討論下幾對最新既旗艦耳機

muffy

不如大家討論下啦!
今年既IEM百花齊放, 真係目不暇給
雖然我一向主張耳聽為實, 不過唔係個個有時間/機會去聽曬咁多對好野, 所以有時候閱讀一下人地既評測都係一件好事
我就建議大家圍繞住以下幾對 (歡迎大家提議, 我可以隨時補充)
排名不分先後:
1. Shure SE846
2. Fitear Parterre
3. Tralucent 1Plus2

等我講先啦!
我自己未有機會試1 (由於最神秘所以放第一), 而前日剛剛試聽左2, 有兩個朋友即時入手而我自己就毒唔到
不得不承認2聽Classical music真係一流, 而空氣感同結像亦係小弟所聽過既耳機入面數一數二, 但可惜我極少聽呢類音樂...不過會推介俾喜歡呢類音樂既師兄們!

至於3我就係用家之一, 始終個人口味, 我自己真係超級喜歡, 甚至將其中一條線改埋Balance頭, 聽感又進一步提升
佢算係一對超級雜食既耳機, 無論聽乜音樂都好好, 自己會形容為一旦戴上去好唔想除低既耳機

大家又覺得點呢? 不如分享下啦! 尤其係1! 真係好想試下......

iamsocheap

其實 Fitear Parterre 都唔算係旗艦，只算係其中一個系列/型號吧？
咁不如討論埋最近唔同嘅新型號？
好似westone adventure同ocharaku 嘅flat4 kuro 咁
Aurisonics 隻asg-2 都算新出
Final Audio Design 隻heaven VI-CC 都無咩人討論
Hifiman隻re400 同re600 我覺得都幾值得討論一下。

不過咁多隻耳機係一個雜錦post 入面都其實比較難討論，會比較混亂。
不如係度先主要討論一啲外面比較少人講，而post76 又無討論串嘅耳機為主？
好似parterre, flat4 kuro，asg-2之類
之後如果見邊隻耳機有比較熱列嘅討論/比較多人講再開個獨立post?
我諗咁樣會無咁混亂，而且也比較不會重複太多的主題。
只係一啲個人想法，大家覺得點？

muffy

可能我講得唔清楚
Parterre 絕對係Classical既旗艦, 師兄可以聽完先決定我既評論是否正確
點解我只係講呢幾款因為
1. 三款我都識得人有 (起碼adventure, ASG-2我唔識人有, 唔想得個講字)
2. 個人認為比較熱門
3. 我唔想一次過講大多對...
至於你既提議當然非常好, 但學你話齋一個post講太多對都好困難...但你又提議左6對...

師兄你對你提議既六對有乜分享?
我自己對ASG-2好有期望, 因為當初ASG-1中伏...所以好想聽下其他人對呢對既分享

tommy852

話說Parterre係咪係j店試?
價錢去到邊?

muffy

tommy852 發表於 2013-6-10 10:26
話說Parterre係咪係j店試?
價錢去到邊?

係呀
價錢唔知可否公佈
總之比334定價平$2000

tommy852

muffy 發表於 2013-6-10 11:01
係呀
價錢唔知可否公佈
總之比334定價平$2000

嘩 都幾貴下

iamsocheap

muffy 發表於 2013-6-10 10:17
可能我講得唔清楚
Parterre 絕對係Classical既旗艦, 師兄可以聽完先決定我既評論是否正確
點解我只係講呢幾 ...

我未試過parterre，不過我一般講旗艦我想是指公司對於貨品的定位和價格吧。好似ultrasone tio 人聲比iq 突出也不會記他是人聲的旗艦吧對不對？ lol
我覺得唔一定要自己有/聽過/有朋友入左 先可以提出黎討論嘅，網路上(特別係post76)咁多深藏不露嘅師兄，發起多啲討論有機會可以拋磚引玉，引啲聽過/擁有者出黎討論嘛。
唔理熱唔熱門，聲音好，設計好就是好耳機嘛，如果不是太熱門的也能讓多點人認識。

可能你無睇清楚，其實上個回覆都講左，我意思係覺得反正都係做雜錦post, 都預左相對會比較混亂，咁不如係度討論一啲post76 耳機區比較少人講/無咩討論同埋無討論串嘅型號，如果某型號多人有興趣/資訊不少的話就再開個獨立post黎討論。
所以雖然我好似提出比較多，但其實總的來說係想方面大家將資訊分類同減少混亂的。
而且也不會有太多重複的主題(有啲耳機已經有自己嘅討論串，可以方便大家整理嘛)

少少的個人想法 :)

iamsocheap

tommy852 發表於 2013-6-10 11:13
嘩 都幾貴下

某店facebook已經公開回覆左定價係$8800 hkd

muffy

iamsocheap 發表於 2013-6-10 11:30
我未試過parterre，不過我一般講旗艦我想是指公司對於貨品的定位和價格吧。好似ultrasone tio 人聲比iq  ...

唉我都唔知講咩好...
如果你覺得旗艦就等同價格直接反映...咁我同你根本唔係同一個星球...
貴真係唔等於好呀...呢句說話我係由衷咁同你講...希望你可以放係心度...

至於你覺得TIO人聲好過IQ就可以用旗艦黎形容...我更加無言, 只可以話我對耳仔真係好廢...因為比佢人聲好既我都數到幾對出黎

我講緊既Parterre係因為我認為佢聽classical真係數一數二...都係果句, 不如你真係聽左先啦..

最後我開個討論貼係想大家多多討論...師兄你咁多想法(又無實際既分享同貢獻, 重要將旗艦同價格掛勾...><"")
不如你自己開個post啦...

最最最後我真係想強調多次...旗艦真係唔等於最貴...呢句說話我係由衷咁送俾你...

iamsocheap

muffy 發表於 2013-6-10 12:00
唉我都唔知講咩好...
如果你覺得旗艦就等同價格直接反映...咁我同你根本唔係同一個星球...
貴真係唔等於 ...

除了價格一詞，我還有用官方定位一詞的，希望各位師兄不會無視掉。
我從沒有說過價格貴等於好，等於旗艦，而是想指公司定位同價格都有影響，請不要曲解別人的意思。
我嘅意見都係想引發更多人的討論，至於對論壇正面的意思、想法和提議算不算是實際既分享(想法)同貢獻，就由各位自行定斷了。難不成沒什麼器材，又沒發開箱文的師兄就不能有其他形式的分享和貢獻？我想不一定吧。

*更新一點，一般旗艦的定義是以自家產品來定位而不會跟世界上廣大不同品牌的器材比較來定義的吧？