討論下幾對最新既旗艦耳機

muffy

iamsocheap 發表於 2013-6-10 12:13
除了價格一詞，我還有用官方定位一詞的，希望各位師兄不會無視掉。
我從沒有說過價格貴等於好，等於旗艦 ...

的確因為你既想法同意見, 呢個post都生色不少既~
其實你咁多正面既想法不如自己開個Post啦, 話曬你主場你講都咩都
我到時一定入黎撐你!
但你而加係度意見多多, 講真我自己就不太喜歡啦...(其實你唔覺得你離題咩?)

同埋你留意下你最後果段文字...(怕你改所以quote定先...)
"難不成沒什麼器材，又沒發開箱文的師兄就不能有其他形式的分享和貢獻？我想不一定吧。"
好似想挑起罵戰定想點呢? 我真係唔清楚...有點兒那個...
anyway 我無權阻止你騎劫同搗亂, 但呢個回覆以後我都唔會再浪費寶貴時間回覆你啦
你想點既請自便!

斯路

iamsocheap 發表於 2013-6-10 10:02
其實 Fitear Parterre 都唔算係旗艦，只算係其中一個系列/型號吧？
咁不如討論埋最近唔同嘅新型號？
好似we ...

的確有好多新玩具
甚至有多隻都幾值得留意下, 如無理解錯應該係內置active而非一般passive crossover既In Ear Monitoring Stage Diver系列
Ocharaku Kuro都係非常唔錯既一隻, 期待hiyori同cato師兄們既分享, 到時我再參一腳講講我既感受啦

至於Parterre, 我雖然有興趣但非常有保留
到底佢係參照邊個表演場地既聲響反應時間?
佢點樣解決因為物體位置唔同而有唔同程度既音頻衰減?
點樣解決多頻道錄音但又模擬到坐係後排座位既感受?
甚至連點解係要模擬中後排既座位感受我都唔明白, 又或者我去過既表演場地都係次幾個檔次,
所以唔覺得中後排既音效特別好?
睇黎必要試試呢

hiyori

首先多謝muffy兄開呢個post，引導大家去吹下d熱門耳機，仲有好多師兄都勁有興趣，而香港應該未有幾多人聽過既fitear Parterre既聽感，唔加分真係唔得啦

其實兩位師兄對旗艦有唔同既理解，muffy兄從綜合實力角度出發，而iamsocheap兄就從官方宣告既角度出發，基本上兩個講法其實都係兩個角度去睇，無話邊個岩既。

大家上forum梗有唔同見解，而有唔同見解，絕對係一件好事，因為大家可以用唔同角度去睇野。但有個大前題，其實都係尊重對方同自己唔同，所以小弟覺得有唔同見解既時候，點去表達都好重要架。

例如你出個post講er4係最毒人聲，有個人就走入來係咁話er4 d人聲唔好聽，一兩句還好，但大家你來我往，甚至變成下下針對，就好易變成吵架，咁大家都會唔開心，開post既師兄又無癮，大家上forum吹水，都係想玩得開心，吹得過癮者，係咪？

有時有d野可能你覺得對方同你諗法好唔同，你表達過又說服唔到佢，而又覺得自己有道理wor，咁其實唔需要係師兄個post到糾纏，開個新post講下自己觀點，都係一個方法，咁一來無咁針對先啦，二來，也是更重要，咁其實代表左呢個世界本來就係有好多唔同既聲音同想法，唔一定要全部人都同你一樣先過癮，用番神劇天與地既金句︰
「和諧唔係一百個人講同一說話，和諧係一百個人有一百句唔同說話之餘，又互相尊重。」
唔知大家同唔同意小弟既見解呢?

hiyori

斯路 發表於 2013-6-10 13:20
的確有好多新玩具
甚至有多隻都幾值得留意下, 如無理解錯應該係內置active而非一般passive crossover既In ...

快d講番主題同回埋斯路兄小小
Flat4唔敢咁快去寫，原因，寫左大家會知(炸

然後Parterre我覺得fitear吸收左111同334to go既經驗，呢對應該係佢地成熟之作，好期待佢會點去表現classic之外，更重要係有人話佢人聲毒到識飛，真係要見識一下，聽左之後我又係道分享下

846已經有好多聽左既大大同我講話，係今年必入vip，雖然佢地聽既版本唔係最終ver，但係都會好期待佢既BASS有咩新把戲

muffy

hiyori 發表於 2013-6-10 13:54
快d講番主題同回埋斯路兄小小
Flat4唔敢咁快去寫，原因，寫左大家會知(炸

其實我試左Parterre呀, 雖然唔係試左好耐
但我既評語如下:
1. 可能未run-in既關係, 有小小濛 (唔係Westone果款, 同埋得小小)
2. 我唔係聽開classical但我覺得好好聽, 雖然我無斯路兄咁專業 (大家知我講野好鬼簡單直接, 毫無深度), 但我認為樂器定位好好, 聲音好立體, 結像好好, 空氣感好強 <---呢個一向係fitear既強向
3. 配戴有小小似F111, 略為大左小小, 都算舒服
4. 造工精美, 個面係磨砂, 其他地方係好滑既"令"面, 原裝跟001
5. 人聲我覺得唔算毒 (同我對111IS比較), 但補充我個朋友run-in左幾十小時後話去到334既境界, 佢好喜歡

以上係小小分享, 希望多D人可以聽完再提供多D意見

muffy

斯路 發表於 2013-6-10 13:20
的確有好多新玩具
甚至有多隻都幾值得留意下, 如無理解錯應該係內置active而非一般passive crossover既In ...

師兄多謝你專業既意見
其實我唔係好明...可否用淺白既文字形容下?
同埋係你聽完既感覺定係點?
自己知識好貧乏, 希望可以學下野

stevenyu2000

hiyori 發表於 2013-6-10 13:51
首先多謝muffy兄開呢個post，引導大家去吹下d熱門耳機，仲有好多師兄都勁有興趣，而香港應該未有幾多人聽過 ...

咁以哩個post原則， ER4算唔算旗舰呀？

hiyori

stevenyu2000 發表於 2013-6-10 15:48
咁以哩個post原則， ER4算唔算旗舰呀？

ER4小弟唔敢講呀，一來小弟不特別中毒，二來玩過既時間好短（1個月左右），我知道Steven兄對Er4下這一番苦功鑽研，聽過師兄既ER4組合實中毒，幾時有機會俾小弟見識下先？

如果呢個post，我諗樓主似乎係想講多d新機，不如steven兄開個經典旗艦旗艦耳機post講下ER4,等我地76既朋友學下野啦？（記憶中呢邊好似無人寫過ER4)

muffy

Steven兄不如開個新post講ER4啦!
佢覺對係一個經典, 而且我好耐無見你既分享文啦!
到時一定過去撐場~
我呢邊不如集中講"新"旗艦啦~

stevenyu2000

唔係呀，想問下定位係咩。

我都出左個 philips flagship iem S2 review 無耐。