我的組合: 終極品聽 經典試聽大計!

edm230

哈，貪玩嘛

呢set深層治療wo
(Post76 Android 手機版送出)

ghhf

小弟今曰正式落咗order入5粒12V, 65AH高電量電池, 總電量提升咗3倍以上, 係小弟Head-Fi系統所在空間能容納量最大極限, 不過定貨要等8個星期,  除咗位置布局, 接線頭方面亦要更換, 好多細節要整理優化

ghhf

電池補完 置諸死地 再平衡

話說電池補完後級電池吊完成1L鹽水之後, 都無咩起色, 充足2曰, 無負載電壓都係得12.4-12.5V, 係不合格, 證明齋吊鹽水病情係無咩好轉   

經過一輪研究, 小弟決定進行一個全盤電池救急方案, 每3個月進行一次加水, 除石, 深度放電及再平衡(equalization). 不過入咗既desulfator未到手, 咁就做住深度放電及再平衡先. 去圖, 又好似多咗d嘢, 有睇開呢個post既C兄, 一定知道小弟做緊D咩




係深度放電及再平衡, 小弟保守D用C/20大約1A作為操作電流. 將4個電阻並聯做12V電池負載, 又DIY咗2組粗身DC電源線比電阻, 及新入咗隱壓電源供電器, 可獨立作限電壓及限電流設定(小弟用緊同牌子NE充電器, 係香港產品, 實而不華, 不過QC特別係外殼標示, 配件細節有進步空間. 外置heatslink及2N3055 https://en.wikipedia.org/wiki/2N3055 功率晶體管更係小弟年代既集體回憶, 自己切個14.4V, 5A PSU唔係咩難事, 不過而家無時間, 就買成品方便簡單). 由於準備亦可以比將來新65AH電池(最新消息, 可能唔係熱門, 65AH電池要等8星期先有貨), 選用能提供0-18V, 0-5A型號, 不過今次只用佢提供一個恆定14.4-14.8V, 1A作為再平衡充電















做完其中A1電池, 放咗一晚電, 由12V跌壓(10.8V應該算巳係完全放電), 小弟特登比電池短時間"置諸死地"去到8V跟住用14.6V, 1A左右限壓限流充佢一日. 充完放佢開路一日, 再check電壓仍然企住12.8V以上, 似乎有d效果. 咁小弟就流水作業式為其他電池逐一粒放電同再平衡充電(一曰放, 一曰充, 一曰休). 估計成個過程要幾曰, 如果將來用65AH電池, 真係要玩成個星期

深度放電及再平衡仍再進行中, 完成之後小弟再同各位C兄報告有幾多改善

ghhf

為咗驗證及得到更確實效果, 小弟決定下星期都唔開Head-Fi, 輪流不停為電池組進行再平衡高壓充電, 下星期六先再開Head-Fi, 睇下電池組表現

ghhf

又有新驚喜! 小弟發現原來可以容納極限體積, 電池電量可以去到80AH(350(L) x 167(W) x 183(H) mm, 一粒電24.0 Kg ), 既然玩大咗, 就玩到能力空間所及最大, 好彩仲趕得切, 急忙改order, 用12V, 80AH (4串連+1備用)唔單止夠一台WA6 SE玩足成曰, 將來小弟再加其他裝備, 電池補完系統都應付有餘, 不過要倒數8個星期先送貨, 好期待

CitiBat RA12-80 (12V80Ah)
http://www.citibat.com/download/RA/RA12-80.pdf  

ghhf

小弟做嘢一向言出必行, 而且做足全套, 升級完勁量80AH電池, 就緊係要升級埋勁量充電機, 小弟入咗隻Meanwell PB-600 48V輸出版 (香港鴨記大鋪話無貨, 定貨又話要90日, 又大鼻, 今時今日咁做生意好唔掂, 巳經無咩mood再上大鋪買嘢. 小弟決定網上定購, 有2件存貨, 係貴咗$100, 勝在快同爽, 雖然唔係急用, 但唔使睇人面色), 有勁量充電機服侍勁量電池就無乜拖



講番呢隻PB-600, 台灣產品, 可以有8段充電模式, 又有溫度保償, 600W輸出, 可遙控開關及有狀態Relay控制, 小弟用緊同廠正弦波逆流器TS-700非常穩定, 好嘢要讚, 衰嘢要彈, 係小弟作風, 而家強勁逆流充電組合成套, 只欠電池, 好期待升級版電池補完系統 .....

Meanwell PB-600
http://www.meanwell.com/mw_search/PB-600/PB-600-spec.pdf

borrego

師兄愈玩愈大陣象, 不知有否考慮部WA6-SE係系統㼛頸? 因為儘管用發燒胆管, 完美電源, WA6-SE始終受制於其輸出火牛質素, scalability見頂。

其實師兄夠budget, 又重注重電源部分, 不如改玩eddie current胆機, 取其高質火牛及電源部份, 其40kHz燈絲供電設計更是業界獨門技術, 發揮胆管最强表現。

ghhf

borrego 發表於 2015-8-4 23:44
師兄愈玩愈大陣象, 不知有否考慮部WA6-SE係系統㼛頸? 因為儘管用發燒胆管, 完美電源, WA6-SE始終受制於其輸 ...

C兄既問題小弟有考慮過，不過一直無放棄WA6 SE。小弟最终會入多一部膽AMP，不過未決定牌子型號(或者有時間揾到d好缐路，自已收集慢慢切到合心水，甚至入古董機再翻新)，重點係試聽多d，小弟得閒d會帶私貨耳機四圍聽下，再作決定。

暫時仍然專注基建，同想完成274，5U4系列整流膽經典試聽大計。

ghhf

borrego 發表於 2015-8-4 23:44
師兄愈玩愈大陣象, 不知有否考慮部WA6-SE係系統㼛頸? 因為儘管用發燒胆管, 完美電源, WA6-SE始終受制於其輸 ...

就C兄既問題，小弟有多些少"取向"性補充，小弟覺得現有系统其實係無樽頸，因為小弟主要係玩组合變化，即使WA6 SE先天設計上有其局限性，但無礙佢作為小弟玩膽管组合一個簡潔高效平臺，不必係"絶對"追求，反而係體現係組合"相對"變化既樂趣上。

事實上，隨咗整流膽274及5U4系列，小弟亦玩埋6EM7系列功率膽，近期小弟更準備加裝6SN7->6DE7適配座，咁WA6 SE就可以玩埋流行既6SN7功率膽，组合更加多變，樂趣無窮。

t1174

3800 WAh ..... 比 purepower 2000 也大就一倍了..... 唔知對比分別大唔大呢？