, 準備行電池組供電) < $10K 係最大筆？

你 ...

絕對識同

ghhf

Andykong 發表於 2014-6-10 00:24
7K + 1K + 1K + 10K + 1k = 20K,  其中 DSD DAC/ DAP (物識中, 準備行電池組供電) < $10K 係最大筆？

你 ...

C兄都講得啱既, 正路係先有咗個主體再配其他週邊.

我唔係想同時入DAC+DAP, 其實而家用AK100做source我都覺得幾好,
只會入多一個source, 座枱DAC(或者係另一部DAP), 不過我想睇定d先, 希望搵部可玩下(各位C兄有無好介紹?)DSD睇下係咪真係會感動d

至於條AC Power線, 我選果款料係中性的, 純粹提升屏蔽抗噪, 應該對音調影響唔大. 超支係因為我未做足功課, 亦係因為仲有感性慾望

ghhf

ghhf 發表於 2014-6-9 17:12
玩咗兩個幾星期, t51p係AMP-HP上巳經唔覺有太大變化, 人聲唔夠到位, 低音渾勁但欠層次, 哨音底仍然明顯 ... ...

繼續跟進t51p煲聲, 好似初初AMP-HP推t51p咁, WA6 SE推t51p每日都有變化, 巳經係去到另一個階段, 而且開始有驚喜, 第一次覺得人聲t51p比D7100更到位, 男女人聲都顯得更有磁性. t51p亦表現出動態高清本色, 同D7100既圓潤柔勁各有千秋 ..... WA6 SE果然係夠力, 全膽A類的確唔係虛火 .....

t51p始終都仲係緊咗d, 脆哨聲底仲可以細微察覺到, 我既標準雖然未到享受感動層次, 但巳經係舒服階段 ..... 繼續努力 .....   

ghhf

非常感謝店主意見同提供協助(靚錫線, 單晶銅線段, 附助膠條),今曰幫WA6 SE完成咗電源部份提升, 換單晶銅AC電源線, bypass電源線保險膽, 再換埋WA6 SE粒保險絲 ..... 試聽結果係 .....

Andykong

ghhf 發表於 2014-6-13 06:37
非常感謝店主意見同提供協助(靚錫線, 單晶銅線段, 附助膠條), 今曰幫WA6 SE完成咗電源部份提升, 換單晶銅AC ...

犯晒香港機電例都敢制，如果裝個位係持牌電工，呢張  13A 電制相已經足夠吊消佢手上所有專業牌照! 如果裝個位無電工牌，出左事查起間舖收你錢整呢個電制都隨時拉人封艇! 有人係網上見到照做出左事你都唔會好過!

你現在换落去 WA6se 個粒 fuse, 除了 A數一樣，係 slow blow 定 fast blow? 咁原裝個粒呢?

有朝一日，你越玩越多器材，某日你試將條電源線插落一件無内置 fuse 的小器材度，嘩，好靚聲喎，就咁話囉，於
是師兄家中以後就有件直通無任何 fuse 既電器!

或者你第日 upgrade, 换條靚D既電源線，跟手賣左呢條，你有無理解當中涉及的風險?你知唔知所有售賣美式頭無 fuse 既重制人電線/排蘇既鋪頭，店内都應在某處貼張紙仔話此器材只供外地使用等等免責字句? 賣美式電野都仲可以 claim 符合某地方的標準來免責，你呢張圖擺明英式但又犯晒 BS  例，點免責好呢?

美式電制無 fuse, 英式電制有 fuse, 但其實係咪真係就無須理會地方標準呢點玩都得?

有D野，係咪寧比人知，莫比人見好D呢?

玩 HiFi 呢個遊戲，大家可以去到幾盡呢?

最後一句逆耳忠言，充分認識某件事的内容和風險後決定去做既叫勇敢，唔知頭唔知尾無視風險去做既叫愚勇! 呢個世界天才白痴只差一線，同樣勇敢和愚蠢可能是一纸之隔!

逆言至此已盡，呢條  thread 唔敢再多事多口了，祝樓主越玩越精，套機越玩越靚!

ghhf

Andykong 發表於 2014-6-13 09:16
犯晒香港機電例都敢制，如果裝個位係持牌電工，呢張  13A 電制相已經足夠吊消佢手上所有專業牌照! 如果裝 ...

C兄有point，語重深長，不過唔使咁激動? 好傷身架! C兄你最好唔好再睇我呢個帖了，好易死多好多细胞。

小弟自己都玩咗二三十年無線電亦受教呀，好似成個網都有教人整菠籮，拆呢樣裝果樣既材料，大家成年人，咁整唔整自己決定啦，無膽無料千祈唔好試!

一句講哂: 更豐厚，更甜美，更感動.....音調無變，但音場動態全面提升，重低音隆隆，噠噠，從未如此豐厚，深重，跳躍，有置身現場震撼感

利益申報: 改裝全部係小弟自已一手一腳做的，同其他任何人士無關，各位如果照做，後果自負(不過真係感動咗好多)

ghhf

ghhf 發表於 2014-6-13 06:37
非常感謝店主意見同提供協助(靚錫線, 單晶銅線段, 附助膠條),今曰幫WA6 SE完成咗電源部份提升, 換單晶銅AC ...

小弟繼續放毒害人，我分咗3個階段推進，一路試聽其中變化，小弟主觀試聽結果:

1. 換單晶銅電源缐，配雞fuse
動態音場提升咗10-15%

2. Bypass電源線fuse
動態音場再提升咗10-15%

3. 升級WA6 SE fuse
出聲全面開放，盡顯WA6 SE鬆容氣度

最使小弟估唔到的係，一粒小小fuse竟然對音質有咁大影响力! 好明顯小弟係少見多怪，井㡳之蛙。

ghhf

ghhf 發表於 2014-6-13 15:30
小弟繼續放毒害人，我分咗3個階段推進，一路試聽其中變化，小弟主觀試聽結果:

1. 換單晶銅電源缐，配雞f ...

今次WA6 SE電源部份得到既加乘效應, 真係好難用單純一個數字簡單去表達改善效果. 其實最好既比喻, 就好似係參加歌唱比賽, 一個好有實力但因緊張而表現未如理想歌手, 突然放低心結枷鎖, 放聲盡情唱出自己的歌 ..... 果種感染力真係令人感動 .....

小弟入埋呢件外置電池比AK100同AMP HP, 咁電源問題就告一段落 ..... ..... 跟住就會全力搞WA6 SE膽管升級, bid咗幾粒四五十年代d古董膽等送貨, 將會更精彩, 好期待, 膽味風韻又會係昇華到另一個層次 .....

ghhf

ghhf 發表於 2014-6-13 15:30
小弟繼續放毒害人，我分咗3個階段推進，一路試聽其中變化，小弟主觀試聽結果:

1. 換單晶銅電源缐，配雞f ...

聽咗成日升級版WA6 SE之後, 純粹出於好奇求知, 將單晶銅電源線換番一條普通黑色雞記13A Power Cable, 但保留升級咗WA6 SE Fuse ..... 試聽結果係 ..... 當堂覺得出聲平啞咗一大截, 聽咗十零分鐘純粹作比較之後(其實係無辦法再用享受既心情聽落去), 就即刻換番條單晶銅電源線 ..... 保證以後都唔會再接番條雞記電源線虐待WA6 SE .....

最怕貨比貨, 好明顯, 我隻耳感巳經唔可以再接受退番一大截音質既效果 ..... 單晶銅電源線配WA6 SE升級Fuse既協同加乘效果, 真係好明顯, 最少對小弟來講, 就係2個大層次差別 .....

今次電源升級其實巳經可以入一台$4K左右DAC, 不過我覺得就算DAC Spec點勁128 bits又如何?! 去到WA6 SE咪又係變番Analog輸入輸出! 一樣比雜音電源污染, 一定唔會可以得到而家咁既效果, 反而而家打好咗電源底子, 遲些少DSD市場成熟d, 小弟先再入一台DSD DAC, 再配埋d古董膽, 就真係可以充分發揮到DSD同膽味 .....

johnmo

恭喜找到心頭好