幾個顯著改善聲音的方法

MDLP

morrise 發表於 2023-3-3 21:24
個人感覺係最大分別係空間感,
距離係有影響delay .....
純計玩低音係有鬼佬靠+sub仔距離令到低頻快過其他 ...

其實加距離並唔係令到低音快到皇帝位改善效果
有個concept先搞清楚係
Time alignment 係唔等於低音phase啱
舉個簡單例子
例如你左右喇叭有一邊正負倒轉
左右喇叭發聲到皇帝位
個time alignment都冇錯到
但係個相位度180度全頻搞錯
同埋低音有一個現象係
就算time alignment同polarity相同
但唔同低音單元個相位特性會唔一樣
可能對啱80周但係對唔啱60週
但如果調節一下個delay
又會到對唔60周但又對唔啱80周

lungaska

Overnite007 發表於 2023-3-3 21:30
多謝師兄提點，回看第一個post，會令人誤會0.875係所有牌子所有機種都適用。
現修改了註明只對2022年前的 ...

師兄，其實你講呢個其實都係傳聞，唔好講到真係真嘅樣先😅
(利申）我用8500h，用呢個所謂嘅傳聞係冇用，聲音冇好到的

MDLP

反而D&M有個正經功能叫bass sync
唔知點解無人熱烈討論
包括外國討論區

Overnite007

lungaska 發表於 2023-3-3 21:42
師兄，其實你講呢個其實都係傳聞，唔好講到真係真嘅樣先😅
(利申）我用8500h，用呢個所謂嘅傳聞係冇用， ...

我開post的原因是想分享我透過親身體驗提昇聲音的喜悅。
地盒保險系也有人換左冇效果，甚至有人話係絕對是假的，是音響器材商騙人的伎倆，是蛇油，反智等等。
我再在第一個post補充對0.875有興趣的朋友應自行上網找資料再決定。

lungaska

Overnite007 發表於 2023-3-3 22:00
我開post的原因是想分享我透過親身體驗提昇聲音的喜悅。
地盒保險系也有人換左冇效果，甚至有人話係絕對 ...

其實我冇話唔啱，不過你講到好似已經係一定係咁樣，我先至同你講返，都係都市傳聞，何況你都唔肯定app係咪已經fix左bug,我覺得一係你重新cal過一次,再乘返0.875, AB試吓係咪真係有分別,先好斷言

naviwow

聽落大家對0.875好似有D誤解，以為係甚麼調教秘技，懶新穎呀，其實唔係呀，佢係玩av最基本事情，輸入喇叭距離設定果度呀，而家有人提出D&M個設計唔夠準，0.875完會更準咁解呀，真唔真就唔知啦，所以各人自己試下啦，多一個選擇，唔鐘意梗係唔用啦。

另外新機係唔使修正架，或者用MultEQ-X app都唔使架。

至於分別有幾大？好容易架姐，自己0.875一次咪知道囉。無論相唔相信300m/s都好，你A同B兩個setting，一個係準，一個無咁準，邊個啱心水咪邊個囉。有時發燒友就係追求埋果少少丫嘛，鐘意折騰呀，無事搵事搞呀，部機買左返黎試下發揮晒佢丫嘛

lungaska

Overnite007 發表於 2023-3-3 22:00
我開post的原因是想分享我透過親身體驗提昇聲音的喜悅。
地盒保險系也有人換左冇效果，甚至有人話係絕對 ...

不過我都想講,我兩個拖板都換過灰屎，用緊六個地盒，聲音都有正面嘅提升

lungaska

naviwow 發表於 2023-3-3 22:13
聽落大家對0.875好似有D誤解，以為係甚麼調教秘技，懶新穎呀，其實唔係呀，佢係玩av最基本事情，輸入喇叭距 ...

咁師兄，你試咗未？

Overnite007

lungaska 發表於 2023-3-3 22:09
其實我冇話唔啱，不過你講到好似已經係一定係咁樣，我先至同你講返，都係都市傳聞，何況你都唔肯定app係 ...

我沒有斷言，我係講我的經歷。
至於佢有冇bug fix，我唔會再走去cal次機去find out。
cal次機要成粒鐘，咪玩啦。
部機唔好聲就話cal多次睇下會唔會好D，好聲做乜要搞多次

cakecake

Overnite007 發表於 2023-3-3 21:00
還有這個0.875又不是我創，在外國forum和Facebook已討論多時，在76也有師兄特別開post討論。
影音界一向 ...

首先我明白師兄你出呢個post係想分享自己所得，或者係字眼問題吧，可能會令人誤會呢個係必勝既捷徑，因為呢度好多資深既師兄都希望大家係由基本設置做起再去了解調教既方法。
用數據x0.875就攪店的確係好吸引，但出來既聲係米就係真正好聲？其實可能唔係，如果初入門師兄以為咁就好聲咁就大件事，提升唔到不特止，玩影音既技巧亦停留左o係度，因為佢已經有"好聲"了。
x0.875呢件事我知道不是你創的，好老實，未有人在post76提及呢個秘技時，小弟都一早聽聞了，因為當時了解緊MultiEQ X咁o岩發現的(其實重有x0.889) ：
https://www.avsforum.com/threads/audyssey-time-alignment-is-off-according-to-rew-impluse-readings.3243684/page-17

以小弟性格一定會分享下(賺下分😆)，但我都無，係因為我個人認為呢個方法不是一個必勝既教機方法。無錯，玩音響好多時都係好似睇風水咁，亦好多時需要靠"腦放"和"腦補"去得到快感(特別係換左D配件後)。但一D基本功例如擺位，器材配合，線材配件物料配合，高階既就係REW既應用，House Curve既應用等，的確係可以明顯提升影音質素而且有數據可依，絕不是風水咁虚無飄渺。反而無咩基礎既前提下以"幾個顯著改善聲音的方法"去標榜x0.875就好似有點兒不是太好。所以有些師兄肉緊D亦是無可口非，因為大家都想各位玩得叻玩得專業。
(題外話，個人認為加地盒和換Fuse係當教好套機之後再錦上添花既玩意，但要將整套機起死回生就絕對無能力，Fuse更加係要小心選擇，因為Fuse換有機會改變左機既"味道"，要知道是旦一part轉左D唔啱既味，如果有要求既話可能成套機既線材要再夾。)