我的組合: 終極品聽 經典試聽大計!

ghhf

moliu 發表於 2015-7-1 22:02
6V4 也可以的，因為是通用的整流管來。這隻我已用上了罕有的英國cossair

如果用6V4參數測EZ80可以接受，咁就無問題啦。

雖然小弟認為部tester性能正常，不過為安全計，C兄最好帶埋舊或後備膽先試行一次測驗程序，減低風險意外損害到現有配對膽。

moliu

先感謝師兄幫忙~~~~

ghhf

moliu 發表於 2015-7-2 10:35
先感謝師兄幫忙~~~~

OK, 小弟搞掂d嘢無咁忙, 9或10月一於同各位C兄搞番個小聚, 試下d膽, 食d嘢傾下講下 .....

黑翼菜鳥

ghhf 發表於 2015-7-2 19:57
OK, 小弟搞掂d嘢無咁忙, 9或10月一於同各位C兄搞番個小聚, 試下d膽, 食d嘢傾下講下 .....   ...

讚

黑翼菜鳥

ghhf 發表於 2015-7-2 10:12
如果用6V4參數測EZ80可以接受，咁就無問題啦。

雖然小弟認為部tester性能正常，不過為安全計，C兄最好帶 ...

http://www.r-type.org/exhib/aaa0526.htmhttp://www.r-type.org/exhib/aaa0526.htm
看來是共通的

ghhf

Woo Audio系統用家及入手意向列表

最近見到76論壇先後己有C兄有意向入手Woo Audio系統, 覺得高興因為有機會多d交流品聽姐妹系統, 小弟自己年尾亦會定WA6 SE配件, 為公為私, 如果可以組得成團購, 可能可以慳番些少. 小弟將有入手意向C兄及相關帖文細列如下, 如果有其他C兄都有意入手或己經用緊Woo Audio系統, 請留名, 方便聯系交流:


現有玩家

ghhf - WA6 SE
moliu - WA2


意向玩家

GOTO - WA22
想在香港買Woo Audio: http://post76.hk/forum.php?mod=v ... &extra=page%3D2
天使魚 - WA6 SE
(開箱)T1+求助: http://post76.hk/forum.php?mod=v ... &extra=page%3D1

ghhf

終於收到專幫TV-7 Tube Tester做校準既萬用表TS-352/U, 又係小弟興奮開箱既時間

TS-352/U用兩組電, +1.5V(1.5Vx1)及+13.5V(4.5Vx3電池串連). 小弟唔會浪費時間去搵原裝電池, 決定改用環保充電, 不過要做小小工程. 先除塵去漬, 用雙面膠紙固定3個AAx4型電池箱, 再串連銲上機身原來接點, 最後再除去一粒以AA型x11大約13.9V及D型x1大約1.28V提供最接近供電

小弟呢件TS-352/U品相非常好, 不過真係成舊鐵咁, 只會係屋企玩過手癮, 一定唔會帶出街

ghhf

經典試聽, 第一階段: 煲膽

小弟呢2個星期又係比較靜, 一來繼續不停交叉轉換3粒俄膽試聽變化, 每粒要行番50個鐘以上先再詳評. 另外後級供電系統唔穩定, 供電比WA6 SE既逆流器行3個鐘就話電池電量不足, 本應充滿電(過夜大約充4個鐘)可以用到8個鐘以上, 足夠比小弟品聽2節. 經過驗查, 原來係12V x 4串連鉛酸電池組中有一粒好快放完電到10V, 其他3粒都仲係12V以上. 小弟搵番一粒新電頂上, 由於係串連作48V = 12V x 4輸出, 所以唔會有電池之間放電充電不均問題, 呢set鉛酸電池組用咗2年, 雖然係平嘢不過算幾穩定, 小弟幾滿意. 其實小弟當年入逆流器時就特別選咗比較高壓48V輸入型號提高轉換效率, 電池串連作輸入仲比較容易管理同安全, 小弟果然係有先見之明

C兄可能會問小弟寫咗成大段嘢講電池, 又自己讚自己, 同煲膽品聽有咩闗係?! 小弟就係有d有趣發現.  同樣既電源接線及連接線路, 只係換咗其中一粒電池, 充滿電之後小弟再聽, 就發覺效果有明顯唔同, 係差咗一截, 各方面都有影響, 小弟肯定唔係自己心理作用, 不停番聽放幾百次既飲歌,  好似窄緊薄咗, 無咁流暢同奔放, 飽滿度, 純凈度亦好明顯不及改動之前效果, 感覺系統好似有一件重要元件被攞走降咗級

只係換咗其中一粒電池就有咁既分別的確令小弟好驚奇, 而且打亂咗小試聽俄膽進程, 因為平衡已被打破, 一路轉換3粒俄膽試聽咗十節儲下來既印象巳經改變咗, 唔通新電池都要煲? 呢個似乎係唯一合理推論


經典試聽, 俄膽作先鋒 全文:
http://post76.hk/forum.php?mod=r ... 7&fromuid=87952

ghhf

電池補完 深切治療

免責聲明:
所有電源改動及連線, 仍小弟跟據個人經驗實踐行為, 有關改動及連線有一定風險, 不當處理可能會損壞相關器材, 及違反原廠保養條款, 甚至危及人身安全. 小弟無意鼓勵其他C兄模仿, 小弟亦不負責模仿後產生既任何後果同損失.

話說後級電池補完鉛酸電池組(A1-A4串連, B1後備)中有一粒電(A4)好快放完電到10V, 之後又有一粒跌到0V(A3), 小弟套Head-Fi系統行咗一年之後, 而家後級供電系統非常不穩定, 一連有兩粒電池出事, 巳經唔係個別事件, 小弟心知不妙

電池組整體電量少咗50%以上, 做咗些少資料搜集之後, 決定幫後級電池補完系統鉛酸電池組進行"深切治療", Smart Charger都唔認粒電, 小弟要用最簡單火牛直出(加限流電阻同保險膽), 搞咗一輪, 最終救番兩粒電池. 不過小弟咁貪玩, 就緊係順便玩到盡, 仲做咗一連串"吊鹽水"工程,  睇下效果有無改善. 去圖先, 遲D觀察分析之後, 小弟就會決定後級電池補完系統既改善方案, 再同各位C兄分享, 電池組食咗成1L蒸餾水, 出聲好似輕盁清甜咗

edm230

充電池一年玩完好似好短命
(Post76 Android 手機版送出)