[MUL] Crysis 2 (348樓~DX11更新現已推出~更新相關片段)

marcolau

事關我部腦已經有6年歷史~所以一定要成部機換~其實本來上年已經唸住換~但好唔好彩C2延期到今個月出~ ...
@肥狗仔@ 發表於 2011-3-6 22:03

我嘅理論就係，總之覺得部腦唔夠力就係時候架喇.....

@肥狗仔@

****以下有關IGN及PSM3文章皆為本人原文翻譯~

CRYTEK係今次GDC2011展出各平台嘅多人遊戲DEMO，點知引發媒體之間嘅對決。係幾日前，一位IGN記者係網站發表一篇preview，當中表示PS3版出現種種畫面上嘅問題，並表示360版已經完全超過左PS3版。報導一出即引發一連串嘅討論，而遊戲雜誌PSM3亦非常快手地係第二日就發表一篇文章進行反擊。其矛頭更直接整個業界。


以下為IGN編輯對CRYSIS 2嘅PS3版感想原文翻譯:

    「老實講最初我對於CRYSIS 2嘅PS3版之所以咁擔心，主要係因為以往未試過有遊戲係咁接近發售日嘅時候仍然未推出過任何嘅對外/對內試玩。而儘管我之前已經數次表示我對於PS3版嘅期待，但明顯CRYTEK並冇理會。不過好彩，係不久之前，CRYTEK終於應承左我地係今個星期嘅GDC發表會完結後，就比我地見識下PS3版本嘅威力。呢個PS3版為15號推出嘅多人遊戲BETA黎。可惜嘅係，當日我花左個半鐘去遊玩呢個PS3版本，得出嘅結果係並唔理想。感覺PS3版係fps上經常好似斷斷續續咁，鋸齒周圍都係，影子狂閃。咁樣嘅畫面唔好話頂級作品，就連三﹑四流嘅PS3遊戲都唔應該出現。最大獲嘅係fps嘅問題已經嚴重影響到操作反應。雖然可能因為我地嘅錄影質素問題，係IGN遊戲片段中反映唔出呢個問題，但我並冇講大話因為已經超過一個IGN編輯同樣發現呢個PS3版嘅問題。話雖如此，遊戲質素仍然唔錯，因為所有版本都提供令人嘆為觀止嘅高質素光影特效，例如室內室外進出嘅瞳孔轉變。而且音效亦非常出色，所以保證玩家可以有一個充實嘅多人遊戲體驗。」

   「 據我地所知，PS3版根本就未完成好。呢個所謂嘅PS3版多人遊戲模式其實只係幾個月之前先開始製作。不過樂觀d去睇，CRYTEK現時仍然全力趕工，短時間內嘅優化應該會使PS3版係發售之前有明顯改進。事關我地玩緊嘅PS3版係夾左係剛剛完成嘅PC版及重新推出嘅360版中間，相信CRYTEK稍後會focus返係PS3上並進行完善工作。對於3月1日重新推出嘅360版多人遊戲DEMO，我先前所投訴嘅操作問題都已經解決得7788，而360版嘅畫面包括可視距離﹑對比度﹑fps亦都比PS3版更加理想，更加鮮明。不過呢個都係相對於我玩嘅PS3版而言。」

    「點都好，PS3玩家最終都要通過3月15號所推出嘅多人遊戲DEMO，先可以作出一個客觀評論。」


針對IGN嘅言論，PSM3編輯Andy Hartup隨即係第二日發炮:

    「某個遊戲網站編輯聲稱PS3版出現低+唔穩定fps同埋唔理想嘅操作等等惡劣問題。不過我亦都花左幾個鐘試玩過PS3版最儘12人嘅多人遊戲，唔覺得有任何拖慢﹑鋸齒﹑畫面斯烈及fps問題。所以反映出其他平台亦都明顯係係幾個月前先開始製作及未經優化。」

    「不過有一點我係同意，就係視覺效果方面。對比返360同PS3版嘅單人遊戲，PS3的確係唔夠sharp，一d黑位呈現亦唔多理想。不過問題唔算好大。」

    「老實講啦，今次EA嘅發表會上嘅PS3版多人遊戲DEMO基本上所有人都玩過哂，當中好多都係360或者多平台遊戲網站/雜誌編輯，如果PS3版真係差得咁緊要的話，EA仲點會令出黎比人玩呢?」


*雖然PS3版嘅質素係點呢家仲言之尚早，但Andy Hartup以下嘅觀點@肥狗仔@係十分同意嘅~

    「我唔認為360版本真係同PS3版有咁大分別，所以PS3玩家根本唔洗對果D報告咁在意。而且我相信唔好話CRYTEK，所有工作室係遊戲試玩會上都希望遊戲網站/雜誌編輯﹑記者係玩完遊戲後分享對遊戲嘅心得同意見，但呢家業界明顯唔多領情，玩完就話邊個畫面好d邊個差d，其他遊戲體驗報告只先係次要。唔怕老實同大家講，今次特登發表文章有一部份原因都係投訴近年呢一種不良文化。同時，我地亦承認我地唔想令到PS3玩家因為某幾篇根本冇事實根據嘅報導而覺得佢地中左伏。的確，正如我地之前嘅報導，Bulletstorm嘅PS3版本係唔及360/PC版本，但唔代表所有遊戲都會面對同樣結果。我認為咁樣係好唔公平。而且有關嘅開發商係事件中係非常之無辜。其實，自從有preview呢家野出現之後，我唸我地係呢d畫面比較上面應該要客觀一d。因為preview所評嘅遊戲都係未完成，開發商仲會有好多特效﹑高品質嘅貼圖要加入遊戲度。今次某網站編輯所講嘅野已經令到部份PS3玩家威脅話會退訂，呢點對於仍然努力優化遊戲嘅開發商係會好大打擊。」


*最後送上由本作執行製作人主持嘅GDC2011多人遊戲視頻~當然係PS3版~
[YoutubeHD]HTsnddktHgo[/YoutubeHD]

@肥狗仔@

我嘅理論就係，總之覺得部腦唔夠力就係時候架喇.....
marcolau 發表於 2011-3-6 23:33

    = =~咁請問marcolau兄之前玩過邊幾隻game覺得部腦唔夠力?^^

marcolau

= =~咁請問marcolau兄之前玩過邊幾隻game覺得部腦唔夠力?^^
@肥狗仔@ 發表於 2011-3-7 00:29

我唔係因為咩game，因為我部PC多數係做野。
只係我D朋友問親換機理由我都一定咁答.....^^

kefana

其實新個demo (360版 ) 同之前出個demo multiplay 畫質有冇好d ??

之前太爛喇.

@肥狗仔@

其實新個demo (360版 ) 同之前出個demo multiplay 畫質有冇好d ??

之前太爛喇.
kefana 發表於 2011-3-7 09:05

    我都係玩新地圖為主~Skyline冇咩留意到~今次3月1日嘅360版DEMO都係改進之前BETA所收集嘅意見﹑投訴~而且我又唔多覺得之前個DEMO畫面好差~要知道CE3係集大成嘅引擎~業界所具有嘅技術佢幾乎都cover哂(雖然冇一樣係頂級)~要將呢d技術真正應用起一部有5﹑6年歷史嘅遊戲機上~那怕只係每樣加少少都非常車邊(應該話唔可能的)~要玩好畫面當然首選PC版~其實今次PC版優化理想~以呢家嘅主流PC配置~開出黎已經比360版要好~以下係PC VS 360嘅片段~可以睇得出360版都算係咁~

[YoutubeHD]7Gj6fgnMvQw[/YoutubeHD]


360版單人遊戲~
[YoutubeHD]xFT-kEXrAZI[/YoutubeHD]

@肥狗仔@

我唔係因為咩game，因為我部PC多數係做野。
只係我D朋友問親換機理由我都一定咁答.....^^ ...
marcolau 發表於 2011-3-7 02:17

    做野做到冇力?

1080/24P

如果係GeForce GTS 260玩唔玩到??

marcolau

如果係GeForce GTS 260玩唔玩到??
1080/24P 發表於 2011-3-7 14:27

睇哩度...^^
http://www.post76.com/discuss/re ... 5482&fromuid=57

marcolau

我儲閞game嘅人，第一代買左pc版，自然第二代都係pc版。
所以之前我近乎放棄x360版了，就連demo都冇down過...

但近來越多相關公佈，反而對360版嘅興趣大左。
始終係話題之作，都想睇吓5~6年前嘅產物點出到連現今pc都未必夠力嘅CRYSIS 2....
從上面條vs.片中特效同自然光明顯360屎D。

老實講，舊時超任時代，能夠移植到80%已經開心到爆....
反之今時今日就唔到100%都叫差.....風氣真係唔同晒。